أيوة ماتبلبعش أدوية عمّال على بطّال من غير دكتور
"كان عندي برد وخدت كونجستال،، لقيت ان مش بس الرشح قل شوية،، لأ كمان بقيت بنام كويس،،
بقيت كل مااعطس عطسة،، أجري آخد كونجستال "
ده موقف بنشوفه كتير للأسف..
غيره،،
"الباراسيتامول ده طلع حلو أوي،، انا مش سخنة ولا حاجة،، بس ريحني من الصداع ،، وبقيت كل ماتبدأ دماغي تدق أجري ع شريط الباراسيتامول،، ده حتى الدكتور قالي ده دوا آمن حتى لو انتي حامل"
موقف تاني بيتكرر كتير
لازم نعرف ان في حاجة اسمها "toxicity"
كل دوا له جرعة معيّنة جسمك بيحتاجها،، لو زادت حبة صغيرين جدا،، يقلب الدوا بدل مايعالج،، يكون مادة سامّة
_ اللي انتي تاخديه وانتي وزنك 100 كيلو غير اللي أختك تاخده ووزنها 40 كيلو
_كمان الدوا اللي الدوك قالك انه آمن في الحمل،، آمن بجرعة أقل بكتير من اللي يستحقها الأشخاص العاديين
لو زاد حبة صغيرين جدا هايكون سام
ماتبلبعش!
التزم بالجرعة اللي الدوك كاتبها،، اوعى تزوّد من نفسك قرص واحد
وماتكسّلش تسأل ،، قبل ماتفكر تبلبع !