عندي كذا استفسار ياريت حد يجاوبني

تاريخ التسجيل : 19/05/2012

السلام عليكم جميعا ... اولا بشكركم عالمنتدى الجميل ده
ثانيا ... انا نفسي من زمان اعمل عضوية في اي شركة مستحضرات تجميل وخاصة ماي واي لان شايفة ان ناس كتير بتحبها و بتقبل على منتجاتها اكتر من غيرها بس في كذا سؤال في دماغي ياريت حد يجاوبني عليهم قبل ما اعمل العضوية
1/ هل شركة ماي واي مصرية؟؟ ومنتجاتها بتتصنع في مصر؟؟
2/ ازاي ابلغ عن طلبية و ازاي بستلمها ؟؟
3/ هل في حد ادنى للطلبيات ما تقلش عنه ؟
3/ العضوية صالحة لحد امتى ؟؟ و امتى تتلغي ؟؟
4/ عاوزة افهم بالظبط العائد اللي بيرجعلي بيتحسب ازاي ؟؟
5/ هل لازم كل ما ينزل بروشور يتطلب منه اوردر ولا ممكن اعدي بروشور او اتنين حتى من غير ما اطلب منهم حاجة ؟؟
6/ ايه الحاجات المطلوبة مني عشان اعمل عضوية ؟؟
7/ بلاقي ناس ساعات بيبيعوا للزباين مش بسعر البروشور و لكن بسعر العضوية ... الحكاية دي صح ولا غلط و تودي في داهية ؟؟
8/ ليه ماي واي ما بتنزلش منتجات جديدة ؟؟ يعني تقريبا كل بروشور بيبقى زي اللي قبله بالظبط ما فيهوش جديد ... و لو نفرض ان انا ليا زباين ثابتين زي صحابي و قرايبي ازاي هقنعهم كل ما ينزل بروشور جديد انهم شتروا منه حاجة ؟؟
ــــــــــــــــ
دي الاسئلة اللي في دماغي حاليا لو افتكرت حاجة تاني هبقى اكتبها :)
شكرا جزيلا مقدما و جزاكم الله كل خير

تاريخ التسجيل : 07/08/2010

1- شركة ماي واي شركة مصريه مصانعها في العبور وأنشاص

2- يمكن عمل الطلبية من خلال أي فرع من فروع ماي واي المنتشره في شتي أنحاء الجمهوريه
أو من خلال التليفون إذا توفرت خدمة الشحن بالمنطقة التي تقطنين بها

3- إذا تم عمل الطلبيه من الفرع بنفسك فلا حد أدني بل يمكن للعضو الحصول علي منتج واحد فقط
أما إذا كان من خلال الشحن فيجب ألا تقل عن 30 نقطه أو 50 نقطه في بعض الفروع

4- عائد ماي واي كالآتي

** خصم بنسبة 20-25%
** هدايا متنوعه: برامج-تنشيطات-هدايا نقاط علي فاتوره واحده
**مكافآت ماليه تترواح من 8-3000 جنيه

5-ليس بالضرورة طلب أوردر من كل برموشن بل يمكنكي عدم شراء شء لمدة 5 شهور

6- المطلوب لعمل العضوية
10 جنيه + صورة البطاقه

7- يمكن للعضو أن يبيع بسعر العضوية ولا ضرر في ذلك حيث يرغب العضو وقتها في الحصول علي الهدايا والمكافآت

8-دايماً هناك جديد لكن يتم بصورة تدريجيه
حيث لكل منتج راغبيه وباحثين عنه فيجب استمراره

تاريخ التسجيل : 19/05/2012

متشكرة جدا جدا :)
طيب معلش العضوية صالحة لحد امتى ؟؟ لمدى الحياة مثلا ولا لمدة معينة ؟؟ و امتى تتلغي ؟؟

تاريخ التسجيل : 07/08/2010

العضوية صالحه مدس الحياة بشرط

عمل 50 تقطه علي الأقل كل 6 شهور

تاريخ التسجيل : 19/05/2012

طيب معلش سؤال كمان ..
لو انا عاوزة اطلب منتج ( و انا مش عضوة ) و ما اعرفش عضوة اطلب منها ... ساعتها اطلب منين ؟؟ ... من الفرع عادي ؟؟

تاريخ التسجيل : 07/08/2010

ممكن تطلبي من الفرع علي كود ماي واي

أو علي كود أي عضوه موجوده في الفرع

لكن الأفضل بالتأكيد هو عمل عضويه وهي ليست مكلفه

وتطلبي عليها ما شئتي في الوقت الذي شئتي

بل ومع زيادة طلبك يمكنكي التمتع يمزايا وهدايا النقاط علي كودك

تاريخ التسجيل : 23/03/2012

بالتوفيق
و مرحب بيكي في الشركة و المنتدى

تاريخ التسجيل : 02/08/2011

اهلا وسهلا بيكى فى المنتدى يلا شدى حيلك

وقررى بسرعة ماتتردديش العضوية فى

ماى واى سهلة وجميلة وفرصة عظيمة

عندي كذا استفسار ياريت حد يجاوبني 439330

تاريخ التسجيل : 19/05/2012

متشكرة جدا يا جماعة ربنا يكرمكم يا رب
ان شاء الله بس اخلص امتحانات على خير كده و هعمل عضوية باذن الله عشان اكون فايقة ^_^
متشكرة جدا كمان مرة ... و الله انا ما صدقت لقيت المنتدى العسول ده ^^

تاريخ التسجيل : 29/04/2012

فرصه تعملى شغل مع صديقاتك فى الاجازه