ممكن سؤال ؟؟

تاريخ التسجيل : 14/04/2011

السلام عليكم
أنا لسه مشتركه في المنتدي
وكنت عايزة أعرف أنا ينفع أكون معكم في المنتدي
وأنا بالفعل عضوة في ماي واي

تاريخ التسجيل : 07/08/2010

بالتأكيد وجودك يشرفنا

نورتي المنتدي

تاريخ التسجيل : 17/04/2011

سلام عليكم
انا بالفعل عضوة فى ماى واى و كنت عايزة اعرف النظام بالظبط لانه انا اللى عملت لى العضوية فى القاهرة و انا فى المحلة و ما فيش بينى و بينها اى اتصال غير التليفون و انا سمعت انه المفروض بيكون لينا عروض تنشيطية لكن انا ما اخدتش اى حاجة للان من 3 شهور فعايزة افهم النظام بالظبط

تاريخ التسجيل : 07/08/2010

السلام عليكم

أهلا بيكي معانا في المنتدي

أحب أقولك في البدايه إنه مش شرط فعلاً يكون العضو الراعي ليكي من نفس منطقتك أو بلدك

وكمان العلاقة بين الراعي والعضو الجديد أنا بعتبرها علاقه لازم تبقي قوية

وده مش مرتبط بس بالهدايا

ولكن الأهم هو متابعة الأعضاء ومعرفه شغلهم ومتابعة تقدمهم
وتشجيعهم وإبلاغهم بالجديد فيما يخص التنشيطات وكمان مساعدتهم في حل أي مشكلة تقابلهم

وكدل ده بيكون غجتهاد من الراعي
بمعني أنه ممكن يفوته نفسه الخبر أو ميكونش صادف مشكلة صادفت العضو اللي تحته
وبالتالي بيكون مش عارف حلها
لكن لازنم يجتهد في السؤال ومعرفة إزاي يتغلب علي المشكلة

نصيحتي لكل الأعضاء
فيه ناس كتير بتعمل إغراءات وهميه في البداية مش بتستمر
كل الهدف منها خطف الأعضاء من الراعيين بتوعهم

فأرجو من كل عضو البقاء تحت الراعي بتاعه مهما كان لأنك إحدي أسباب رفع مستواه
كما أنه نصيبك الذي رزقت به
فاحمد الله واسأله أن يزيدك من فضله دون النظر للراعي أو للفايده اللي هو بيجنيها من وراك

وربنا يوفقنا جميعاً

تاريخ التسجيل : 17/04/2011

أولا شكرا على ردك و اهتمامك بسؤالى
ثانيا معنى كلام حضرتك انه انا دخلت فى الموضوع ده مش عشان انا اشتغل و استفيد لا ده عشان غيرى هو اللى يستفيد بشغلى
طيب يبقى انا اشتغلت فى الشركة ليه لو انه الراعى بتاعى مش مدينى حقى مش المفروض الشركة بتعرفنى حقى و كمان تساعدنى فى نى اخده ولا هى بتشجع الراعى انه ما يكأفأش كل واحد على شغله مش بردو الحق حبيب الله ولا هو ربنا قال لنا نسيب حقنا و نقول الحمد لله انا بس عايزة افهم

تاريخ التسجيل : 07/08/2010

حضرتك فهمتيني للاسف غلط

كل عضو بيجتهد علشان يكبر في الشركة من خلال إدخال أعضاء تحته

يبقي العضو الجديد يستفيد أولاً من العضو الراعي بإنه ساعده في الدخول للشركة وتفهيمه نظام العمل بالشركة اللي كمان حفظت حق العضو الجديد في الاستفاده من خلال نسبة الخصم ال 25 % عن سعر الكتالوج وكمان هدايا النقاط وكمان هدايا البرامج والعروض التنشيطية وكمان فرصة أن تصبحي راعي وقائد لمجموعة جديدة

وبيستفيد العضو الجديد كمان من خلال مساعدة العضو الراعي له في إبلاغه بالتنشيطات والأخبار الجديدة
واللي بيتخصم تمنها من الليدرات
وكمان مكافأة العضو الجديد بيتم خصمها من العضو الراعي له

