السّلامُ عليكم ورحمة الله وبركاته
معرفش ليه لقيتني عاوزة اتكلّم عن الغدر،،
في الوقت اللي لمّا كتبت كلمة " الغدر" حسّيتها كلمة موجعة أوي!
كلّ الناس شايفين انهم أطيب خلق الله!
كل الناس شايفين انهم ملايكة!
أمّال منين بييجي الغدر؟!
في الفترة القليلة اللي قضيتها في ماي واي،، اتفرّجت على أنواع وأشكال من الغدر،، أقل وصف لها أنّها مُقزّزة!
شفت ناس كانوا بادئين علاقاتهم بود مُبالغ فيه ،
وأحدهم غدر بالآخر،، ظنّاً وطمعاً في حاجات مادية زائلة!
وبما ان مُجتمع ماي واي مجتمع مُصغّر جداً،، فيه الحلو وفيه الوحش!
فلقيتني دايماً بتساءل،، إيه آليّة ان حد يغدر بحد،، أو يحرق دمّه،،
وامتى بيحصل التحوّل؟!
ولأي درجة بتكون النفس مُتصالحة مع درجة من درجات الشر؟!
وكانت الإجابة اللي دايماً بلاقيها انه "كما تدين تُدان! " :)
وبس!