امى مريضه جداً ومحتاجه مساعده

تاريخ التسجيل : 31/12/2011

بسم الله الرحمن الرحيم

اخواتى اعضاء المنتدى انا اسفه جداً انى بقول الكلام ده بس بجد تعبت مش قادرة الحزن والخوف على امى هايموتنى

عايزة مساعدتكم ضرورى جداً أمى بكرة الساعه 8 داخله تعمل عملية قلب مفتوح

هاتغير شراين القلب العمليه بجد خطيرة يا تخروج منها سليمه وبقلب جديد

يا تخرج بقلبها القديم التعبان الى مش هايستحمل كتير وتموت وتموتنى معاها

انا مش عايزة منكم كتير مش عايزة فلوس ولا عايزة دعوات انا عايزة كلكم تيجو

وتدخلو اوضت العمليات وتساهمو فى العمليه عشان امى مصر محتجالكم

بكرة يا تسعادوها انى يكون ليها قلب جديد يا تساعدو فى موتها وتخرجوها

بقلبها القديم الى عمرو ما هايسعنا وسعتها مصر مش هاتبقا امنا

دى هاتبقا مرات ابونا انا قولت الى عندى والى انا حاسه

سامحونى لو اسلوبى معجبش حد بس الامر بجد خطير

اسفه مرة تانيه ليكم

اختكم نونه

تاريخ التسجيل : 17/05/2012

اولا انا اتخضيت خالص فكرتها مامتها
بس فعلا لازم كلنا نروح وننتخب بكره
وتسلمي علي موضوعك يانونا
وربنا يولي الاصلح ياااااااااااااااااااااااارب
امى مريضه جداً ومحتاجه مساعده 880199

تاريخ التسجيل : 31/12/2011

شوفتى يا هدير الموضوع قد ايه بيكون صعب لما يكون متعلق بحد بتحبيه وده كان قصدى انكم تتخضو

لان الموضوع فعلا مش سهل بكرة كلنا هنحدد مصيرنا ومصير ولادنا واخواتنا ومصير اهالينا الكبار لان مش

فرد واحد ولا مجموعه هى الى هاتنضر كلنا ها نتاذىء مش هانسكوت انا نازله بكرة طول النهار هانتخب

مرسى واساعد الناس الى مش عارفه ولسه محتارة هالف على البيوت واوعى الناس هاتصل بكل

اصحابى البعيد والقريب هاكلم الى اعرفو والى معرفوش لازم كلنا نتحرك مش لازم نسمح لهم يسرقو

ثورتنا مصر مش هاترجع وراء تانى لو مستسلمناش اخر فرصه يا شباب اوعو تضيعوها

تاريخ التسجيل : 02/08/2011

قلبى وعينيه بينزفوا بدل الدموع دم

ومفيش غير إنى أدعى وأقول

اللهم إنا نستودعك صناديق الأنتخابات فإحرسها

يا رب بعينك التى لاتنام

وإلا هنبقى عملنا زى بنى إسرائيل ربنا خلصهم من

فرعون راحوا عبدوا العجل

ربنا لاتؤاخذنا بما فعل السفهاء منا

تاريخ التسجيل : 31/12/2011

متقلقيش يا سهام انا لسه راجعه من الانتخبات كنت هناك من تسعه الصبح الناس بجد اوعا من ان حد يضحك عليها عجبنى اوى موقف والله العظيم حصل قودام عنيه ست كبيره فى السن جايه قابلها واحد من الفلول عطها خمسين جنيه وقالها انتخبى شفيق الست اخدت الفلوس ورمتها على الارض وقالتلو انا مش هابيع ضميرى ولا دم ولادى ولا بالف جنيه وست عاديه جدا مشركتش فى الثورة ولا حتى متعلمه ولا تعرف اى حاجه بس عارفه انها مصريه داقت الظلم عندها احساس بالمسئوليه ان شاء الله خير يا جماعه تفائلو بالخير تجدوه انا كنت محبطه جدا امبارح بس بجدا النهاردة وبعد يوم كامل فى الانتخبات ووسط الناس حاسه بحاجه تانيه خير ان شاء الله