السلام عليكم

يا جماعة اية الحل النهائى فى حرق اسعار منتجات الشركة ؟ دى اصبحت اكثر من نسبة خصم العضوية بكثير يعنى الشاور بعد خصم العضوية بحوالى 12 او 13 جنية اصبح فى المحلات ب 9 وب 10 جنية ومنتجات الشهر نفسة ليست منتجات قديمة حتى .

هل يوجد ناس مخصوصة بتاخد نسبة خصم اعلى ؟ ام انهم يخسروا انفسهم ؟

اهلاً بالاخوات والاخوة الذين ردوا على من ضمن تجربة حديثة من يومين عندى على ناصية شارعنا محل لبيع المنظفات كنت عرضت علية الشراء قبل كدة وقالى غالى المهم من يومين لقيت عندة شاورات كثيرة المهم كلمتة وسألتة والله العظيم قالى ان فية ليدر بيحرق الاسعار وبيبيعها ب 9 جنية !!
المهم روحت الشركة تانى يوم وكلمت مديرة الفرع وقولت لها اننا مش بنكسب شئ والمنتجات بتتحرف فى السوق قالت لى بيضربوا المنتجات بماية واكدت لى انها استعملت بعض منها لتجربتها وشعرت بلسعة فى جسدها من استعمالها .
المهم انا فكرت فى الموضوع ولقيتة ان اكيد المنتجات بتتضرب يعنى لو مثلاً عديمى الضمير والاخلاق والغير لهم ديانة اصلاً يشتروا مثلاً منتج علية عرض هنقول مثلاً هيبقى 2 واكيد بيبقى عندهم جراكن قديمة من نفس نوع المنتج بس فاضية طبعا اية المشكلة انهم يفضوا نص جركن الشاور ويملؤة النص التانى بماية ؟ وكمان فكرى صور لى شئ تانى فية ناس بتعمل شاورات فى البيت او حتى صابون سائل اية المشكلة انهم يعملوة فى البيت كلة على بعضة وحطوة لة لون وريحة ويعبوة فى الجراكن ؟ او حتى يكملوا بية الجركن ؟
لاحظوا ان اكثر شئ بيتحرق اسعارة فى السوق هو الشاورات والمنظفات التى يسهل فتحها وقفلها واعادة تعبئتها [ندعوك للتسجيل في المنتدى أو التعريف بنفسك لمعاينة هذه الصورة]

لو فكرتوا هتلاقوهم ممكن اوى يعملوا كدة فى الشاور والشامبو وحتى الباور لإنى مؤخراً لاحظت ان الباور بيلسع ايدى اثناء استعمالة وخاصة اللى كنا بنشترية من الخارج .