مش عارفه استلم الاورد ازاى

تاريخ التسجيل : 03/10/2012

السلام عليكم

انا دلوقتى عملت عضوبه واخدت الكتالوج بس اخدت معاه ورققه كده صغيرة وواحده كبيرة المفروض اسلمهم انهى ؟ وانا عايزة اروح اجيب اورد ازاى بقى بستلمه وبسلمهم ايه وعشان اخد الخصم وكمان عايزة اعرف جوائز ال 100 نقطه و 200 و300

اه ومين اللى بيحسب النقط انا مثلا حسبت لنفسى النقط بقولهم ازاى انى عايزة اخد الهديه او استفسر او او

اه والخصم بردو بيكون موجود على الفاتورة ولا ازاى

تاريخ التسجيل : 09/08/2010

لا انتى مش بتسلميهم شىء انتى فقط تحتفظى بكود عضويتك المكتوب فى الورقه

لان كودك دا اللى بتتعاملى به مع الشركة وقت الطلب أو صرف مكافآت أو أى شئ يخصك

مثلا محتاجه طلبية واتصلتى بالشحن هتقوليلهم كودك وتطلبى عليه

وكذلك من الفرع لازم الكود

بالنسبة للهدايا فهى على كل 100 نقطة على فاتورة واحده

ولو سجلتى فاتورة ب 200 تاخديهم مرتين

ولو فاتورة ب 300 تاخديهم 3 مرات بمعنى كل ما تكررى 100 نقطة على فاتورة واحده تاخدى الهدايا مره

وطبعا هدايا النقاط محدده فى الكتالوج فى آخر صفحة وهى معطر السجاد والمفروشات بالبنفسج " بدلا من كلينتول المطهر " + كريم معطر للجسم حكاية + كستر

بالنسبة لحساب النقاط طبعا السيستم بيحسبها بالضبط وكذلك الخصم وذلك وقت تسجيل الطلبية

لكن مهم جدا تحسبى لنفسك علشان تظبطى النقاط وما تخسرى الهدايا ودائما تجهزى أوردرك بزياده شوية لان احيانا تلاقى بعض المنتجات غير متوفره فيكون معاكى نقاط زياده تكملى بيها علشان الهدايا

وما تقلقى كل التساؤلات دى هتتحل عندك بمجرد طلب أول طلبية وان شاء الله هتفهمى كل شئ

وأى استفسار تحت أمرك

موفقة يارب

تاريخ التسجيل : 03/10/2012

ميرسى جدا

م. فاتن تعبتك معايا

تاريخ التسجيل : 26/07/2012

بالتوفيق يااااااارب