احتجاج عام على كتالوج مارس 2012

تاريخ التسجيل : 10/01/2012

تذكير بمساهمة فاتح الموضوع :

بسم الله الرحمن الرحيم

موضوعى هذا ما هو اللا اعتراض على اسعار شركة ماى واى مصر لكتالوج مارس 2012
فما شاهدته فى هذا الكتالوج
لا افسره الا انه مجرد استغلال للاعضاء الذين يريدون الحصول على برنامج يناير - فبراير - مارس
فالاسعار كانت فى شهرى يناير وفبراير فى المعقول
اما هذا الشهر فالاسعار خارج حدود المعقول
فما معنى حدوث ذلك الامر فى هذا الشهر بالتحديد دون غيره
فكان يجب على الشركة التيسير والتسهيل على الاعضاء
وخصوصا ان النقاط المراد تجميعها للبرنامج كبيرة وليست بالقليلة
كما ان المقابل هدية ضعيفة الى حد ما بالنسبة للنقاط المرادة

وفيما يلى اسرد لكم بعض الاسعار الخارج حدود المعقول
والزيادة فيها كبيرة وبدون اى سبب

كريم تصفيف نيوستايل
6.25 - 4.70 - 6.75

جل حلاقة نيو ستايل للبشرة العادية
4.30 - 3.60 - 5.15

مزيل رائحة العرق نيو ستايل
3.75 - **** - 6.40
شامبو كوبرا 200م
3.95 - 3.70 - 7.70+فيتامين كوبرا

