استفسار يا مستر محمد

تاريخ التسجيل : 22/08/2011

السلام عليكم ورحمة الله وبركاته

لو سمحت يا مستر محمد
انا طلبت 3 اوردرات من الشركه بس جم مره وحده
وطبعا شحنهم اتأخر فتره كبيره
وطبعا الاوردرات دى اتعملت مع العضويه
بس لما جه الاوردر اكتشفنا انه محاسبنا ع العضويه وكمان عمل 45 جنيه شحن
يعنى 55 جنيه
ينفع كدا ؟؟؟

تاريخ التسجيل : 22/08/2011

ع فكره انا تبع فرع المنيا

تاريخ التسجيل : 07/08/2010

هو حسب الشحن علي حضرتك 45 جنيه لأن حضرتك طلبتي الأوردرات علي 3 مرات

كل مرة كان لها شحن لوحدها 15 جنيه

أما تأخر الأوردر في الوصول فالحمد لله كان فيه انضباط كبير في فرع المنيا الشهر ده عن الشهور السابقة

أي نعم أنه ليس بالصورة المرجوة بعد لكنه أفضل بكثير وبقليل من المتابعة ممكن أوردراتك توصلك في فترة أقصاها 3 أيام بإذن الله

وربنا يوفقك إن شاء الله

تاريخ التسجيل : 03/02/2011

يا مستر محمد ارجو من سيادتك الرد على سؤالىانا عملت اوردر فى شهر فبراير ولم استلم الهدايا

وعملت برضه اوردر الشهر الماضى ولم استلم الاوردر

وذلك من فرع المنيا

يا ترى ايه الحل ولما اتصل يقولوا ان الهدايا لم تصل بعد من الشركة

شكرا ارجو الرد السريع

تاريخ التسجيل : 07/08/2010

أنا بس عايز حضرتك لما تتصلي تسأليهم بس عن حاجة واحدة وتتأكدي منها كويس

إن الهدايا بتاعتك محجوزة علي الكود بتاعك

بعد لما تتأكدي يبقي إن شاء الله هتاخديها

ممكن بس متبقاش متوفرة بس هتوصلك بإذن الله

تاريخ التسجيل : 03/02/2011

انا عاوزة اعرف هل الهدايا تكون محجوزة من شهر فبراير الماضى

الى الان شوف كام شهر

بصراحة جالى احباط

تاريخ التسجيل : 07/08/2010

أتمني بس حضرتك تتأكدي

لأن الخوف ميكونش تم استخراج الهدايا الخاصة بيكي وبالتالي حجزها

لكن لو هي محجوزة يبقي هتيجي إن شاء الله

هو فعلا من شهر فبراير كتير جدا

بس المهم التأكد منها

تاريخ التسجيل : 02/08/2011

بالنسبة للشحن اللى اتكلف45 لانهم واصلوا مرة واحدة وهنحاول نشتكى
ان مصاريف الشحن كتير شوية لان انا عندى طلبيات شحنها كان 25
جنية للمرة الواحدة ان شاء الله الشهر الجديد نتلافى الموضوع دة ونطالب
بسرعة فتح فرع سوهاج لتخفيف مصاريف الشحن

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 20/04/2011

ازيك يااستاذ محمد اخبارك ايه انا كان عندى طلب واقتراح بس يارب يعجب حضرتك وبتمناه بان يتحقق الاقتراح ده هو انى ليه الشركه ما تعملش كتالوج بتاعه المونتاجات ومفكره صغيره يكون فيها الهدايا بتاعه العضو وكمان التنشيط الاسبوعى اللى بيبقى كل اسبوع علشان حصل انى بتحط فى موقف مع الناس انى مثلا اقربها فى حكايه باور الاوتوماتيك انه كان اخر اسبوع كان نازل ب22.50 وهو كان نازل اول الشهر ب28 كالمعداد والزبون يسال اشمعنى يعنى ده نازل بالمبلغ ده وهو مش فاهم انى ده بيبقى ليه شروط وكمان حصل انى بشترى العرض ده اول الشهر بتمن ويجى لما ياخده منى اخر الشهر ويبقى نفس الحاجه بتمن تانى ساعتها بتسالى على ليه يعنى انت ادتنى ده بالتمن ده واول الشهر بالتمن ده انا بتمناه انى ده فعلا يتحقق ولو نفرض انى لو الشركه بتعمل كدا علشان تجذب الاعضاء اكتر ما احنا لو حد حب انه يعمل عضويه احنا اكيد هنقولى على الاتنين وعلشان كمان الكتالوج يتحرك بين كل الناس ومن غير احراج تانى او اى تسال مش من حق المشترى انه يعرفه ياريت يا استاذ محمد تقدر تعملنا الخطوه ديه بجد علشان هتفرق اوووووووووووووووووى معانا وربنا معاك ويقويك

