(( حـــان الأوان ))

تاريخ التسجيل : 02/08/2011

(( حـــان الأوان ))

حان أوان الفرح الحـَصــري
أجمل وأسعد لحظة ف عُـمري
بقي من حقي يا ناس اتـنـَّــفس
وأرفع راسي وأقول أنا مصري

***
بـَبـــُص عليـــا زمان بلقــــــاني
كل حياتي كانت قلقـــــــانـــــــي
متهوم كنت ف دور الجـــــــــاني
كانت التهمة نصيبي وقـــــــدري !!!

***
ألفيــن عـــام أو يمكـــن أكـتـــــر
ضايع حقي ...... حلقي مِِـمَّـــرَّر
ألفيــن عــــام واقـف مستـنــــظر....
بحلم أشوف إيه أخرة صبـــــري!؟

***
ميـــت عـايش ... عـــايش ميــت !
ماســــك فـيـَّــا الهــــــــم متَـبــِّــت !
كاســـــر عضـــمي و روحي مفـتـفت !
ربـــي شــفــــــاني وجَبــَر كَـســري

***
بَـطـُــل ف وِش الدنـيــا بشـــوف
خــالي من تجاعيــــد الخــوف !
بيضـحـــك سِنِّه وع المكـشوف
شايف الخوف متغاظ وبيهـــري !!!

***
ألفيــن حمــد وشــكـــــــر ياربـــي
بقولها بعقلي وروحي وقلبـــــــي
ألفيـــن حمـــــد إنـك أحيـتـــــــني
عشـت وشـفــت بشـــــاير نصري

***
كُـله ف علـــــم الله بمـعـــــــــــاد
يـــاه دا الصـبـــــر جميل يا أولاد
أحـلي حــــــلاوة وأجمــــــل زاد
لربـِّي لازمني الشـكـــر الحصري!!!

***
حان أوان الفرح الحـَصــري
أجمل وأسعد لحظة ف عُـمري
بقي من حقي يا ناس اتـنـَّــفس
وأرفع راسي وأقول أنا مصري

تاريخ التسجيل : 31/12/2011

تحفه بجد وكلام محسوس اوى تسلم ايدك سهام على كل ما تقدميه فالتميز اصبح عنوانك جزاكى الله خيراً

تاريخ التسجيل : 02/08/2011

مرورك أختى نونه هو ما يجعل المواضيع مميزة

شكرا لك