لكل من يريد تغيير الليدر

تاريخ التسجيل : 19/07/2011

السلام عليكم

بضم صوتى للكتير من الاعضاء واطالب الشركة بعدم الممانعة من تغيير الليدر

خاصة اذا كنا قاربنا من ان نفقد معظم عملائتا بسببه

وكل من يرغب بتغيير الليدر الدخول والمشاركة لكى تعرف الشركة انه هناك كثير من الاعضاء يطلبون هذا

وشكرا

تاريخ التسجيل : 21/09/2011

انا كمان مع حضرتك فى الطلب ده جدا وبصراحه مش عارفه سر التمسك الشديد بعدم تغير الليدر مع انى شايفه ناس كتير بيسالوا عن الموضوع ده

تاريخ التسجيل : 25/07/2011

وانا كمان اضم صوتى ليكوا
ناس كتير بتبقى عايزة تغير الليدر لانها مش بتهتم بالاعضاء اللى تبعها
ولا بتشجعهم ولا بتابعهم
المهم عندها انها تكون مجموعة وخلاص
وفيه ناس كدة فعلا مجرد العضو ما يعمل عضوية تبعهم خلاص ولا يسالوا فيه
وبسبب تشدد الشركة فى موضوع تغيير الليدر العضو بيلغى عضويته
ودى طبعا حاجة سلبية
ياريت الشركة تراعى الموضوع دة وتهتم بيه ويكون فيه امكانية تغيير الليدر
مع احترامى

تاريخ التسجيل : 01/08/2011

انا كمان اضم صوتى معاكم
لان كل ليدر فاكرة ااننا خلاص تحت امرها وبنعرف كل شئ من بره وبتكلمم معانا بالعافية وشكلى هسيب الشركة قريب انا واللى تحتى بسببها

تاريخ التسجيل : 09/08/2010

ياجماعة أنا أحب أوضح ان إذا فيه سبب مقنع وقوى للنقل الشركة مش بتمانع بعد المحاولة مع الليدر

ولازم الكل تفهم ان المنع دا فى مصلحة الجميع

وان إذا كان لحضراتكم أسباب ففيه ناس ثانيه بتحب تنقل لاسباب تافهه جدا ومش مقنعه

وأحيانا بيكون عند وكمان ممكن لأن أى حد تانى أغراهم بهدايا أو مكافآت وطبعا كلها بتكون وعود فارغه

فلو اتفتح الطريق هتكون سوءاته أكثر من مميزاته

وبعدين نظام شركتنا اللى بيعتمد على مجهود كل واحد فى تكوين مجموعته علشان ينجح بيربطنا بالالتزام بهذا القانون لإن حرام جدا الواحد ياخد عضو من تعب حد تانى

أنا شخصيا بسميها سرقة أعضاء ولا يمكن أن نقبلها أبدا أبدا

وأنا بتكلم عن تجربتى الشخصيه

وبنصح كل واحد يعتمد على نفسه وما ينتظرش هدايا من الليدر والكلام دا لأنه و فى الأول وفى الآخر بيشتغل لحساب نفسه وله دخل باللى تحته مالهوش دخل باللى فوقه

ولو نجحتم فالنجاح دا ليكم ومجموعتكم هى اللى هتكبركم وتزود مكافآتكم

أنا أتمنى دراسة الموضوع وتناولة بصورة عامه مش على تجربة شخصيه مع ليدر خدعتك أو مش مهتمه بيكى

وأتمنى نتناول الموضوع من حيث المصلحه العامة والمميزات والمساوئ

تاريخ التسجيل : 19/07/2011

يا استاذة فاتن لو على الهدايا تهون بالرغم اننا منعرفش ان فيه حاجه اسمها عروض تنشيطية الا من المنتدى لكن مش مهم لكن انى اعمل اوردر فى 15\9 والنهارده 7\10 وما يوصلش بسبب الليدر والناس تقول انه مش حتاخد حاجه لانها اتصرفت من بره ده مش سبب مقنع؟

