إزاى أكون مجموعة؟؟؟؟؟؟؟؟؟

تاريخ التسجيل : 29/08/2010

السلام عليكم ورحمة الله وبركاته
ياريت ياجماعة أعرف إزاى ممكن أكون مجموعة فى ماى واى؟
يعنى أقل عدد كام؟
هستفيد أد إيه؟
ينفع تكون أحد أفراد المجموعة من محافظة تانية وأعرفها عن طريق النت ولا ده ممكن يضرنى؟
وجزاكم الله خيرا لو عندى سؤال تانى هبقى أقوله إن شاء الله

تاريخ التسجيل : 09/08/2010

وَعَلَيْكُمْ السَلَامُ وَرَحْمَةُ اللهِ وَبَرَكَاتُه

جميل قوى طرحك للفكره دى يارحاب

أولا إعملى لنفسك قاعدة للعمل فى البيع المباشر

بمعنى إختارى مجموعة من محيطك تعرضى عليهم كتالوجك علشان تحققى حصيلة بيع لهم

ودا طبعا أساسى ومهم جدا لإنك لو حتى عندك مجموعة كويسةلازم محتاجة نقط على كودك الشخصى علشان تقدرى تضمى نقطهم لنقاطك وتحصلى على مكافآت المستويات

ثانيا شوفى مين ف اللى بتتعاملى معاهم يحقق نسبة بيع عالية أكتر ما بيشترى منك

واقنعيه بفرصة زيادة الدخل العالية مع ماى واى

وشجعيه برده على إدخال أعضاء جدد وتكوين شجرة لنفسه وطبعا هو وشجرته تحتك انتى بشرط انك دايما تحققى مستوى أعلى منه يعنى لو هو 3% تكونى 6% طبعا بيه وبأعضائكك التانيين

وهكذا فى اللى تقدرى تدخليهم من المحيطين بكى

أما النت والمحافظات فطبعا ممكن تدخلى عن طريق النت والصداقات فى أى مكان فى مصر ودا مش مضر بالعكس دا مفيد جدا وبيفتحلك مجالات أوسع للعمل وتوسيع الشجره

جميل انك ذات طموح وأتمنى أكون وضحتلك ويارب يكومك وشجرتك مش تسيب أى مكان فى مصر الا ويكون ليكى فرع فيها

نسيت أقولك حاجه حلوة قوى

موجود فى ماى واى برنامج الرعاية الدولية بمعنى انك تقدرى تضيفى عضوات على شجرتك وتحت كودك من السعودية كمان

حتى لو انتى فى مصر

والعكس لو انتى عضوة سعودية تقدرى تدخلى اعضاء تحت كودك من مصر

يعنى المجال واسع بس اجتهدى وشدى حيلك

تاريخ التسجيل : 29/08/2010

جزاك الله خيرا
بس أقل عدد لمجموعة يكون كام؟
وكمان أنا هستفيد أد إيه؟يعنى لو المجموعة بتاعتى عملت كام نقطة يبقى لى ربح أد إيه؟
وإيه أقل عدد نقط لو مجموعتى عملتها يكون لية ربح؟

تاريخ التسجيل : 07/08/2010

المجموعة مالهاش حد أدنى ولا حد أقصى

أى عدد تحتك من الأعضاء مفيد ليكى

أما الاستفاده من المجموعه فتبدأمن أول 200 نقطه لأن دا أول المستويات اللى هو 3% ومكافأته تبدأ من 8 جنيه وطبعا 200 نقطه هو الحد الأدنى للمكافآت وتحقيقهم سهل جدا لإن تقريبا يعتبر ال2 جنيه يساووا نقطه

وكل ما تشجعى مجموعتك وتعمل نقط أكتر كل ما ترتفعى مستويات وتحصلى على مكافآت

أتمنى أكون وضحت لحضرتك

تاريخ التسجيل : 29/08/2010

جزاك الله خيرا وشكرا ع التوضيح أنا كده فهمت

تاريخ التسجيل : 04/01/2011

طيب اخي انا سعودية كم بتكون مكافئتي بالشهر

تاريخ التسجيل : 09/08/2010

أختى منال اقرأى الموضوعات الموجوده فى قسم ماى واى السعودية هتفيدك أكتر

وخاصة الموضوع الموجود على الرابط التالى

https://newmyway.alafdal.net/t96-topic

ستجدى فيه جدولين مهمين جدا واحد لنسبة الربح والثانى للمكافآت الشهريه على المستويات

وأى استفسار ليكى خليه هناك لبسهل التواصل بيننا

تاريخ التسجيل : 01/12/2010

تاريخ التسجيل : 01/12/2010

لو ممكن سؤال
انا ليه واحده صاحبتى من الاردن
وطبعا ما فيش فرع هناك علشان تشترك
لو ممكن حد يفهمنى طريقة الشحن ازاى لانى لسه جديده فى الموضوع ده
وجزاكم الله خيراااااااااااااا

