السّلامُ عليكم ورحمة الله وبركاته
ازيّكم ^^
يارب تكونوا بألف خير :)
موضوعات كتير بتشرح نظام ماي واي
لو لفيت جوه القسم هنا هاتستفيد كتير بإذن الرّحمن
بس لأنّ في تغييرات بسيطة حصلت بداية من العام الجديد
فهايكون الموضوع ده بإذن الرّحمن شامل لكل حاجة عاوزين نفهمها قبل مانسجّل عضويّة جديدة..
أو لو كنّا بالفعل أعضاء جدد ولسة الدنيا تايهة معانا :)
تعرف إيه عن ماي واي؟
ماي واي شركة مصريّة..مُنتجاتها متنوّعة..فيها مايُناسب كل بيت
أسعارها نوعا ما عسولة وفي المتناول :)
هاتلاقي منتجاتها موجوده في محلات المنظفات..
هاتلاقيها موجودة في محلات العطور..
هاتلاقيها موجودة عند الماركيتس..
عند البقالين والعطارين وووو
هاتلاقي نفسك مستهلك شبه ثابت لمنتجات ماي واي..
وجه الوقت انّك تستفيد باستهلاكك ده بشكل عملي ^^
لمّا بتسجّل"ي" عضوية في ماي واي.. بيكون من حقك نسخة من الكتالوج بتطلبها كل أوّل شهر من الفرع..النسخة مجانية..
طريقة عسولة للإعلان عن كل منتج من منتجات الشركة..
يعني لو حبيتِ تسوّقي منتجات ماي واي..الكتالوج هايوفّر عليكِ مجهود دعائي وتفكير وإرهاق ^^
وبما انّك عضو في ماي واي.. بيكون من حقك نسبة خصم ثابتة
خصم 25% عن سعر الكتالوج..باستثناء منتجات ماي شيف خصمها 20%
كمان مفيش حد أدنى للشراء.. يعني لو عاوز تشتري حاجة واحدة بنقطة واحدة..ماحدش هايقولك لأ..
يعني مش فكرة جملة وقطّاعي ^^
نسبة الخصم ثابتة مهما اشتريت..كتير أو قليل
على كل عدد مُعيّن من النقاط _بيتحدد كل شهر_ بيكون من حقك هدية بتحددها الشركة في الكتالوج
ومثال الشهر ده.. لو عملتِ 150 نقطة تراكمي أو في فاتورة واحدة تحصلي على معجون اللهلوبة هديّة
طيّب في حد أقصى؟ لأ !
العروض الأسبوعيّة..
وخلال العرض الأسبوعي بتستفيد _ كعضو_ انّك تحصل ع منتج بأقل سعر ممكن
ازاي؟
الشهر عندنا متقسّم ل 3 أسابيع
كل أسبوع منهم 10 أيّام
في كل أسبوع منهم بينزل منتج في الكتالوج بعرض 1+1
بس بشرط.. أكون عملت في خلال الأسبوع الخاص بالعرض فاتورة ب 100 نقطة ^^
طيب ممكن آخد كام عرض؟
ممكن تاخد لحد نص الفاتورة من العرض الأسبوعي
يعني لو عملت 100 نقطة.. ممكن تاخد معاهم 100 نقطة كمان عرض أسبوعي
بشرط الفاتورة يكون مش فيها شاور
لووو فيها شاور.. هايبقى الشاور نسبته ثلث الفاتورة
العرض الأسبوعي الثلث
وبس ^^
في حاجة كمان سهل تستفيد بيها بوجودك في ماي واي وهيّ البرنامج ^^
طيّب البرنامج ده هدفه إيه؟ وهستفيد منه إيه؟
البرنامج هوّ انّك بتتبع نظام معين للحصول ع هديّة محددة مسبقا من الشركة
وبتكون الهدية نوعا ما قيمة ^^
زي خلاط، طقم حلل، بطانية..وهكذا!
وعندنا مثال البرنامج الموجود حالياً!
وهوّ برنامج يناير_فبراير_ مارس..
لو عملت 150 نقطة في شهر يناير..أكون عملت الخطوة الأولى..وأحصل على شاور جل هديّة
و 300 نقطة في شهر فبراير..أكون حققت الخطوة الثانية.. ومن حقي الحصول على مجموعة "يو" هديّة
و 450 نقطة في شهر مارس..أكون حققت الخطوة الثالثة.. والبرنامج ككلّ.. وساعتها آخد هديّة عسولة.. وهيّ هدف البرنامج..وهيّ"طقم طاسات تروفال" ^^
ودي صورة توضيحيّة ^^
لسّة هانكمّل
^^
الرئيسية
اليوم في 12:30 am من طرف ابو ليل