بعد كده بتيجي الفايدة اللي بيحصل عليها العضو الراعي من العضو الجديد وهي إن نقاط العضو الجديد بتنضاف للعضو الراعي بعد لما العضو الجديد بياخد كامل حقه عليها
وبالتالي بترفع من مستوي العضو الراعي وبتزود مكافأته اللي بتكون فقط من خلال فرق المستويات

فكل اللي أنا أقصده إن كل عضو بيفيد التاني

لكن اللي أنا بتمناه إن العلاقة تكون بعيده عن الحساب
لأن كل واحد بياخد حقه تماما

أنا بقول الكلام ده لأن فيه أعضاء مش عايزين العضو الراعي يستفيد
طيب ليه وإزاي بقه ممكن نكون الشجرة اللي بترفع المستوي وتزود الدخل

وإزاي العضو اللي مش عايز الراعي يستفيد هيكون هو راعي ويكون بداية شجرة جديدة

تاريخ التسجيل : 17/04/2011

انا بس اولا عايزة اعرف ليه حضرتك مضايق انى بسأل و الموضوع مش موضوع حساب او كده بس عشان ابقى عارفة حقوقى لانها هى بتستفيد من النقط اللى انا بعملها فبترتفع فى المستوى فأنا فين مكسبى حضرتك بتتكلم عن الخصم من الشركة و البرنامج وهدايا النقط كل ده انا باخده من الشركة و اكيد بردو الشركة بتستفيد منى عشان كده بتعمل لى كل ده فأصبح الموضح شغل و منفعة يعنى هل حضرتك دخلت الموضوع ده عشان تتسلى و لا كشغل اكيد شغل فاكيد بتدور على مصلحتك لانه شغلك و انا كمان بشوف مصلحتى و انا ما عنديش اى مشكلة انها بتستفيد من نقطى بدليل انى جبت اعضاء جدد بس الموضوع شغل و الشغل شغل و اظن يعنى انه ده شئ مش عيب ولا حرام و لا ايه حضرتك محسسنى انك زعلت انى بسال و عايزة اعرف يعنى هل حضرتك ما بتسالش و ما بتدورش على مصلحتك ولا دخلت الشركة دى كتسلية معلش انا طولت على حضرتك بس انا حبيت افهمك وجهة نظرى الموضوع مش انه انا مش عيزاها تستفيد او شئ بس ده شغل و بيزنس ولا ايه ؟؟؟؟

تاريخ التسجيل : 09/08/2010

لا لا ماهو كده خالص

الاستاذ محمد ما زعلش ولا شىء هو فقط بيوضحلك الموضوع وهو ما بيتكلم عليكى بشكل فردى

ياأستاذه أم ريرى احنا يوميا او اسبوعيا بيتعرض علينا ناس تحت اعضاء راعيين آخرين بيطلبوا مننا انهم يتروكوا اعضاءهم الراعيين وينضموا الينا بحجه ان العضو الراعى لهم ما بيفيدهم فى شىء وهما كمان مو عاوزين يفيدوه

واحنا طبعا بنرفض الموضوع دا لا نحله ولا نستحله ابدا ابدا بل وبنعتبره سرقه اعضاء

فمحمد بيكلمك على كده مو عليكى بشكل فردى

وانا فقط عاوزة اوضحلك الفكره اوقات العضو الراعى نفسه بيكون لسه صغير فى الشركه وماهو فاهم حاجات كتير لكن بيكون قدر يقنع كام عضو يشترك معاه لكن ما يعرف كيف ينشطهم ولا يحفزهم

ولما بيكبر ويصير ليدر الشركه بتخصم منه أوتوماتيك وبدون آخذ رأيه قيمه التنشيطات اللى بيعملوها فى الفروع

يعنى أوجه استفادتك من الشركه هى النسبة والمكافآت والهدايا على النقاط والبرامج الشهرية على ظهر كل كتالوج وهدا ماهو قليل
انما أوجه استفادتك من العضو الراعى للعضو الراعى بتاعك واللى بيمتد لليدر كبير بتيجى اساسا من الليدر اللى فوق اللى هيا قائدة المجموعه اللى مكافآتها بالالاف

