وهاجيب منين تانى الولد

تاريخ التسجيل : 31/12/2011

وهاجيب منين تانى الولد

وهاجيب منين تانى الولد 953449312

أااااه يا بلد وهاجيب منين ليكى الولد

أه يابلد مبترحميش

أبنى الكبير من كتر همك فى البحر غرقتيه

وأبنى الى بعدو راح المحطه عشان يروح كليته

فى قطر الصعيد ولعتى فيه

أه يا بلد

نزل اخوهم فى الميدان يقول كفايه شبعنا موت

أتاريه نزل علشان يموت

جه الى بعدو وقال يا أمى متخافيش

ده مطش كوره جوه البلد

فى بورسعيد

هارجع يا أمى متقلقيش

ورجعلى فعلاً بس كان جوه الكفن

ورجعت لملمت الجراح وقلت عوضى على الى راح

وبعتلك اغلا ولد على الحدود يحمى البلد

رجعتهولى يا مصر ملفوف فى العلم

اه يا بلد مبترحميش

مش قولتلك سيبى الصغير جوه حضنى عشان يعيش

يمسح دموعى ويواسينى ويقولى يا اما متزعليش

خرج الولد وقالولى راح

جريت ادور على الولد بين الحديد

لقيت القلم جوه الكتاب

اه يا بلد ضاع الولد مفضلش منو غير القلم

طيب قوليلى العيب فى مين

ملعون ابو دية بلد

ولا انا الى مبيعشليش ولد

اه يا بلد متفهميش معنى الولد

اه يا بلد وهاجيب منين تانى ولد علشان يروح

*****************

قطرات من دموع قلمى حزن على ابناء مصر

نونه

تاريخ التسجيل : 09/08/2010

إنا لله وإنا إليه راجعون

تاريخ التسجيل : 16/03/2012

ربنا يصبر أهاليهم ويعدى للبلد بشط الأمان البلد والبيحصل فيها والناس البتحب نفسها بس الهضيع البلد كل متعدى خطوه نقول هانت تطلع حاجات ثانية تخسر البلد وتقلقنا عليها ربنا يستر بس رغم كل ده إنشاء الله ربنا هيحمى مصر إنشاء الله ومعلش نسيت أقولك إحساسك عالى ذى عادتك و حمد الله على سلامتك ياحبيبتى وحشتينى

تاريخ التسجيل : 02/08/2011