Helicobacter Pylori
أو جرثومة المعدة كما يُطلق عليها عامّيّا،،
في حاجات كتير أوي ممكن تسبب التهابات للمعدة،، اللي لو أهملناها ممكن توصل لقرحات "ربنا يعافي الجميع يارب"
غير أساليب التغذية السيّئة جدا المنتشرة واللي كلنا مش بنعرف نتغلّب عليها
ممكن تكون بتحس بوجع في معدتك 
التهاب 
أو كما يسمى عاميا" حمو" اللي هو حرقان في فم المعدة 
طيّب عشان تكون عارف الأول ان ده وجع للمعدة،، وهو جاي عندك في منطقة الصدر،، وإش جاب المعدة لمنطقة الحرقان دي 
وجع المعدة ده من نوع الأوجاع ال " referred pain" 
يعني التعب في المعدة،، والوجع بتاعها في مكان تاني خالص
فأول ماتحس بحموضة ،، بعد الأكل،، أو حتى من غير أكل
ابدأ شك في ان في التهاب في المعدة
ومش كيس فوّار ولا قرص زانتاك وتلاقي نفسك بقيت فلة تطنش 
كل الرغي ده عشان أتكلّم عن ال "Helicobacter Pylori" 
أو جرثومة المعدة
واللي هي من أهم أسباب التهاب المعدة
ومن أهم اسباب "peptic ulcer"
واللي أوّل ماالاقي عندي أعراض معينة،، أبدأ أشك في اني مصاب بنوع البكتيريا ده
واللي لو مااتعالجش كويس ، ممكن يسبب حاجات احنا في غنى عنها" ممكن توصل للسرطانات_ ربنا يعافي الجميع_"
والجرثومة دي عبارة عن نوع من البكتيريا،، ممكن تصاب بيها في طفولتك،، بس أعراض المرض مش بتظهر غير في سن الشباب
بلاقي وجع في المعدة_ في المكان اللي اتفقنا انه وجع المعدة بييجي فيه"
بييجي أكتر لو معدتك فاضية،، ممكن تلاقي نفسك حاسس بحاجة بتقرصك في معدتك،وتكون فاكر نفسك جعان اوي
"هو نوع من الألم مش جوع"
بتلاقي ان الألم ده بيزيد غالبا بالليل أكتر من النهار 
وبيفضل لساعات مستمر،، حتى لو أخدت مسكنات عادية
ولما بتبدأ تتعالج بأدوية المعدة اللي كلنا بنبلبعها،، بتكون مجرد مسكن،، والألم بيرجع تاني في خلال أيام
بتحس كتير ب nausea وبتكون معرض للقيء
أوّل ماتلاقي نفسك مصاب بالأعراض دي _ربنا يعافي الجميع_ اجري ع أقرب دكتور،،
وزي ماهي أعراض للإصابة،، فالتحاليل اللي بتثبت أو تؤكد "ممكن تنفي باذن الله_ الإصابة :)
بس ماتكسّلش
أسألُ الله العظيم رب العرش العظيم أن يشفي جميع مرضى المسلمين،،
وأن يجعلَ من آلامهم تكفيراً لكل ذنبٍ كان أو لم يكن بعلمٍ منهم!
في أمان الله! 
الرئيسية
أمس في 9:36 pm من طرف ابو ليل