أمبولات جدايل
**** - 4.40 - 5.85

صابونة بالجلسرين والعسل
2.85 - 2.90 - 3.40

شامبو كليوباترا
5.25 - 5.90 - 6

شاور الفل والياسمين 1500ج
**** - 9.75 - 10.15

شاور عنبر 1500
11 - **** - 16.35+ سبراى عنبر

شاور الخوخ 1500ج
**** - 9.75 - 10.15

شاور عبير الزهور البرية 1500ج
11 - 11 - 11.65

شاور عبير الزهور البرية 2000ج
13.05 - 13.05 - 13.70

باور منظف التواليت
3.70 - 4.90 - 4.90

باور مزيل البقع من الملابس
4.35 - 5.65 - 5.75

كلين منظف الحمامات والسيراميك
7.50+منظف الخضروات - 6.90 - 7.75

كلين منظف المفروشات والستائر
7.50+منظف الخضروات - 6.90 - 7.75

كلين منظف الافران والشوايات والبوتاجاز
7.50+منظف الخضروات - 6.90 - 7.75

كلين منظف الصحون 2250ج
11.25+منظف الفريزر - 12 - 15+منظف الفريزر

الجامبو اللهلوبة
4.90 - 7.50+منظف الخضار - 6.50

كلينتول طارد الحشرات الزاحفة
4.50 - 6.75+منظف الفريزر - 6.75

سوبر كلينتول سائل مطهر ومعقم 500ج
7.10- **** - 9

جيلى الفراولة
5.80 - 5.80 - 6.25

جيلى المشمش
5.80 - 5.80 - 6.25

مهلبية الفراولة
7.20 - 7 - 7.40

مهلبية الشيكولاتة
**** - 9.10 - 9.40

بسكوت اليانسون
6.80 - 7.40 - 7.80

كريم الكراميل
2.60 - 2.60 - 3.10

بسبوسة
7 - 8.20 - 7.60

كاكاو
**** - 4.70 - 6.80

كيك المافن
6 - 6.60 - 7.20

كيك البرتقال
6.60 - 6.60 - 7.20

كيك الفراولة
6.65 - 6.60 - 7.20

كيك الفانيليا
6.60 - 6.65 - 7.20

كيك الشيكولاتة
9.60 - 8.20 - 10

كيك السوبريم
10.40 - 9.60 - 11.40

تورتة الميل فاى
12.80 - 12.80 - 14.60

تارت الباستا فلورا
7.20 - 7.80 - 8.25

خلطة السمك
**** - 3 - 3.70

خلطة الكفتة الكبيرة
**** - 7.45 - 7.80

خلطة البشاميل
4 - 3 - 4.70

اسكالوب بانيه
3 - 2.80 - 4.60

خلطة البيتزا
4.20 - 4.25 - 4.50

خلطة الدجاج المقرمش ( فيجتار )
5.60 - 5.20 - 6.20

خلطة الكبسة
**** - 8.15 - 8.60

القرفة
2.20 - 2.25 - 3.20

شاى يمنع رائحة العرق
2.60 - 2.40 - 2.70

شاى الاقلاع عن التدخين
4.20 - 4.60 - 5

دى بعض المنتجات على سبيل الحصر وليس الكل
فهذه اهم المنتجات التى اتعامل فيها مع الشركة
وكما تلاحظون ليس بينها اى نوع من البرفان
لانى لا اتعامل فيها من الشركة
فهى غالية اصلا من الشركة

وفى النهاية
انا اعلن توقفى عن النشاط
حتى الاخذ بالاعتبار لجميع ارائنا
وان تتم معاملتنا من قبل الشركة معاملة الاخذ والعطاء والتقدير
فيجب ان يراعوا اقتراحاتنا وشكاوينا
واتمنى ان تتحدوا معى لنغيير هذه الاسعار حتى لا تتوقف اعمالنا
ونضر فى لؤمة عيشنا

ملحوظة : هذه اسعار الشركة وليست الكتالوج ، ومن الممكن ان تقل او تزيد فقط خمسة قروش لا غير .
ملحوظة : هذه اسعار الثلاث اشهر المضاية من اليمين للشمال يناير فبراير مارس .
ملحوظة : معنى **** انها لم تكن موجودة فى هذا الشهر .

فمن معى يا ترى
؟؟؟؟؟؟؟؟؟؟؟؟؟؟

تحيتى للجميع

تاريخ التسجيل : 28/06/2011

السلام عليكم
اولا كتالوج شهر مارس دايما بيكون احسن كتالوج فى السنة ومارس2011 كان رائع جدا وانا عملت 500 نقطة بتوع البرنامج أسهل من 200 نقطة فى اى شهر تانى . انا عندى ناس بتشترى فى شهر مارس بس
سعر المنتجات ارتفع بشكل مبالغ فيه
وبعدين فين عرض1+1 دة قليل جدا
وفين عروض 50 %
المفروض ان الشركة تساعدنا فى تحقيق البرنامج مش تعجزنا
انا رايي اننا كلنا نشتكى فى الفروع وبالتليفون وبكل الوسائل الممكنة لانهم بالشكل دة بيضغطوا علينا وللاسف فى ناس كتيرة هاتستجيب

تاريخ التسجيل : 13/11/2011

انا حتى مش هعرف اكمل 100 نقطة الشهر اللى فات كان احسن بكتير نرجو مراعاة ظروف الناس الاقتصادية ومحاولة تخفيض السعار بجد على فكرة انا لسه مشتركة من اول فبراير وبالشكل ده مش هعرف اعمل شغل كويس

تاريخ التسجيل : 30/06/2011

زى ما الشركه رفعت اسعار الكتالوج المفروض برضه تزود الخصم بدل 25% يكون 40% وكده على الاقل يبقى فيه تشجيع نقدر نعمل 600 نقطه احتجاج عام على كتالوج مارس 2012 - صفحة 2 870665

احتجاج عام على كتالوج مارس 2012 - صفحة 2 870665

تاريخ التسجيل : 10/01/2012

wahdtane كتب:: خدمة عملاء وفروع وشكاوى
من 9 صباحا الى 5 مساء
01019422216
يرجى من الجميع تقديم شكاوى
والحل بسيط جدا وهو ان يزيدو نسبة الخصم من السيستم
بحيث تكون 35 %او %40

ودى كمان تليفونات

01019422201
01019422216
01019422217

ياريت صوتنا يوصل كمان عن طريق التليفون
فى ناس اتصلت وصوتها وصل
طبعا الشركة مش هتاخد بتليفون ولا اتنين
لازم نكتر اتصالاتنا
يالله يا جماعه لو هتخسر جنيه ولا اتنين على مكالمة
بس ان شاء الله هيفورلك جنيهااااااااااااات

تاريخ التسجيل : 13/06/2011

انا معاكم من بكرة انشاء الله حاتصل وكمان حاتكلم علي حرق الاسعار وكمان حاقول على اماكن المحلات