تاريخ التسجيل : 09/08/2010

أنا هكامك بصراحه الشحن هيكون مكلف جدا وهتلاقى فيه مشكلات كتير لان هتلاقى الشاورات مش بتوصل سليمه وكتير من المنتجات

لكن انتى عندك البريد أرخص شىء الكيلو ب60 تقريبا على ما أذكر وكمان مش بيوافقوا على شحن أى ماده قابله للاشتعال زى العطور مثلا

وشركات الشحن الخارجيه فيها شركات بتتعامل بالكيلو وشركات بالنصف كيلو من 60 جنيه حتى 150 جنيه للكيلو حسب المكان

فشوفى انتى ايه المناسب لكن تضعى فى اعتبارك حساب منفصل للفواقد الناتجه عن الشحن

وربنا يعينك

تاريخ التسجيل : 01/12/2010

جزاك الله خيرا برافو

تاريخ التسجيل : 01/12/2010

الف شكر على الرد الوافى
جزاكى الله خيرا

تاريخ التسجيل : 09/08/2010

واياكى ياقمر

ربنا يكرمك ويقدرلكى الخير كله

تاريخ التسجيل : 29/12/2010

لو سمحتى انا عندى استفسار
انا لسه مشتركه فى ماى واى من شهر ونص ومكنتش اعرف حاجه عن النظام او المستويات ففى اول شهر اللى هو شهر 11 عملت حوالى 195 ومكملتهمش 200 نقطه علشان انا اشتريت على 3 مرات ومكنتش اعرف حتى عن هدايا ال100 نقطه والشهر اللى فات عرفت الهدايا اللى على ال100 نقطه وعملت بفضل الله حوالى 580 نقطه ولما سمعت عن المكافأت الشهريه سالت عن نقاطى وانا ليا حق فى المكافئات ولا لا قالوا لى انى اول شهر ماليش حاجه علشان انا مكملتش ال200 والشهر اللى فات علشان مكملتش ال 600 فبكدا يكون ضاع عليا فرصه المكافاه اللى على ال600 نقطه وهتتحسب المكافأه على انها 200 نقطه بس فياريت تفيدونى اكتر وأفهم منكم اكتر عن المكافات
وشكرا لكم جميعا

تاريخ التسجيل : 09/08/2010

أختى علا اعرفى ان الفرق بين أعلى قيمه لمكافأة مستوى تفرق عن المستوى اللى بعده 50 جنيه على الأقل فى المستويات الاولى

أما المستويات العليا فبتفرق بالمئات

وطبعا انتى حصل معاكى مقلبين ان صح اللفظ فى الشهرين اللى فاتوا

الشهر الاول فرقت معاكى على 5 نقاط والثانى على 20 تقريبا فطبع كان ممكن تحققيهم بسهوله

وأنا هعطيلك لينك عليه المكافآت ادخلى عليه ورتبى نفسك وادخلى أعضاء تحت كودك يساعدوكى فى الارتفاع للمستويات العليا

اتفضلى على مستويات ماى واى والمكافآت المغريـــــــــــــــــــــة

وعودى نفسك قبل انتهاء الشهر تتصلى على الفرع وتسألى عن مجموع نقاط مجموعتك وتحاولى تقفلى أقرب مستوى

وربنا يوفقك

تاريخ التسجيل : 29/12/2010

شكرآ ليكي يا أختي وجزاكي الله عنا كل خير بس‏ أنا عندي مشكله حقيقية في موضوع إقناع اي حد بالتسجيل تحتي لأن المدينة اللي انا عايشه فيها صغيره ومحدش هنا مستعد يتعب نفسه ويروح يشتري متطلباته الخاصه اوحتي يعرض الفكره علي حد ‏↳‏
بيكتفوا بطلب بعض الأشياء وخلاص الواضح إن الموضوع عاوز شويتين صبر↳‏
طيب أنا ممكن أكتب الكود بتاعي علشان لو حد حابب يسجل تحتي ولا لأ و شكرآ لسعة صدرك لي 

تاريخ التسجيل : 09/08/2010

نصيحتى لكى انك ما تعتمديش أساسا على مدينتك كمان لأن المفروض تتركى مجال تعملى فيه على كودك الشخصى

وطبعا أسهل وسيله للانتشار هى النت

أما بخصوص نشر الكود الشخصى هنا على المنتدى فأنا أعتذرلكى بشده عن هذا الأمر لأنه خاص بالمصرح لهم من أعضاء المجموعة الخاصه وحتى أعضاء المجموعه الخاصه لم يبدأ بعد تصريحهم بذلك لأن الخطوة دى مازالت فى مرحلة التنظيم

وعلشان أساعدك هرسلك ايميل بأشهر المنتديات العامة التى تسمح بذلك لأنى والله أتمنى من كل قلبى لكى ولكل أعضاء ماى واى فى كل مكان ان ربنا يكرمنا جميعا ويوفقنا ويرزقنا الحلال الطيب

فأنا هرسلك الايميل الان فاطلعى عليه