تاريخ التسجيل : 02/08/2011

للاسف الموضوع ده خاصه ما يقدرش المنتدى يقدم بيه شكوى
فى الشركة والا يعتبر انه تحريض صريح وواضح للاعضاء
للدخول فى المجموعة الخاصة وده هيسبب مشاكل كتير مع باقى
الليدارات لكن ممكن اللى عنده مشكلة مع الليدر يتصل بالشركة
على تليفونات الشكاوى والقيام بتقديم شكوى دون التلميح بالدخول
فى المجموعة الخاصة سواء من قريب أو بعيدلأن المنتدى فى منأى
عن ذلك والتهديد بالانسحاب من الشركة بالاعضاء التابعين
نتمنى على الله ان يكون هناك حل سريع وجذرى لهذه المشكلة

لكل من يريد تغيير الليدر 408304

تاريخ التسجيل : 09/08/2010

abomnar9 كتب:: يا استاذة فاتن لو على الهدايا تهون بالرغم اننا منعرفش ان فيه حاجه اسمها عروض تنشيطية الا من المنتدى لكن مش مهم لكن انى اعمل اوردر فى 15\9 والنهارده 7\10 وما يوصلش بسبب الليدر والناس تقول انه مش حتاخد حاجه لانها اتصرفت من بره ده مش سبب مقنع؟

ممكن اعرف يعنى ايه الحاجات اتصرفت من بره وايه دخل الليدر بتاعتك فى أوردر ما طلعش وانتى عاملاه شحن ؟؟؟

أرجو التوضيح

تاريخ التسجيل : 09/08/2010

seham.ahmed كتب:: للاسف الموضوع ده خاصه ما يقدرش المنتدى يقدم بيه شكوى
فى الشركة والا يعتبر انه تحريض صريح وواضح للاعضاء
للدخول فى المجموعة الخاصة وده هيسبب مشاكل كتير مع باقى
الليدارات لكن ممكن اللى عنده مشكلة مع الليدر يتصل بالشركة
على تليفونات الشكاوى والقيام بتقديم شكوى دون التلميح بالدخول
فى المجموعة الخاصة سواء من قريب أو بعيدلأن المنتدى فى منأى
عن ذلك والتهديد بالانسحاب من الشركة بالاعضاء التابعين
نتمنى على الله ان يكون هناك حل سريع وجذرى لهذه المشكلة

والله يااستاذه سهام مش القصه قصة خوف من انهم يعتقدوا اننا بنحرض الأعضاء ينضموا لينا

القصه اننا ما بنستحلش الموضوع دا

وشوفى رغم انه بينطلب كتير مننا ناس تنقل معانا فى نفس الوقت فيه ناس بتتسرق مننا ولأسباب تافهه جدا ووهمية كلها وبيرجعوا يطلبوا العوده معانا تانى بس ما يتضح لهم الحقيقه

ولو علينا فسبل التحايل كثيره جدا بيستخدمها ناس كتير بدون ما الشركة تحس وكلها عارفينها لكن احنا ما بنحب لا ننشرها ولا نشجع عليها أى حد

ودى أرزاق وربنا يغنينا بالحلال الطيب

وأما مصممه ان كل اللى عندها مشكله خاصه مع الليدر لو نظرت للموضوع بصورة عامة هتعرف مدى سيئات فتح النقل من ليدر لآخر

فى حين انها ممكن تنقل تحت ليدر تانى تلاقيه أسوأ من الأول

تاريخ التسجيل : 19/07/2011

فاتن كتب:

abomnar9 كتب:: يا استاذة فاتن لو على الهدايا تهون بالرغم اننا منعرفش ان فيه حاجه اسمها عروض تنشيطية الا من المنتدى لكن مش مهم لكن انى اعمل اوردر فى 15\9 والنهارده 7\10 وما يوصلش بسبب الليدر والناس تقول انه مش حتاخد حاجه لانها اتصرفت من بره ده مش سبب مقنع؟

ممكن اعرف يعنى ايه الحاجات اتصرفت من بره وايه دخل الليدر بتاعتك فى أوردر ما طلعش وانتى عاملاه شحن ؟؟؟

