الحقونا بكتالوج مارس لو سمحتم ....

تاريخ التسجيل : 08/02/2011

سلام عليكم

يا ريت يا جماعة لو كتالوج مارس نزل تلحقونا بيه بسرعة هنا عشان فى حاجات محتاجة اعرف بسرعة هتكون موجودة فى شهر مارس ولا لأ عشان لو مكنتش موجودة الحق اتصرف

وجزاكم الله خيرا ^^

اه حاجة كمان لو فى اقتراح بخصوص منتجات الشركة ممكن اكتبه هنا وتوصلوه ولا اتصل بالشركة مباشرة فى حالة اى اقتراح او شكوى .؟؟؟

تاريخ التسجيل : 07/08/2010

إن شاء الله هنزل الكتالوج هنا قبل نهاية الشهر علشان نوفر الفرصة للجميع لمقارنة العروض بإذن الله

وبالنسبة لإقتراحاتك ممكن تقوليلنا عليها وإحنانوصلها
أو ممكن تتصلي مباشرة بالشركة
حسب رغبتك!!!!!!

تاريخ التسجيل : 08/02/2011

متشكرة اوى لردك الكريم ^^
حاليا هقول اقتراح بخصوص منتج مش موجود فى ماى واى وافتكر انى عندى تانى بس تايه عن بالى دلوقتى ..
الاقتراح هو ان ماى واى تنتج ادوات التجميل كاملة بحيث تكون متكاملة يعنى انا ملاحظة انها مش بتعملنا مانكير وبالذات دلوقتى طلع حاجة جديدة بيقال عليها المانكير الاسلامى ودا بيتم ازالته بكل سهولة بدون استخدام اى مزيلات ودا بيسهل علينا استخدام المانكير بشكل آمن وبدون مشاكل عشان مش بيعوق الوضوء ولا الصلاة

ليه ماى واى مش تنتج مانكير زى كدا وبألوان كتيرة أو بكل الالوان اعتقد هيكون عليها اقبال كبير

انا جه على بالى الاقتراح دا لأنى نازلة فى شهر 3 ان شاء الله اشترى ادوات تجميل (ميك اب) لكن ناقصنى المانكير لأنه مش موجود فى ماى واى وحاليا بدور على مانكير اسلامى عن طريق عروض النت ومشكلة النت الصعوبة فى الشرا مش بيكون سهل زى الشرا من الشركة مباشرة وكمان بيستغلونا فىالاسعار جدا

فياريت ماى واى تكمل منتجات التجميل وتعملنا المانكير ....و المانكير الاسلامى كمان

تاريخ التسجيل : 09/08/2010

اقتراحك حلو بجد

وان شاء الله هحاول أوصله بس على فكره احنا عندنا مجموعة منزلنها فى السعودية ممكن تشوفى كتالوجها فى منتهى الروعة واحنا نتمنى ان ماى واى تنزلها قريبا فى مصر وفيها مانكير روووووووعة بألوان رهيبه وعليها اقبال جامد جدا معانا

وبالنسبة للمناكير الاسلامى انا برده سمعت عنه وهنسأل الادارة لو تعرف توفرلنا منه تبع كاجال الرائعه

وعلى فكرة عندنا منتجات فى كاجال كمان اكثر روعه لسسه ما نزلتش فى الكتالوج المعروض ممكن ننزلها فى الكتالوج الجاى ان شاء الله

واحنا على أمل ان الادارة فى مصر تنزل المجموعة دى فى مصر لانى شايفاها نقله حيقية لماى واى

وادينا بنحاول

وشكرا جزيلا لكى ياسها

تاريخ التسجيل : 08/02/2011

متشكرة اوى يا فاتن على مداخلتك االجميلة زيك يا حبيبتى ^^
معلش انا عندى مشكلة مع الشركة نسيت اكتبها فىالاقتراح السابق وكويس انى افتكرت دلوقتى
المشكلة ان ماى واى فروعها بتكون فى المحافظات وبس
يعنى انا مثلا مش عايشة فى المحافظة نفسها لكن فى مركز تابع للمحافظة وعشان كدا اوقات كتير بكون عايزة اشترى حاجات وطبعا برجع فى كلامى لأنى لسة هنزل المحافظة وبهدلة فى المواصلات ومسافة طويلة يعنى المسافة تقريبا من ساعة ونص لساعتين يعنى سفر
مش معقول كل ما احب اشترى حاجة من لاشركة ولو كانت بسيطة ولو كانت حتى صباع روج اسافر المسافة دى كلها واركب مواصلا (وانتو عارفين مواصلات عندنا فى مصر والبهدلة ) عشان اشترى حاجة بسيطة او حاجات قليلة

فلو سمحتم ارجوكم تكلمو ادارة الشركة انها تعمل فروع داخل المراكز عشان الناس كلها تقدر تشترى ودا هيخلى نسبة المبيعات أعلى لأن وقتها كل الناس فى المراكز يقدروا يشتروا بسهولة بدون ما يشيلو هم نزول المحافظة
طيب لحد ما يتم تطبيق الفكرة دى هنعمل ايه هنشترى ازاى لحد ما يفتحوا فروع ؟؟؟
يا ريت لحد ما ينفذوا فكرة الفروع فى المراكز يعملوا لنا خدمة ارسال المنتجات عن طريقة البريد مش هقول شحن عشان منكلفش الشركة مال ومجهود لكن هنقول ارسالها بالبريد لمن يريد