واللى بيتخصم منها التنشيطات الاجباريه

يعنى احيانا بيكون التنشيط حاجه حلوة قوى

واحيانا يكون حاجه بسيطه قوى ما تعجبش الكثيرين

لكن هما ما بيكونوا مقدرين ان مثلا لو قيمة التنشيط 10 او 15 جنيه بتكون الليدرات الكبيرة دافعه اكتر من خمسميه او الف جنيه من مكافآتها لان تحتها اعداد كبيره

فليس من الاجبارى ان العضو الراعى الصغير اللى مكافآته تكون 100 او 200 او حتى 600 جنيه انه يعمل تنشيطات اصلا باعضاءه لانه ما يحتمل ومكافآته هتضيع وهيكون ما استفاد منها شىء

فالموضوع فقط هو ادراك للجوانب المهمه اللى تخص أوجه استفادتك من كل جهه علشان سواء كانت الشركه او العضو الراعى الصغير او الليدر

وطبعا شىء جميل جدا انك تحاولى تسألى وتستفسرى علششان تعرفى اللى لكى واللى عليكى واحنا كلنا واخدين الموضوع جد وشغل ونتمنى ان ربنا يكرمنا ويرزقنا وكل ما اهتمينا بشغلنا وفهمناه نقدم فيه الافضل ونكسب منه اكتر

وبعدين يعنى مافى بيننا زعل وواضح ان انتى اللى زعلتى بس والله هو دا التوضيح اللى قدمهولك الاستاذ محمد اختصار شديد عن الرغى الكتير بتاعى دا وكان بيحاول يوصلك واجبات كل فرد واوجه استفادته من التانى

وفكرة الشجره دى عاملاها الشركه علشان تحفز كل واحد انه يجلب مسوقين جدد يسوقوا منتجاتها وطبعا مافى حد كان هيهتم بالامر الا اذا هو يستفيد فجعلت المكافآت كعموله على كده واستمرارها بيكون تحفيز للراعى على استمرار تواصله مع مجموعته

وطبعا أخطاء الافراد لا تحسب على الشركه

يعنى اللى بيطنش اعضاءه وما بيتواصل معهم ولا بيحاول يحل مشاكلهم وبس عاوز ياخد مكافآت على الفاضى دا بيدخل فى رزقه شبهه اساسا وكمان ماهو فى رقبة الشركه لانه دا خطأ فرد

معلش طولت عليكى كتير

لكن أتمنى أكون وصلتلك الفكره أو جزء منها

تاريخ التسجيل : 07/08/2010

السلام عليكم
أعتقد مفيش في كلامي أي شئ يدل علي الضيق
وأعتقد إنك إنتي اللي زعلتي
ودي الحاجة الوحيدة اللي ممكن تخلينا نزعل
وهي إن عضو في منتداكم يزعل مننا

لكن أنا حبيت أوضح نقطة بس في علاقة العضو بالراعي بتاعه من غير ما أقصد حضرتك بشكل فردي وإنما كلامي علي وجه العموم

وأنا كنت حريص علي ذكر الكلام ده لأن فيه أعضاء كتير بالفعل زي ما ذكرت بيستكتروا الفايدة عالراعي واللي بتكون صغيرة مع معظم الأعضاء ومش بتستحمل عمل تنشيط ليهم

لكن من حق العضو إن الراعي يتابعه ويهتم بيه ويساعده في المعرفه وكمان تكوين الشجرة وبالتالي يكبروا هم الاتنين سوا

يعني إحنا مثلا بنعمل عضويات جديدة تحت كود أعضائنا النشيطين كنوع من التنشيط ليهم وبنلاقي ناس كتيرة بتطلب مننا نقل عضوياتهم معانا
وزي ما قالت أم زينب إننا بنرفض هذا وبننصح أي حد منهم بالبقاء تحت الراعي بتاعه لأن ممكن يكون عندي ميزة مش عنده أو هو عنده ميزة مش عندي

فبنلاقي إن الناس بتستخدم نبرة التهديد أحيانا مع الراعي بتاعهم ويقولولهم ياتعملنا كذا يا نسيبك

هذا الجزء هو اللي أنا قصدت أوضحه وأتكلم عنه دون زعل أو دون الكلام عنكي لكن حبيت أوضحه بشكل عام لأن فيه ناس كتير بتطلع علي الموضوع