تاريخ التسجيل : 10/01/2012

يا جماعه انا اتصلت فعلا
وطلع ان فى ناس كتير اتصلت
والشركة منتظرة تشوف كمية الاتصالات والشكاوى اد ايه
سارست منضيعش الفرصة
الارقام موجودة وكلنا معانا موبيلات والسنترالات كتييييييير
يالله كلله يتصل

تاريخ التسجيل : 19/02/2012

انا معاكم في كل الي بتقولو بس للعلم المتوقع زياده مبيعات في هذا الشهر بالرغم من علو الاسعار وعن اسعار الشاورات فزيادتها بسبب وضوع حرق الاسعار ببعض المحلات ومن بعض الاعضاء لان بتلك الطريقه سيتم التحكم بالموضوع وغير ذالك انا متفقا معكم في زياده الخصومات الموجوده بالكتالوج حتي نستطيع شراء المنتجات وايضا عمل النقاط المطلوبه منا علي اكمل وجه

تاريخ التسجيل : 30/12/2011

انا كمان معاكم يعني ايه ان احنا لو اشترينا الحاجه من بره تبقي ارخص مابنشتريها من الشركه امال احنا عاملين عضويه ليه في الشركه
عشان ندفع فلوس اكتر
دا انا لو اشتريت حاجتي اللي محتاجاها من المحلات اوفرلي

تاريخ التسجيل : 30/12/2011

طب واللي بيبيع للاقارب والجيران بس يعمل ايه

طب انا واجد قريبي فاتح محل منظفات قالي هشتري منك وقالي علي الاسعار اللي بيشتري بيها والله مصدقتوش من السعار اللي الهالي وقولنلو لاه وانا هستفاد ايه لما ابعلك اقل من سعر عضويتي
معلش يا جماعه انا اسفه في اللي هقوله
بس كلنا شغلين في الحاجات دي عشان النسبه اللي بتطلع لنا
اجي انا في الاخر عشان ابيع اخسر وادفع فلوس من جيبي طب هي كده جيه عليا بايهايه لزمتها بقا
لو كان علي الهدايا مش عايزنها ويدونا بدلها فلوسهالاني مش هعرف ابيع الهدايا دي
لان الهدايا دي بتبقا المنتجات اللي اقل بيع بيدهلنا احنا في صوره هدايا
انا اسفه طولت كتييييييير
بس انا هتصل النهارده وهشتكي من الاسعار وهتطلب بزياده نسبه الخصم

تاريخ التسجيل : 28/06/2011

السلام عليكم
انا اتصلت بالشركة وقولت رايي بصراحة فى الاسعار المرتفعة وقلة المنتجات الجديدة وكمان العروض سيئة جدا ولاقيت تفهم كبير من الموظفة المختصة وقالت لى ان فى عدد كبير اتصل ومنتظرين قرار الشركة ياريت يا جماعة كلنا ناخد موقف ايجابى ونتصل او نقابل مسؤليين الفروع وزى ما حصل فى اول البرنامج انهم خفضوا لينا النقاط لما كل الناس اعترضت افتكر هايستجيبوا المرة دة بس ياريت تكون شكوة جماعية

تاريخ التسجيل : 27/12/2011

وكمان حصل زيادة فى الاسعار الاساسية اللى هى بدون خصم وده معناه ان الاسعار لو نزلت مش هتنزل كتير فمثلا:الكاكاو كان سعره9قبل الخصم ودلوقتى بقى12.75 وكمان كيك السوبريم كان20بقى21.75وغيره كتير احنا لازم نعمل حاجة احنا كده مش هنقدر نعمل البرنامج الشهر ده

تاريخ التسجيل : 28/04/2011

استاذ محمد طالما المنتدى هنا يتم متابعته بشكل جيد من المسؤلين اسملحى اعرض موضوع فى غاية الخطورة والاهمية وياريت اعرف رائ حضرتك وراى الاعضاء هنا فى الموضوع دة اولا