يعنى انا فى مرة سافرت مخصوص من مدينتى للمحافظة عشان اشترى شوية حاجات وفى الاخر اغلب اللى كنت عايزة اشتريه لاقيته خلاص الكمية نفدت وخلص بعد ما ركبت مواصلات وتعبت فيها وتعبت المسافة الطويلة دى فى الاخر ملقتش اللى عايزاه.. قولتلهم فى الشركة ممكن اول ما تجيبلكم الحاجات المطلوبة تبعتوهالى بالبريد عشان مش هقدر اجى تانى عشان انا باجيلكم بصعوبة اعتزروا بكل زوق وقالوا مش مسموحلنا بكدا مينفعش نبعت الطلبية بالبريد .. قولتله طيب منا مقدرش اجى تانى الطريق طويل والمواصلات صعبة اعتزر وقالى انا اسفة مش بايدى مقدرش

فياريت تخلو الادارة تتساهل مع التعامل عن طريق البريد مؤقتا لحد ما يتم تنفذي اقتراح فتح فروع فى المراكز التابعة للمحافظات (هذا إن قبل الاقتراح ولو انه فى صالح الشركة تماما والعميل ايضا)

وتسلمو .جزاكم الله خيرا ^^

تاريخ التسجيل : 09/08/2010

مشكورة حبيبتى على ذوقك ورقتك وكلامك الجميل

بالنسبة لموضوع الشحن والبريد دا أنا هقولك تجربتىوتجارب مريت بها مع ناس بتشتغل معانا

أول برده ما اشتغلت مع ماى واى مصر كنت فى مدينه ما فيها فرع ولا شحن فكنت لازم أشوف حد يروح الفرع يجيبلى طلبياتى وطبعا كنت تاعبة الاستاذ محمد معايا جدا ربنا يكرمه لأن غالبا كان هو اللى بيشيل عنى مسؤولية الكلام دا

لكن لما طلبنا وألحينا قالوا لنا اننا هنعملكم شحن فى أقرب فرصه

وبالفعل بعد شهر واحد الحمد لله جهزوا العربية الخاصة بالشركه وبقت توصلنا لغاية البيت

فنصيحتى انك تشوفى اعضاءك وكمان اى عضو او عضوة لماى واى فى منطقتك حتى لو مش من مجموعتك وتتصلوا بالشكاوى والتليفون بتاعهم موجود فى الكتالوج وطلبوا منهم مرة واتنين وتلاته

لغاية ما يستجيبوا معاكم

أما البريد فدا طبعا ممنوع لأنه ممكن يعمل لخبطه وفواقد كتيرة وانتى الخسرانه فيها لأن الشركه عمرها ما هتشيل فواقد للبريد ولا عندهم وقت اساسا يطلعوا للبريد شحنات ومعلش انا قلتلك بصراحه

فانتى مؤقتا لو تعرفى أى حد قريب من الفرع قريبك أو صاحبتك أو شىء من هذا القبيل ممكن تعطيها كودك وتطلب طلبيتك وترسلهالك من بره انما الموظفين نفسهم ممنوع عليهم كده الا اذا كان حد تعرفيه ويخدمك انتى

انما اهتمى جدا بالطلب لوجود شحن عندكم طالما المسافات بعيده كده لأن لا غنى عنه فى الظروف دى

وزى ما قلتلك انتى وكل اللى تعرفيهم من منطقتك
لازم يحسوا ان ناس كتير بتطلب علشان يوفروا خدمة الشحن بسرعه

والشركه كل يوم بتتوسع فى الموضوع دا بشكل كبير وان شاء الله سريعا جدا هيستجيبوا معاكم لأنهم متفهمين جدا اهمية الشحن بالنسبة لنا جميعا

ويارب ييسرلك أمورك وتتحل المشكله

تاريخ التسجيل : 08/02/2011

متشكرة اوى يا فاتن على ردك حبيبتى ^^

بس الحقيقة موضوع الشحن دا صعب اوى بالنسبة لطلبات بسيطة او قليلة

يعنى مش معقول اتصل بالشركة واقولها ابعتيلى العربية بعلبة كريم او بعلبة بودرة
مش هينفع .....

لكن لما بكون فى كل مكان فروع للشركة ولو يعملوا فى المراكز فروع صغيرة اوى بس المهم تؤدى الغرض كدا لما احتاج اى حاجة اقدر اروح اجيبها فى اى وقت سواء كانت حاجات كتيرة او قليلة او حاجة واحدة حتى

تسلمىىىىىىىىىى حبيبتى لردك الكريم ^^

تاريخ التسجيل : 28/03/2011

الحقونا بكتالوج مارس لو سمحتم .... 870665

لو سمحتى يااخت فاتن تبعتيلى كتالوج شهر مارس وشهر ابريل على الايميل بتاعى دلوقتى

تاريخ التسجيل : 28/03/2011

الحقونا بكتالوج مارس لو سمحتم .... 16252

ياريت تخلى الشركة تفتح فرعها مرة اخرى فى اسيوط مرة تانية

تاريخ التسجيل : 09/08/2010

أستاذة نشوى هنرفع الكتالوج بعد قليل ممكن حضرتك تحمليه

وربنا يوفقك

تاريخ التسجيل : 28/03/2011

ياريت تخلى الشر كة تفتح فرعها مرة اخرى فى اسيوط مرةاخرى لتسهيل العمل الحقونا بكتالوج مارس لو سمحتم .... 870665