تقبلي منا أرق التحيات

تاريخ التسجيل : 05/02/2011

على فكرة أنا بيحصل معايا نفس الكلام دة - أنا أصلا اتصلت بالشركة وعملت عضوية بنفسي من غير ما أكون تبع راعي ولا حاجة ولا حد أساسا شجعنى على الشركة أو عرفني بيها - دا أنا عرفت عن الشركة من النت بالصدفة وفعلا اتصلت بالفرع وعملت عضوية واشتغلت لوحدى- بعدها اكتشفت انت اتحطيت في شجرة تحت راعي أنا معرفهاش ولا شفتها لحد دلوقتي - وطبعا هي برده بتستفيد مني من النقط اللي انا بعملها وقليل الاتصالات بينا - وأول ما كلمتني أول مرة عرفتني بنفسها على انها من الشركة وبتشجعني اني اعمل نقاط اكتر- بعد كده اكتشفت اني تحت شجرتها وهي الراعي بتاعتي ومحلتش لي اي مشاكل ولما اتصل عليها لحل مشكلة تقول لي اتصلي بالشركة وهما يتصرفوا - بس بتستفيد مني وبس - وحاولت اطلع من تحت شجرتها منفعش
اسفة طولت عليكم حبيت بس اضيف مشكلتي

تاريخ التسجيل : 07/08/2010

دي فعلا مشاكل بيواجهها أعضاء كتير

وهي إهمال العضو الراعي ومحاولة البعض منهم إبيزاز أو استغلال الأعضاء اللي تحتهم

بس أنا عايز أقولك لو إنتي كنتي مسجلة تحت الشركة مباشرة واتنقلتي تحت راعي بدون علمك
فمن حقك تكلمي خدمة العملاء أو الفرع اللي انتي بتتعاملي معاه
وتسألي إزاي يدخلوكي تحت راعي بدون إذنك

وفي الوقت ده بيكون من حقك التصرف في عضويتك كيفما تشاءي

لكن لو اخترتي العضو الراعي فأنا عامة بنصح بعدم الخروج من تحته مهما كان
وممكن العضو يعتبر نفسه كأنه تحت الشركة وخلاص

يعني هقول لحضرتك إن الراعي بتاعنا بيستفيد مننا كتير جداً جداً ومع ذلك مهمل لينا خاااااااااااالص

ومع ذلك اعتبرت نفسي تحت الشركة مباشرة ونسيته واهتميت بشغلي أنا وأعضائي والحمد لله ربنا بيرزقنا خير

أتمني ليكم خالص التوفيق

تاريخ التسجيل : 05/02/2011

انا فعلا ماخترتش الراعي ولا كنت اعرفها وفعلا دخلت تحت الشركة وبعدين هما دخلوني تحت راعي بدون علمي وهي كده بتستفيد مني بدون وجه حق وكمان من غير ما تقدم لي أي خدمات - وفعلا انا هنفذ نصيحتك وهتعامل مع الشركة مباشرة وهنسى ان انا تحت راعي خالص
وانا فعلا اتصلت بالفرع وطرحت الموضوع ولكن دون جدوى - قالوا ده نظام الشركة مينفعش حد يكون من غير شجرة

تاريخ التسجيل : 17/04/2011

أنا ما زعلتش ولا حاجة بس اتضايقت من كلامك عن انه افى ناس مش بتبقى عايزة الراعى يستفيد لانه ده بالنسبة لى عادى انا هتستفيد ايه لو خسرتها و أنا سألت من مبدأ انه ما حدش يستغلنى او يبتزنى بس فكنت عايزة اعرف ايه النظام و كمان حضرتك بتقول أنه الواحد يقول الحمد لله معنى كده انه حضرتك عايز كل واحد يتخلى عن حقه المفروض زى ما أنا بفيد الراعى هو كمان يفيدنى لانه انا مش بستفاد منها بشئ و موضوع العضوية سواء كانت هى أو غيرها كنت هعملها و خصوصا أنى بتعامل مع الشركة من زمان من قبل العضوية كان ممكن اعمل زى رورو و أروح الفرع و اعمل لكن انا حبيت اعمل من خلال راعى و اتعرفت عليها على النت و على فكرة هى ليدر مش عضو صغير ولا حاجة انا بس حبيت افهمك انا ليه بس عشان اعرف حقى لانه ربنا ما قالش نسيب حقوقنا لحد و نقول الحمد لله ده حجة الانسان الضعيف السلبى معلش سورى طولت عليك بس حبيت افهم الجميع انا اتكلمت فى الموضوع ده ليه