أرجو التوضيح
ااقصد ان اللى طلب منتج من عضو وانتظر مده طويلة بيتصرف ويجيب المنتج او منتج مشابه من بره والمشكلة عندنا ان الليدر هى اللى بتستلم الاوردرات وهى اللى بتستقبل الشحن يعنى لو عندها ظرف او مشكلة مادية زى دلوقتى الشركة بتحجز الاوردرات دون مراعاة لعملائها من الاعضاء الصغار او العميل العادى اللى طلب منتج ولما حاولت انى اخد الاوردر على اقرب فرع شحن مسئول الشكاوى قاللى مينفعش

تاريخ التسجيل : 09/08/2010

يافندم ازاى ما ينفعش ؟؟؟

حضرتك من أى منطقه بالضبط وبتطلب شحن منين ؟؟

لإنه مش اجبارى ابدا ابدا ان الليدر يستلم الأوردرات للاعضاء فواضح انكم لكم ظروف خاصه

فأرجو توضيح المنطقه ومن أى فرع بتشحنوا؟؟

علشان اقدر افيد حضرتك

تاريخ التسجيل : 07/08/2010

أعتقد بأن العضو "abomnar9"

من قنا أو الوادي الجديد

لأنه بالفعل فيه ليدر في محافظة قنا كان يقوم بطلب عربيه شحن كاملة لمجموعته

وقد تم إيقافها بسبب مشاكل ماليه مع الشركة

وقد تم الاتصال بنا من العديد من الأعضاء

لكن السؤال؟؟؟؟؟؟

هل هو ليدر بالفعل وهل لك كود عضوية في الشركة؟؟؟؟

بمعني هل تأتي لك الفاتورة باسمك والكود الخاص بك؟؟؟

لو كان ليدر وأنت عضو في الشركة

فلماذا وضعت نفسك تحت تصرفها وتركت لها السفينه تقودها حيث شاءت؟؟؟

هذه غلطتك

لأنك رهنت نفسك بها فلما ضاقت عليها الأمور وتوقف عنها الشحن توقف عنك أيضاً مع أن الأمر متاح وميسور بأن تقوم بطلب أوردرك بشكل مباشر من الشركة ويصلك بغض النظر عنها وعن مشاكلها؟؟؟

أما لو كنت من الوادي الجديد
فله ظروفه الخاصة حيث كان يتم الشحن إليه من فرع المنيا
وبسبب كثرة المشاكل بهذا الفرع نتيجة الضغط الرهيب عليه
فقد تم تحويل الشحن منه إلي قسم الشحن من القاهرة ومنه يتم توصيل الأوردرات من الشركة ليدر ومنه إلي الأعضاء
في هذه الحالة لو كان الليدر لا يبلغك بأوردرك لاستلامه أو توصيله إليك إن أمكنه ذلك فيمكنك التوجه بالشكوي للشركة لتغيير الليدر إذا كنت تعلم من قد يقوم بهذا الأمر علي الوجه الذي يرضيك

أما تغيير الليدر بشكل عام
فقد صادفنا اتجاهين
سواءاً أعضاء يودون النقل معنا أو أعضاء معنا نقلوا مع غيرنا
في معظم الأوقات لا نسمع إلا أسباب غير مقنعه تماماً
لكن إن كان مع أحدكم سبب مقنع فليتوجه به لإدارة الفرع؟؟؟
فالشركه لها قانونها وهو ليس متعسف
فهناك حالات يسمح فيها بنقل العضوية
فمثلاً لو عمل شخص عضوية ثم اكتشف بعد ذلك أن أخته أو أمه لها عضوية في الشركة فهنا يحق له النقل تحت أخته أو أمه طالما أن عضويتها أقدم من عضويته أو العكس

أرجو أن يبحث كل عضو عن السبيل الذي به يستطيع أن ينمي ويطور من نفسه بدلاً من الانشغال في التفكير في تغيير الليدر أو الراعي؟؟

أتمني خالص التوفيق للجميع!!!!