طبعا الكل بيشتكى من حرق الاسعار فى المحلات والكل جاب المسؤلية على الليدرات وبيقول ان هما اللى بيحرقوا الاسعار مع ان كلهم بيقولو ان دة مبيحصلش ولو فكرنا شوية هنلاقى ان دة مش من مصلحتهم عشان الاعضاء اللى تحتهم لو مشتروش هما هيخسروا وبعدين اللى بيتقال فى المحلات اللى بتبيع الحاجة دى باقل من سعر العضوية بكتير وكمان بيحلفوا انهم كدة كسبانين وطبعا الشركة بتنفى انها تكون بتتعامل مع تجار جملة والمحلات بتقول ان ناس بتجبلهم البضاعة دى بالكراتين ويقولوهم خدوها باى سعر وغير كدة فى ناس بتقول شافت عربيات بتبيع منتجات ماى واى بكميات كبيرة وباسعار رخيصة جدا ولما شموا رائحة المنتجات الشاور والشامبو لاقوها مختلفة وزيت كيلوباترا بيتباع عند السيد البدوى بكميات كبيرة ب5و2 غير ان فى ناس بدات تقول ان شامبوهات ماى واى سيئة وبتضر الشعر ودة طبعا بيسوء سمعة المنتجات وبيقولوا ازاى شامبو لتر ونصف ب 5ز7 ويبقى حلو معلش طولت عليكوا بس بتجميع كل الكلام دة طبعا بيدل على حاجة واحدة وهى ان فى شركات بير سلم زى ما بيسموها بتقلد منتجات ماى واى يعنى بضاعة مغشوشة زى ما بيعملوا فى الادوية دلوقتى ومنهم لله اذا كانوا قدروا يقلدوا شرايط الدوا والامبولات مش هيعرفوا يقلدوا منتجات ماى واى وخصوصا ان الكتالوج فى ايديهم طبعا دى المشكلة طب والحل انا راى ان الحل الشركة تضع اعلان انها غير مسئولة عن اى منتجات تباع فى المحلات باسعار رخيصة وتؤكد انها لا تتعامل مع هذة المحلات وير مسئولة عن اى ضرر بسبب هذة المنتجات المغشوشة وتعلن وجود فعلا منتجات مغشوشة وطبعا الموضوع دة هيفيد الشركة فى الحفاظ على سمعة منتجاتها والحفاظ على مصلحة اعضائها وطبعا بعد كدة المحلات دى مش هتقدر تبيع المنتجات المغشوشة دى او على الاقل هتحد منها وانا اعرف محلات فى اسكندرية عند قرية بلبع للمشويات حواليها بتبتع منتجات ماى واى باسعار رخيصة جدا وفعلا شكل المنتجات مختلف عن العادية ونفس الكلام هنا فى طنطا

عند السيد البدوى وسوق ناصر

تاريخ التسجيل : 06/11/2010

طيب دلوقتى الشهر بدأ واحنا مانعرفش إيه اللى هايتم وانا شخصياً فيه ناس هاتنزللى الشاور النهاردة بعد الحرق وهايوصلوه لحد عندى ب9 جنيه وانا هاخد منهم 3 كراتين وبكده أبقى باشجعهم على الموضوع ده بس مافيش قدامى غير كده وشكراً

تاريخ التسجيل : 10/12/2011

[ياجماعة كده وقف حال بجد هنلاقيها من الشركة اللى بترفع الاسعار ولا عدد النفط الكبيرة المطلوبة للبرنامج ولا حرق الاسعار شكل الشركة كده اغتنت ومش محتاجة للاعضاءsize=24][/size]

تاريخ التسجيل : 10/12/2011

[quote="wahdtane"]

خدمة عملاء وفروع وشكاوى
من 9 صباحا الى 5 مساء
01019422216
يرجى من الجميع تقديم شكاوى
والحل بسيط جدا وهو ان يزيدو نسبة الخصم من السيستم
بحيث تكون 35 %او %40

[/quotانا سالت المحل اللى جنبى لو انا بعت له قالى قبل ماتكملى كلامك انا باخد بخصم من 60 -70& طيب بالله عليكم ارد اقوله ايهe]

