السّلامُ عليكم ورحمة الله وبركاته :)
صلّوا ع النّبي وتعالوا نتكلّم بالرّاحة :)
مش عارفة انا حاطة موضوعي في الرّكن الأنسب ولّا،،
بسّ ماعلينا :)
انتوا موجودين هنا ليه؟!
وموجودين في ماي واي بشكل عام ليه؟!
طَيّب مش هعمل نفسي مش ذكية ومش هسأل السؤالين دول تاني،،
تعالي كده افتكري أوّل يوم ليكي في ماي واي لما كنتي مش فاهمة حاجة في حاجة،،
وكنتي نفسك تعملي مشروع خاص بيكِ
طيّب كانت نيّتك إيه؟
هل كانت نيّتك انّك تزود دخلك فتقدر تعمل لأولادك جو طفولي ترفيهي أكتر،، وتفرّحهم،، وبالتالي تفرح؟
وانتِ كانت نيتك إيه؟ هل كنتِ عاوزة تزودي دخلك لأنّ مش قدامك فرصة عمل مُناسبة ليكِ وبس؟
طيّب بعد شوية لما بدأت تفهم كويس في ماي واي؟
وانتِ لما بدأتِ تفهمي،،
لمّا قررتي انك مش هاتبصي لحق غيرك أبداً!
ولا هاتنافسي أيّ حد مُنافسة غير شريفة!
لمّا قررتي انك هاتتقي الله بجد عشان ربنا يرزقك كل الخير :)
ولمّا حضرتك قررت انك مش هاتبص لرزق غيرك ولا هاتحسده
ولمّا انتِ قررتي انك عمرك ماهاتحرقي الأسعار،، لأنّك مش هاتضري أي حد عشان ربنا يبارك :)
طيب دلوقتِ إيه الحال؟
للتذكرة فقط
"ومن يتّقِ الله يجعل له من أمرِه يُسراً"
محتاجين نجدد النوايا :)
وبس!