عندي اقترااااااااح

تاريخ التسجيل : 04/02/2011

السلاااام عليكم
انا عندي اقتراح مش عارفه هل يناسب نظام المنتدى هنا أو لأ

احنا كلنا بنجيب منتجات من الشركة حسب المطلوب لكن بنيجي اخر الشهر واحيانا بنضطر نشتري حجات أكتر علشان نكمل نقط البرنامج المطلوبة

طيب ايه رأيكم لو نعمل لكل محافظة موضوع خاص نضيف فيه بواقي المنتجات الموجوده عندنا ومش محتاجينها لأن ممكن جدا فيه غيرنا يكون عايزها

يعني احيانا يطلب مني حاجه ومش بلاقيها بالشركة او تكون بعد نهاية الشهر ومش موجوده بالكتالوج الجديد وتكون عند غيرنا فحيكون كده فايدة من الناحيتين

ايييييييييييه رأيكم

واحب اشكر جدااا القائمين على المنتدى لأنهم بجد مش بيبخلوا على حد بأي معلومة ودا علمنا وشجعنا إننا كمان نساعد بعض

جزاكم الله كل خير ورزقكم رزقا حلالا طيبااا

تاريخ التسجيل : 05/02/2011

بصراحة اقتراح جميل جدا يا أم هنا بس ممكن يكون صعب لو اكتشفنا ان كل واحدة فينا من محافظة - كده هيكون صعب علينا تنفيذ الاقتراح حتى لو انتي عندك حاجة انا محتجاها وهي موجودة عندك هيكون صعب نتقابل- الاول كل واحدة تقول هي من محافظة ايه ونحاول تنفيذ الاقتراح- انا من محافظة الفيوم- ياريت الاقي حد معايا من الفيوم ونطبق الاقتراح مع بعض
[b]وعلى العموم جزاكم الله خيرا على الاقتراح الطيب

تاريخ التسجيل : 04/02/2011

منا علشان كده بقول لو ادارة المنتدى وافقت على الفكرة نعمل موضوع لكل محافظة للاعضاء المشتركين بالمنتدى هنا

يعني ان امثلا لقيت كذا حد من اسكندرية فنعمل موضوع خاص باسكندرية .. وكذا حد من دمياط او المنصورة او القاهرة يبقى مثلا نعمل موضوع خاص بالمحافظة

وبكده حيكون سهل على الجميع الوصول السهل

تاريخ التسجيل : 09/08/2010

والله ياجماعه الفكره ممتازة جدا لكن لها جوانب كثيره مانتم واخدين بالكم منها

وأنا زمان فكرت فيها لكن لقيت انها هتكون سبب مشاكل كثيرة جدا

وهعرض لكم بعضها من وجهة نظرى وخدوا بالكم دا ماهو كلام دا عن تجربة خاصه وتجربة ناس تانيين

** اولا // كل واحده هتحاول تحقق نقاطها على حساب اعتبارات التبديل وتعمل صداقات مع الاخريات خاصة علشان تحرجهم وياخدوا منها كثير وهيا فى الحقيقة بتستغلهم

** ثانيا // نقطه مهمه جدا جدا لازم الكل يحطها فى اعتباره ان المنتدى مختلط يعنى فيه رجال وسيدات

يعنى ممكن اى حد من ضعاف النفوس يسجل باى اسم ويقعد يعلق ويتناقش ويفضل ورا اى واحده لغاية ما يقابلها على انه عضوة تريد تبديل منتجات ودا ممكن يسبب مشاكل كبيره جدا لناس كتير

** ثالثا // كيف التواصل ونحن نمنع الخاص لتعرضنا مسبقا لمحاولات سرقة الأعضاء ونمنع وضع الروابط والايميلات على العام وارقام الهواتف ايضا ... كل ذلك بسبب سرقة الاعضاء وانتم عارفيين قد ايه الموضوع دا مزعج وبيعملنا احنا كادارة للمنتدى وادارة للمجموعة الخاصه قلق كتير ومشاكل

وعندى اسباب كتير أخرى لكن هكتفى باختصارها فى ال 3 نقاط دى

سامحونى والله انا اتكلمت بمنتهى الصراحه وعندى ثقه انكم هتفهموا وجهة نظرى

وأنا والله أتمنى الفائده للجميع

وأوعدكم انى مع الاستاذ محمد هندرس ترتيب للموضوع دا يشمل كل اعضاء المنتدى بطريقة او بأخرى ان شاء الله

يعنى هنحاول ندور على أى طريقه تنفع لتنفيذ الفكره دى ونضع مثلا أصول معينه او ترتيبات نتفادى بها المشكلات اللى ممكن تحصل

ودا من سبيل الحرص على فائدة الجميع وأنا ما أحب أبدا واحده يتم استغلالها من قبل أخرى أو ان شاب تافه يضع أختنا فى موقف لا تحسد عليه ونكون سبب فى كده فتنفيذ الموضوع دا عاوز ترتيب كبير

واحنا مبدأيا ممكن نعمله للمجموعه الخاصه لأننا عارفينهم واحد واحد لكن برده فى ترتيب وتنظيم واحنا باذن الله هنحاول ننفذه بحيث يشمل جميع اعضاء المنتدى لكن بضوابط

معلش طولت عليكم

اختصار ردى عدم رفض الموضوع ولا قبوله الا بعد التفكير والتنظيم الجيد ووضع ضوابط ان أمكن ذلك والله المستعان

وأنا أشكرك ياام هنا على الفكره الممتازة دى واتمنى ربنا يوفقنا لاسلوب كويس لتحقيقها

تاريخ التسجيل : 04/02/2011

عندك حق في كل كلامك يا فاتن

انا بصراحة مفكرتش فيها كده خاالص .. بس انتي صح :)

جزاكي الله كل خير يا قلبي

وان شاء الله اللي فيه الخير ربنا حيقدمهولنا جميعا

تاريخ التسجيل : 30/03/2011

هي فكره حلوة جدا بس معاكي حق يافاتن في كل حاجه قلتيها
وياريت مع استاذ محمد تفكروا في الموضوع ده للمجموعات الخاصه,حتي لو بنظام من خلالكم او يكون في مندوب هو اللي بيوصل الحاجه من عضو لعضو
يعني ادرسوا الموضوع واكيد هتوصلوا لحل كويس بس فكروا في الموضوع بجد واحنا مستنينكوا عشان هو بجد حلو قوي ومفيد

جزاكم الله خيرا جميعا

تاريخ التسجيل : 09/08/2010

ان شاء الله هنحاول نلاقى للموضوع دا ترتيب باذن الله

تاريخ التسجيل : 03/04/2011

موضوع اروع من الرااااائع ياللا ننتظر قراركم في تأييد الفكره او لا....

ومافي مشاكل ولا اختلافات الشركه اللي حتجيب الطلبيه اذا تعرف انه موجود في الفرع التاني مثلا تقول موجود واذا بتعرف ان مافي تقول غير متوفر وبكذا كأن المندوبه مابتعرف وبدون تأخير للطلبيه ...

******والحل الوحيــــــــــــد التقليل من مجموع النقاط بدل من 600 الى 400 او النقاط المناسبه...

تاريخ التسجيل : 09/08/2010

بصراحه مافهمت قصدك خالص "بنتى نبض قلبى "
ياليت التوضيح؟؟؟؟؟؟؟؟؟؟؟؟