إمكانية تغيير الراعى

تاريخ التسجيل : 06/12/2011

لو سمحت يا استاذ محمد ممكن استفسر منك على حاجه مهمه جدا بالنسبة ليا :

انا مشتركه فى ماى واى منذ 3 سنوات و عمرى ما اخدت مكافأه من الراعى او امتيازات و لا عمرى عرفت منها عن اى اخبار عن الشركة مثل ( ميعاد التنشيطات - تغيير نقاط البرنامج او عدد شهور البرنامج - ميعاد وجود الكتالوج فى الشركه - 0000 )و كل الحاجات ده بعرفه بنفسى بعد طبعا مجهود جامد عليا مع انى كنت بعمل البرنامج مرتين و 3 مرات و ده طبعا خلانى معنديش نفسى اشتغل تانى .

فهل ممكن اغير الراعى اللى انا تبعه و لا المفروض افضل تبع نفس الراعى طول العمر؟

على فكرة اشتراكى مع الراعى باسم جوزى .

هل ينفع اشترك باسمى انا من جديد تبع اى راعى تانى انا موافقه ؟

و ارجو الرد منك سريعا

و لك جزيل الشكر

تاريخ التسجيل : 29/02/2012

انت عضو لقطة ويتشرف بيكى اى راعى

بس هقوليك تجربتي انا كنت من اوائل اعضاء موئسسى الشركه للاسف فضلت اتنقل من

راعي لراعي لحد ماسبت الشركه خالص ودلوقتى رجعت تانى عضو جديد

ياريت طالما انت عارفه تديرى نفسك كويس حطى نفسك تحت الشركه مباشرة واعملى مجموعه انت الراعى بتاعها وهتخدى مكفأه شهريه من الشركه

خساره تدى نقاطك لحد مبيقدرش

تاريخ التسجيل : 06/12/2011

سبحان الله نفس اللى حصل معايا

هو انتى من فين ياطومه

وانا راى نفس راى ام يوسف خليكى مش تحت اى راعى وهتستفيدى بنفس المزايا بل بافضل

ولا تفيدى حد ميستهلش بنقاطك

ياريت تسيبيها فى اسرع وقت

تاريخ التسجيل : 06/12/2011

اشكرك جزيلا على الرد بس يعنى ينفع مثلا من أول شهر 4 أشترك فى الشركة باسمى انا من غير اى ضرر ليا و لا فى اى مشكلة

تاريخ التسجيل : 29/02/2012

ماتعرفيش حد في الشركه ان كان ليكى عضويه قبل كده والا طبعا هيكون في مشكلة

والحمد لله ان العضويه مش باسمك والعضويه الجديده هتكون بأسمك او حد من اولادك يعنى محدش همسك عليكى غلطه

وربنا يوفقك ويرزقك بأعضاء كتير ومن ترفى اولهم إمكانية تغيير الراعى 286993

تاريخ التسجيل : 07/08/2010

طومه كتب:: اشكرك جزيلا على الرد بس يعنى ينفع مثلا من أول شهر 4 أشترك فى الشركة باسمى انا من غير اى ضرر ليا و لا فى اى مشكلة