تاريخ التسجيل : 03/01/2011

كعاده الاستاذ محمد رفعت

كلامه مضبوووووووووووووط

100 %

لكل من يريد تغيير الليدر 880199

يا جماعه

انسوا حكايه الليدر ديه
واهتموا بشغلكوا احسن

لان لو الشركه فتحت حكايه تغير الليدر

هنلاقي الاعضاء
كل يوم بتغير الليدر

وربنا يوفق الجميع

سلام عليكم

تاريخ التسجيل : 25/07/2011

طب ممكن استفسار يا استاذ محمد
حضرتك بتقول لو العضو ليه قريب من الدرجة الاولى ممكن ينقل ويكون معاه
طب لو القريب مش من الدرجة الاولى؟؟؟؟؟؟؟؟؟؟؟
انا شخصيا لياواحدة قريبتى سمعت عن الشركة وراحت تعمل عضوية
بس ماكانتش تعرف موضوع الليدر ولا انها لازم تعمل عضوية تبع حد من الاعضاء
المهم واحدة فى احد فروع الشركة اول ما لقيتها عايزة تعمل عضوية ادتها الكود بتاعها وعملتلها العضوية تحت كودها
وزى ما بيقولوا ادى وش الضيف
قريبتى ما تعرفش حاجة عن العضوة دى من ساعتها
والكلام دة من حوالى 3 شهور
هل فى الحالة دى يحق ليها تغيير الليدر وتكون معايا
على العلم هيا بنت عم والدتى
ارجو الافادة

تاريخ التسجيل : 07/08/2010

لا أعرف إلي أي مدي من درجة القرابه يسمح بنقل العضوية

لكن لا ضير أبدا في كتابة طلب لإدارة الفرع التابعه له موضحه فيه صلة القرابة والجهل بعضويتك أثناء قيامها بعمل عضويتها
وبيان تجاهل الراعي الذي لم تعرفه ولا يتواصل معها وأنه تم تسجيلها تحته داخل الفرع دون سابق معرفه لهذا الراعي

تاريخ التسجيل : 19/02/2011

اضم صوتى ليكم

تاريخ التسجيل : 25/07/2011

محمد رفعت كتب:: لا أعرف إلي أي مدي من درجة القرابه يسمح بنقل العضوية

لكن لا ضير أبدا في كتابة طلب لإدارة الفرع التابعه له موضحه فيه صلة القرابة والجهل بعضويتك أثناء قيامها بعمل عضويتها
وبيان تجاهل الراعي الذي لم تعرفه ولا يتواصل معها وأنه تم تسجيلها تحته داخل الفرع دون سابق معرفه لهذا الراعي

اشكرك بشدة يا استاذ محمد
ربنا يبارك فى حضرتك ،:

_:

تاريخ التسجيل : 28/07/2011

طيب ليه بتسموها سرقة اعضاء
دلوقتي الليدر بتاعتى انا رايحة ليها كنت بستفسر منها ازاى اشترك وقالتلى انا هعملك عضوية مش هى اللى سعت علشان تدخلنى تحتها
ثانيا انا لولا انى عرفت ان ليا مكافأة منكم شهرية ماكنتش اخدتها الشهر اللى فات
ثالثا بتزود عليا حاجات كتير على الاوردر بتاعى وبتجبرني ادفع سعر عالى انا مش قده وبتحطني في موقف صعب بحجة انى انتهز الفرصة واخد الهدايا اللى من حقي لدرجة انى دفعت في اول طلبية 1810 جنيه ومكانش معايا منهم غير اللى كنت عاملة حسابه بس وكان 1000 جنيه بس
ثانيا انى دخلت تحتى عضوة وحاسة انى ظلمتها لانها طبعا بتتعرض لنفس اللى بتعرضله وهى كمان زهقت ومكملتش شهرين عضوة
وعاوزة تسيب العضوية
غير كدة مفيش اى تحفيزات اهم حاجة عندها أكون مجموعة وبس
طيب وبعدين ؟؟
معلش هقوم اعمل الغدا وهكمل كلامى بعد ما اشوف رد حضراتكم

