شكوى واستفسار هام استاذ محمد

تاريخ التسجيل : 15/12/2011

يا أستاذ محمد بالنسبة لمنتج صوص الشيكولاتة والشيكولاتة اسبريد.حضرتك معظم اللى خدوه منى اشتكوى .على اساس ان المنتج به الوان صناعة بكمية كبيرة وواضحة جدا والطعم مش حلو زى المنتج القديم .انا مصدقتش الا لما جربتهم وفعلا لما احط البودر على اللبن تظهر الوان خضرا وحمرا واضحة جدا فى اللبن وبتخض فعلا تختفى بعد كده لما توضع على النار .وطبعا حضرتك اى حاجة فيها كاكاو مش محتاجة لألوان صناعية علشان الكاكاو لوحده كافى يلون المنتج نفسه بنفسه .حتى بالصدفة كان عندى عبوة فاضية من المنتج القديم لا يوجد فى تركيبها الوان صناعية مجرد مكسبات طعم فقط وطبعا هى غير ملحوظة فى المنتج القديم .ارجو من حضرتك توصيل هذه الرسالة لادارة المنتجات لان المفروض المنتج لما يجدد .يجدد للأحسن .وطبعا مجموعة الشيكولاتة مش مستحمله .كفاية عليها ارتفاح الاسعار وبالتالى هياثر على الطلب منهم .
بالنسبة للاستفسار حضرتك على المنتجات التالفة .يعنى انا مثلا اخدت من الفرع منتج بكمية كبيرة وهو برفان بس حضرتك بعت واحدة لعميل وبفتح المنتج امامة فوجئت بان الزجاجة مشروخة شرخ كبير من الداخل ادى الى تسريب نصف الزجاجة فى العلبة ولا ادرى بذلك عندما اخذتها من الفرع على اساس ان العلبة متبرشمة بالبلاستك من الخارج دلوقتى ايه موقفى من هذه العبوه المعيوبة .مع العلم انى استبدلتها للعميل بعبوه اخرى سليمة .وبذلك حدث لى خسارة ماديه.ارجو الجواب عليا سريعا.وشكرا لحضرتك.واسفه على الاطالة.