تاريخ التسجيل : 11/11/2010

موناليزا خصم ال60وال70 ده على اي سعر على الأصلي مش كده ؟؟؟؟؟؟؟؟؟؟؟؟؟؟

تاريخ التسجيل : 15/12/2011

انا معاكم طبعا

مش هاشترى اى حاجة الشهر ده حراااااااام الاستغلال

يعنى احنا خلصنا برنامج يناير وفبراير بالعافية

مع ان الكتالوجات كانت معقولة

طيب ازاى اكمل 600 نقطة مع الاسعار المجنووووووووونة دى

الله المستعان ويكون فيه حل

تاريخ التسجيل : 18/09/2011

فعلا اسعار الكتالوج زادت زيادة واضحة جدا
ان شاء الله يسمعوا لصوتنا ويقدموا حل يرضى جميع الاعضاء

تاريخ التسجيل : 04/02/2011

فى حاجة مهمه جدااااااااااااااااااا محدش واخد بالة منها ااااااااااااااان كميه المنتجات كلها قلت مثل ..خلطة الدجاج مثلا وام على .يعنى يزودوا الاسعار وكمان الكميات قلت .هو فية حد قلهم نصيحة غلط .مجدتش من صالحهم......وبعدين هى الزيادة مرتين فى السنة مرة فى شهر 7 ومرة فى شهر مارس ومرة عند زيادة الحد الادنى للموظفين ...............هو فية اية ...على راى احمد ادم .........

تاريخ التسجيل : 28/09/2011

انا بقة كدة كدة من قبل الموضوع كنت ناوية اوقف نشاطي في مارس من ساعة مشوفت الكتالوج وفعلان الشركة شكلها اغتنت ومستغنية عن بعض الا عضاء

تاريخ التسجيل : 01/03/2012

حرام واللهى الواحد يشتغل ازاى كأن مفيش ( عيد ام ) نشتغل ازاى دى اسعار حد يشتيرى بيها مينفعش واللهى

تاريخ التسجيل : 04/02/2011

ماشى أنا معاكم وهتشكى بس كنت عاوزة اعرف راى

الاستاذ محمد رفعت ايه فى الموضوع دا مجرد راى

تاريخ التسجيل : 11/01/2012

انا كان نفسي في الحالة بس مع الاسعار دي حرام الناس مش نقصة والبرنامج كبير جدا مش عايزة الحلة ولو على المنتجات موجودة في السوق محروق اسعارها مش كفاية بيكون شكلنا وحش لما نلاقي حد يقولنا ان المنتج الفلاني ب 9 جنيه وانتي بتبعيه ب14 يعني بنطلع حرامية امام المشتري لازم طبعا يلاقوا حل في حرق الاسعار وكمان يزودوا نسبة الخصم انا معاكم في المقاطعة

تاريخ التسجيل : 22/02/2012

يا جماعة دلوقتى الشهر بدء هنعمل أيه دلوقتى وخصوصا فى حرق الاسعار الرهيب اللى أنا شايفاه ده تخيلو أن الشاور عندنا بيتباع للمحلات ب8,5تصدقو لما كنت هتجنن أحسن حاجة هو التوقف أسلم وأضمن

وعايزة أقول الشركة فعلا عرفت تقولنا كل سنة وأنتم طيبين بمناسبة عيد الأم وياريت متشتغلوش كفاية كدة أحنا أستكفانا

تاريخ التسجيل : 21/10/2011

أنا أؤيدكم اخوتي الكرام في هذا الأحتجاج المشروع فعلاً

يعني احنا نشتري علشان نخسر

ولا ماي واي خلاص استغنت عن أعضاءها

ازاي شهر زس مارس فيه عيد الأم والكل بينتظر عروضه يصدمونا بالشكل ده

أنا واحدة صحبتي قالت لي على شركة تانية منافسة بدةن ذكر أسماء طبعاً

وطلبت مني أشترك فيها وأترك ماي واي

لكنني رفضت طبعاً

لأننل اتعودنا على منتجات الشركة دي وعارفين انها مصرية ميه في الميه

ولازم نشجع انتاجنا

وعلشان كده أنا بفكر أمتنع عن الشراء هذا الشهر حتى نجد حلاً لمشكلة غلاء الأسعار وقلة العروض

لأن حرام بجد كفاية اللي البلد فيه ...الموضوع مش ناقص

وأنا معاكوا في أي خطوة تقترحوها

وعلى فكرة ده كمان رأي 7 عضوات معايا في الشركة

وكلنا حنتصل بأرقام شكاوى الشركة ونعلن اعتراضنا