تاريخ التسجيل : 02/08/2011

اتصلى بتليفون الشكاوى الخاص بالشركة واحكيلهم الموضوع

وشوفى هيتصرفوا ازاى يمكن يلاقوا حل

تاريخ التسجيل : 07/08/2010

مع إحترامي لكي وللأستاذه سهام

فليس لتليفون الشكاوي أي صلة بالموضوع

إنما هو خاص بإدارة الفرع التابعه له

والتي أعتقد أنها لن تقتنع أبدا بما قدمتيه من أسباب

فلا أحد يستطيع أن يجبر أحد علي شئ

فلماذا تستجيبي لها وكيف لها بأن تجبرك علي فعل شئ لا ترغبين فيه؟؟؟؟

فالمفروض أن تحددي هدفك وأن تجتهدي في تحقيقه في حدود ما هومتاح لكي من الإمكانيات

ولا تعطي الفرصة لأحد أن يجبرك علي شئ لا ترغبين فيه

أما موضوع المكافأة فالمهم أنها لم تكن تصرفها بدون علمك!!!

أما لو كنتي سألتيها عليها وأنكرتها هي فتكون هنا المشكلة؟؟

أرجوووو التوضيح؟؟؟؟

تاريخ التسجيل : 28/07/2011

والله انا سالتها على مكافأة شهر 8 اللى مفروض زمانها جت من شهر 9 قالتلى انتى اخدتيها
وانا اصلا اول شهر ليا كان اغسطس ومعرفتش بالمكافآت غير منكم
فييييييييييييييييييييييييييين لما قعدت ازن عليها ولسة ماليش كام يوم اهو ادتهالى
واحنا قربنا على نص 10
وبعدين انا بفكر اسيب العضوية خالص
ولو حبيت اشتغل اعمل عضوية من اول وجديد

تاريخ التسجيل : 27/09/2011

بصراحه دى واحده بتستغلك

وبتخليكى انتى تشتغلى علشان تجمع مكافاه من زراكى

وبعدين سورى هو انتى ازاى تسمحلها انها تجبلك طلبات و تحددلك تجيبى ايه

المفروض انك تطلبى ما تريدى انتى .

و كمان تحددى انتى عاوزة ايه

محدش يقدر يجبرك على شراء حاجات انتى مش محتاجاها اصلا

و بعدين اصلا المكافاءه بتاعتك تروحى الفره و تطلبى منهم ان انتى اللى تستلميها بنفسك

لازم تعملى وقفه معاها مينفعش كده

احنا نحمد ربنا على اننا ربنا وفقنا مع الاستاذ محمد

ربنا يباركله و يجازيه خيرا عنا

ده هو اللى بيساعدنا و بيحاول يكبرنا

ربنا يخليه يا رب

تاريخ التسجيل : 25/10/2011

يا استاذ محمد انا الليدر بتاعتي بتتاخر عليا في الطلبيه بالاسبوعين وبتصل عليها مش بترد وليا قربتي ليدر بس هيا في محافظه وانا في محافظه يعني انا في الفيوم وهيا في شبرا هي بنت خال بابا وعايزة اغير ليدر ينفع ولا لا وبعدين انا عايزة اعرف حكايه المكافات الشهريه عشان الليدر بتاعتي مش بتقولي عليها ومعرفش عنها حاجه ممكن تجاوبني

تاريخ التسجيل : 25/10/2011

انا عايزة حد يفيدني في الموضوع بتاعي ممكن انا في انتظار الرد ارجوكم

تاريخ التسجيل : 19/03/2012

عاوزه اغير الليدر علشان من اسكندريه لكنها بصراحه لسه مفيش اى مشاكل بينا الحمد الله بس على ما فهمت من اللى عالى العضويه انها بتوعدها ومش بتوفى وعموما انا عمل زى ما قال استاذ محمد مش بشغل بالى بيها وبحقق هدفى لكنى كنت اتمنى تحفيز طبعا وربنا المستعان