السلام عليكم ورحمة الله وبركاته

لو أردتي أن تكوني تحت الشركه

فيمكنك اعتبار نفسك كأنك تحت الشركه الآن

والحفاظ علي مستواكي الحالي

والارتقاء إلي الأفضل

فلن يضيف لكي التواجد تحت كود الشركة بشكل مباشر أي جديد

بل باستقرارك علي الكود الحالي يمكنكي أن تضيفي لنفسك نجاحاً إلي نجاح

والنمو بمجموعتك الحالية ومحاولة الوصول للألقاب القياديه

بدلا من الدخول في دوامة الانتقال وضياع الجهد

تمنياتنا بالتوفيق

تاريخ التسجيل : 06/12/2011

بالعكس

هو مبدأ اصلا ليه ابقى تحت حد بيخدعنى ويغشنى

يعنى هو ليه يستفيد منى وانا مستفيدش منه

حتى حقى مش بيعطهولى

ده يبقى مش مستحق انى اعرفه حتى

هو فعلا انا مش هستفيد جديد انى اكون من الشركه نفسها بس على الاقل اعرف اخد حقوقى

تاريخ التسجيل : 07/08/2010

manooona كتب:: بالعكس

هو مبدأ اصلا ليه ابقى تحت حد بيخدعنى ويغشنى

يعنى هو ليه يستفيد منى وانا مستفيدش منه

حتى حقى مش بيعطهولى

ده يبقى مش مستحق انى اعرفه حتى

هو فعلا انا مش هستفيد جديد انى اكون من الشركه نفسها بس على الاقل اعرف اخد حقوقى

أحب أن أوضح شيئين

الأول متعلق بحالة العضوة التي طرحت استفسار تغيير الراعي

فما فهمته من الكلام أنها وصلت لمستوي

وبالتالي فما فائده أن تهدم مستواها وتعود للوراء لتبني فيه من جديد

بدلا من التقدم للأمام والوصول للمستويات الأعلي

أما النقطه الثانيه فمتعلقه بأيهما أكثر فائده للعضو

هل التسجيل تحت الشركه بشكل مباشر أفضل أم تحت عضو راعي

لا شك أن التسجيل تحت عضو راعي أفضل وإن قصر بعض الأعضاء الراعيين

فما يمكنني أن أذكره علي سبيل المثال لا الحصر

أن الشركه لا تقوم بإرسال الكتالوج لأي عضو لا يستطيع الحصول عليه

لكن ربما يستطيع الراعي المساعده

وأن الراعي قد يكون سببا في صعود عضو تحته لمستوي أعلي

أو حتي تحقيق ألقاباً قياديه

أن الراعي قد يساعد في فهم نظم العمل وكيفية الاستفاده من العضوية

وغير ذلك

أما الحصول علي الحقوق

فالشركه لا تساعد من تلقاء نفسها علي حصول العضو علي حقوقه

والراعي إن لم يساعد في الحصول عليها فلن يمنعها

والأمثله عديده جدا لا يتسع المجال لذكرها

تاريخ التسجيل : 21/01/2012

يعنى من الآخر استطيع تغيير الراعى بتاعى بدون ما أخسر المستوى اللى وصلت له وخاصة ان الراعى بتاعى مش بينفعنى وبس ولكن أصبح بيضرنى كمان فأنا صبرت على عدم فائدته وتجاهله لى ولكن الأمر تطور الى انه بيعرف عنى أنا ومجموعتى كل المعلومات الخاصة وبالتحديد قيمة المكافآت من خلال التقارير وكم مكافأتى وبينشر ده بين أفراد مجموعتى وبيقومهم عليا ومعلومات كتيير ولولا انه راعى ماكانش عرفها ولا عرف عنى حاجة ولا قدر يوقع بينى وبين أعضائى والسبب ببساطة أن أى مستوى بيوصلة أنا ومجموعتى أصحاب الفضل فيه ويا دوب هو بياخده شرفى فما ذنبى يدمرلى مجموعتى ويخسرنى أعضائى

تاريخ التسجيل : 02/08/2011

المفروض أسرار العضو غير مسموح لليدر بنشرها

وبعدين كده ضرر للشغل عامة وبيتهيألى الضرر برضة

هيرجع على الليدر كمان ربنا يساعدك لأختيار ليدر ثقة

وتوصلى لأعلى المستويات ..

بالتوفيق إن شاء الله

تاريخ التسجيل : 07/08/2010

بالتأكيد ليس من الالتزام الأخلاقي أبداً

نشر أي معلومات عن شخص لا يرغب في أن يعرف أحد شئ عنه

ويمكنك التوجه لإدارة الفرع بشكوي موضحه فيه هذا الموضوع

لا تخاذ اللازم نحو هذا الراعي

غير أنه لا يجب تعميم هذا لأنه حالة فرديه قلما تحدث

لأن من شأنها الضرر بالراعي قبل العضو

تاريخ التسجيل : 28/01/2012

سؤال للاستاذ محمد يا ريت ترد عليا لو انا عملت 10000 نقطه في شهر واحد هل بكدا اكون ليدر ويكون ليا مكافئه لليدر غير مكافاه النقاط اللي هيا 2940 ارجو الافاده