تاريخ التسجيل : 17/04/2011

كمان هى بتقولى على تنشيطات الفرع لا ما تخديهاش انا هعمل لك تنشيط و هبعت لك هدايا تنشيطية و حاجات كده و الكلام ده ليه 3 شهور و كل شوية بتكلمنى تقولى اصل انا مستنية اشوف الشركة هتجيب ايه هدايا و هكلمك اعرفك عشان تختارى و كده ولكن ما فيش شئ بيحصل حتى مع الاعضاء اللى جبتهم بتقولى لما يعملوا 100 نقطة هحول لهم فلوس العضوية رصيد و طبعا ولا بيحصل ولا بتهتم تكلمهم وتعرفهم شئ مهملانا جميعا فانا بجد اتضايقت منها انا الاول ما كنتش اعرف موضوع التنشيط ده لحد ما واحدة و انا فى الفرع فهمتنى عنه فلما سالتها قالت انا نسيت اقولك عن الموضوع ده انتى بس جمعى نقط كتير و انا هبعت لك عليهم تنشيط كويس و لحد الان 2000 نقطو و ولا شئ منها كلام مش اكتر فمن ساعتها و انا حسيت انها بتستغل نقطى و بس لكن ما بتعبرنى و ده مضايقنى لانه حتى حرام عليها ذى ما بتستفيد من المفروض انها تفيدنى شوف هى دلوقتى على 2000 نقطة استفادت كام من ورايا و هكذا من ورا غيرى يبقى حرام ولا لاء

تاريخ التسجيل : 07/08/2010

عامة ربنا يوفق الجميع

وأنا مش بقول لأي حد يتنازل عن حقه

بس فيه فعلاً زي ما بتقولوا رعاة كتير بيبتزوا الأعضاء بتوعهم

وأنا فعلاً بيمر علينا كتير من المشاكل دي

وزي ما قولت لحضرتك فيه أعضاء كتير بتطالبنا بعمل عضوية معانا علشان يسيبوا الراعي بتاعهم

لكن احنا بنرفض

فبقول ودي مجرد وجهة نظر بعيداً عن نظام الشغل الواضح والصريح

إنه الواحد لو نقل عضويته ممكن برده يروح تحت راعي مش كويس
فالأفضل العضو يهتم بشغله وينمي نفسه وكأنه تحت الشركة بشكل مباشر

أما لو فيه عضو يقدر يحصل علي حقه بأي طريقه طالما هو حقه
فبالتأكيد مش لازم يسيبه

وبتمني التوفيق لكل الأعضاء
وإن شاء الله يكون وش المنتدي حلو عليكم كلكم وتبقوا ليدرات

زي ما كان وشكم حلو علي المنتدي وكبر واشتهر بيكم

بالتوفيق دايماً إن شاء الله

تاريخ التسجيل : 07/08/2010

وأنا حابب أقولك

إن إحنا تحت أمرك في أس سؤال أو استفسار أوأي مساعدة نقدر نعملها

تاريخ التسجيل : 17/04/2011

شكرا على ذوق الجميع معايا هنا فى المنتدى ممكن سؤال ؟؟ 768557

تاريخ التسجيل : 27/01/2011

السلام عليكم

أنا مستغربه جداً إن فيه ناس بتعمل الحاجات الكتيرة اللي بتتقال دي

عامة أنا حابه أسجل إحترامي وتقديري للأستاذ محمد

لأني عملت معاه العضوية هنا في المنتدي
ومن غير ما أعرفه

لكن بصراحة ملقيتش منه غير كل إهتمام ومتابعة وإخباري بالتنشيطات بصفة مستمرة

وكمان لما اشتغلت كويس لقيته من غير ما أطلب منه حط عضويات تحت كودي وقالي هتكوني بداية شجرة كويسة إن شاء الله

وإحنا هنساعدك علي طول في إن تكبري بإذن الله

فأنا حبيت بس أتكلم عن الراعي بتاعي

والحمد لله إن ربنا رزقني براعي كويس

تاريخ التسجيل : 30/03/2011

الحمد لله وجزاه الله عنا كل خير