استفسااار -----

تاريخ التسجيل : 30/12/2010

السلان عليكم

عندي استفسار هل توجد شنطه عينات للشركه

تاريخ التسجيل : 09/08/2010

وعليكم السلام ورحمة الله وبركاته

بصراحه الشركه مش بتنزل عينات من المنتجات

لكن بالنسبة لمجموعتنا الخاصة فقط فالأستاذة رضا ماهر ليدر المجموعة مشكورة موفره لنا عينات العطور تجهزها وتقوم بتعبئتها وهى متاحه لأى عضوة تبع مجموعتنا الخاصه فقط

ونصيحتى لأى عضوة تواجه مشكلة العينات انها ممكن تشترى عروض العطور 1+1 وتمنح عملاءها الفرصه فى تجربتها وكذلك فى ألوان الارواج ممكن تشترى جميع الدرجات لو الطلب عندك عالى عليها ويشوفوها

تاريخ التسجيل : 29/12/2010

السلام عليكم ورحمة الله وبركاته
معلش ياخواتى عندى سؤال محيرنى ومهم جدا لى فارجوا ان يتسع صدركم لى
هل هدايا اليدرات للاعضاء حق حلال للعضوات من اليدرات ولا دى ليست بحق للعضوات ولا معترف بها رسميا من الشركه او هى ضد قوانين الشركه وانما بتحدث بناء على ضغط بعض العضوات على اليدرات بتاعتهم
لان اول اتصال باليدر بتاعتى قالت لى انا بكلمك لانى عاوزه احفظ لك حقك معايا وكمان انتى ليكى معايا هدايا عن الفتره اللى فاتت زى بقيت العضوات اللى معايا
بس بصراحه انا فى المواضيع دى خجوله جدا ولا اعرف اذا كان ده من حقى ولا لأ فمعلقتش على كلامها قوى ولكن تمت المكالمه بمنتهى الاحترام المتبادل بينا
لكن من مقابلتى لعضوات كتير فى فرع دمياط وكذالك المنصوره لقيت اكثر من عضوه بتتكلم عن الهدايا اللى الليدر بتاعتهم بتديهالهم تشجيع لهم وسالت واحده منهم بصراحة هو فعلا اليدر بتاعتها بتدى هدايا قالت اه طبعا كل شهر لنا هدايا من اليدر بتاعتنا
فانا مش عارفه هو دا حق فعلا ولا دا ينطبق عليه انه أخذ بعين الحياء وبالتالى فهو حرام واذا كان دا نظام الشركه فبماذا تنصحينى ان اعمله هل اكلم اليدر بصراحه ومن غير احراج وخصوصا انها هى اللى وعدت فى البدايه بالهدايا مثل باقى العضوات ارجوا منكم ان تتحملونى وتردوا عليا لانى لا ارغب الا فى الحلال الخالص لكن فضولى وكلام اليدر بتاعتى كذالك العضوات يثير فضولى ولكم منى جزيل الشكر
وشكرا مره اخرى لسعه صدركم

تاريخ التسجيل : 09/08/2010

أولا جزاكى الله خيرا وأسأل الله العظيم رب العرش العظيم انه يرزقنا جميعا الحلال الطيب وأن يبارك لنا فيه

أولا لازم الكل يعرف شىء مهم وهو ان التنشيطات اللى بتتعمل فى الفروع دى كلها مش من الشركه دى بتؤخذ اجباريا من الليدرات يعنى الشركة بتدفعهم ثمنها

ولكن ... هناك من الليدرات النشطين يحبوا يزيدوا تحفيزاتهم الخاصه لأعضاءهم فمثلا يحبوا يعملوا هدايا منفرده لكل مستوى جديد يحققه العضو أو يعملوا هدية للوصول الى حجم عمل معين

ودا طبعا عادى جدا وموجود

لكن فيه مشاكل بقى أحب أتكلم عنها طالما مجالها اتفتح
يعنى اللى بنشوفه من عروض واغراءات واللى أنا بسميه نصبات اللى موجوده فى الفروع لسحب الأعضاء

بمعنى تلاقى الأخت واقفه فى الفرع متخصصه فى سرقة أعضاء جدد بأى ثمن حتى لو هتاخدهم من العضو الراعى اللى همل مشتركين تحته علشان مصلحتها ودا أنا شخصيا اتعرضت له فى فرع طنطا

تعرض هداياها وهباتها وتحاول اغراء من أمامها بالنضمام لها بأى ثمن وأنا أؤكد لكم أنها توفى معها أول شهر أو اثنين على الأكثر وبعد كده ما تعبر

وطبعا دا ماله اسم عندى غير سرقة الأعضاء ولا أستبيحه لنفسى ولا لغيرى

أما بالنسبة لليدر بتاعتك فأتمنى تحسنى معها دوما علاقتك وإذا كانت هيا اللى عرضت عليكى زى ما بتقولى يبقى دا مش بحد الحياء ولا حاجه بالعكس دى كده تبقى انسانه محترمه وأمينه غير انها نشيطه وحابة تشجعك علشان تعملى شغل كويس فتواصلى معها بدون حرج لأن الأمر دا عادى جدا بالعكس دا شىء كويس

حتى انتى نفسك لما تحبى تشجعى الاعضاء اللى تحتك ياعلا علشان تكملى مستوى معين ممكن تعملى لهم هدية على عدد معين من النقاط يوصلك لمستوى جديد حتى لو كانت الهدية بسيطه بشرط طبعا ان قيمتها تكون أقل من قيمة مكافأتك بمعنى انك ما تخسريش ... وهكذا

حبيبتى أتمنى أكون وضحتلك وآسفه على الاطالة

تاريخ التسجيل : 29/12/2010

مافيش اطاله ولا حاجه وجزاك الله كل خير على التوضيح والاهتمام وسرعه الاستجابه والتواصل معايا

تاريخ التسجيل : 09/08/2010

واياكى حبيبتى ربنا يكرمك