تاريخ التسجيل : 29/09/2011

يعنى ايه الاسعار بتتغير ولا ايه

تاريخ التسجيل : 27/09/2011

هى تقريبا مش بتتغير
بس كل شهر و ليها عرض مختلف
لكن لو حسبتيها حتلاقيها تقريبا نفس السعر
يعنى لما يقول اشترى اتنين تاخدى واحده هديه
لو قسمتى سعر الاتنين على تلاته حتلاقي سعر الواحده تقريبا هو هو
نفس سعر الشهر اللى قبله
ممكن بقى اللى بيبيع يعمل حاجه تانيه
مثلا جت فريش تنظيف الوجه الشهر الماضى كان8.85
و الشهر ده بيقولك اشترى اتنين تخدى واحده هديه بسعر الواحده 12
انتى تشترى العرض و تقولى لو حتشترى واحده حعملك خصم و حبعلك الواحده بعشره جنيه
بكده حتبيعى التلاتع 30 جنيه حلو مش حتكونى خسرانه
و فى نفس الوقت حتكسبى الزبون لانه حيحس انك عملتيلو خصم
اعتقد فكره حلوه و ربنا معاكى و معانا ان شاء الله

تاريخ التسجيل : 07/08/2010

بالنسبة للأسعار فهي ثابته

لكن اللي بيتغير هو عرض المنتج

وبالتالي تغير عرض المنتج هو اللي بيغير سعره

يعني ممكن يكون المنتج أرخص الشهر ده من الشهر اللي جاي أو العكس

يعني مثلا لو سعر المنتج 12.00 جنيه
وعرضه 2+1 يبقي سعر القطعة 24/3=8 جنيه

أما لو عرض المنتج بقي 1+1 يبقي سعر القطعة 12/2=6 جنيه

وبالتالي العرض التاني خلي المنتجا أرخص منه في العرض الأول

أما بالنسبة لوجود العروض والهدايا لاخارج الكتالوج فدي فكرة كويسة جدا وممكن نعرضها علي الشركة بإذن الله

ولو إن حضرتك ممكن تتغلب علي المشكلة دي من خلال تعريف العميل إن مثلا سعر المنتج هيبقي أرخص في العرض الأسبوعي
فالبتالي يكون قدامه الخيار والقرار بدون أي إحراج ليك

تاريخ التسجيل : 05/02/2011

[b]السلام عليكم ورحمة الله وبركاته والله يا جماعة فكرة ان الهدايا والعروض الاسبوعية تكون فى مفكرة منفصلة عن الكتالوج فكرة ممتازة جدا لان بصراحة احنا بنتعرضوا لنوع من المضايقة بسبب معرفتهم بالهدايا دى وبعض الاحيان بيقولول لنا فى وجهنا ايوه ما انتم يتاخدوا هدايا والحكاية ماشية معاكم وفى بعض الاحيان بيطلب منى الهدايا دى على عدد نقط بسيط وبيبقوا مستكترينها علينا وهما مش عارفين المجهود اللى بنبذلوه عشان ناخد الهدايا دى انا باتمنى بجد ان الفكرة دى تتنفذ وشكرا

تاريخ التسجيل : 02/08/2011

فكرة ممتازة وجود مفكرة للهدايا منفصلة عن الكتالوج
على ان يتم تداولها بين الاعضاء فقط

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 02/10/2011

[ندعوك للتسجيل في المنتدى أو التعريف بنفسك لمعاينة هذه الصورة]