السّلامُ عليكم ورحمة الله وبركاته :)
ازيكم :)
يارب تكونوا بألف خير :)
كام مرّة استغلينا واتغرينا في ستر ربنا وأذنبنا !
كام مرة ماكناش عارفين ننام بسبب ذنب صغير عملناه؟!
طب كام مرة كرِهنا نفسنا بسبب سلسال الذنوب المُتتالية اللي مش بتنتهي؟!
كام مرة أخذتنا الدُّنيا وتناسينا يوم العرض على الرّحمن؟!
كام مرة جدّدنا النية اننا مش هانذنب تاني؟
ومش هانغضب ربنا تاني؟
ومش هانفرق بين ذنب صغير وذنب كبير؟
كام مرة قلنا هانعيش في معية الرحمن،، وطلعنا عيال؟!
كام مرة اتمنينا لحظة توبة صادقة مع ربنا؟
ياذنوبي لن تعودي !
"كلّ ابن آدم خطّاء"
مافيناش ملاك بجناحين،،
كلنا عايشين نُذنب ونتوب،،
وعايشين بنلف حوالين الأصل،، وبنروح في الآخر في الاتجاه الصح
والأصل دايماً هو الطريق
والطريق هو طريق واحد :)
وبما ان كلّنا خطّائين،،
فتعالوا نجدد التوبة،، ويكون الموضوع هنا للتذكرة
مش هانتناسى تاني يوم الحساب،،
ولا هانغترّ بالستر الرباني،،
ولا هانستهبل ونطمن لأننا بنعبد رب اسمه الحليم،،
ياذنوبي لن تعودي!
يارب!
الرئيسية
السبت أبريل 06, 2024 12:07 pm من طرف 
