اريد ليدر لعمل عضوية جديدة فى ماى واى

تاريخ التسجيل : 27/04/2011

بسم الله الرحمن الرحيم

انا اريد عمل عضوية جديدة فى ماى واى تحت ليدر كريم يقدرنى
انا مشترك بعضوية باسم زوجتى من يوم 20-4-2011
واستطعت بفضل الله عمل 400 نقطة خلال ال 10 ايام الاخيرة فى شهر 4
واستطعت ايضا بفضل الله عمل 1250 نقطة خلال هذا الشهر
فأريد ليدر كريم اشترك معه ليقدرنى وليساعدنى
لو ليدر عايز اشترك معه وهيقدرنى ويساعدنى
يكتب لى فى هذا الموضوع
كيف سيقوم بتقديرى ومساعدتى
مع العلم انى من المنيا واريد المكافاءة ماليا
منتظر الرد من الليدرات

تاريخ التسجيل : 09/08/2010

أنا ليدر الحمد لله لكن معلش اعتذر بشده انى ما قبل نقل العضويات ابدا ولا أحللها لنفسى ولا أشجع عليها داخل المنتدى

فأعتذر جدا لحضرتك

وأنا برده هوضحلك علشان ما تزعلش

ياأستاذنا الكريم احنا بنعتبر هذا سرقة أعضاء ولا نبيح لانفسنا نأخذ عضو حتى لو كان نشيط زى حضرتك ما شاء الله لأن دا رزق وتعب ناس تانيين

فأنا بنصح حضرتك بأنك تتواصل مع لليدر بتاعك وتعرض عليه رغبتك وطلباتك واكيد هو عمره ما هيتأخر عنك

وفيه حاجه بسيطه احب اوضحها لحضرتك

الليدر بيدفع كتير لاعضاءه لان كل التنشيطات اللى بتتعمل فى الفروع والكتالوجات اللى بيحصلوا عليها هو اللى بيدفع تمنها مش الشركه وبتتخصم منه اجبارى وطبعا الاعداد بتكون كبيره

وهنا فى السعودية هما فرعين فلو مثلا حبت اى ليدر تعمل تنشيط خاص بيها فى اى وقت ممكن انها تشترى الهدايا وتتوزع عليهم بسهوله لكن فى مصر الموضوع اصعب لان الفروع كتير والاعداد كبيره وعلى فكره اقل برنامج ممكن نعمله بيكلف فى الشحن والتوصيل قد ثمن الهدايا

ودا ما يمنعش طبعا ان الليدر يحفزمجموعته بحاجات اكتر قدر استطاعته

وخاصة الاعضاء النشيطه اللى يستاهل منهم زى مجهود حضرتك

فأنا رأيى تجرب تتواصل مع لليدر بتاعك أو حتى العضو الراعى اولا

وتفتكر شىء تانى مهم

ان يوم ما ربنا يكرم حضرتك ان شاء لله وتكون ليدر ما تنساش أعضاءك من كرمك وتفهمك لأهمية التنشيطات

وعلى فكرة أبشر مجموعتنا ببرنامج رائع خاص بينا هيكون مفاجأة يونيو ان شاء لله

أنا مش هغلق الموضوع احتراما وتقديرا لحضرتك علشان لو تحب تسأل عن أى شىء
أو تبدى رأيك بصورة مفيده للجميع

لكن انبه على اعضاء المنتدى الكرام أننا نرفض ان نكون وسيطا فى سرقة أو نقل الاعضاء بصورة او بأخرى وأرفض التجاوب مع الطلب عبر المنتدى

وشكرا لكم جميعا

تاريخ التسجيل : 27/04/2011

اولا احب اشكرك على ردك على موضوعى

وواحب اشكرك ايضا على امنتك واسلوب فى الكلام المحترم

ولكن احب اوضح لكى شىء وهو

انه سبب كتابة هذا الموضوع والتفكير فيه

هو عدم اهتمام الليدر بى
وعدم وجود عروض تنشطية خلال الشهر وعدم مساعدته لى فى وضع اعضاء جدد لى او نقاط من عنده
وليس المكافأت والهديا فقط
وغير ذلك ضغط العضو الراعى عليا من اجل اضافة له نقاط
هذه هى الاسباب وراء التفكير وكتابة الموضوع
وليس الهدف منه سرقة اعضاء
ارجو ان تكونى فهمتى وجهة نظرى
وارجو ان ترشدينى ماذا افعل غير اننى اتنقل لليدر جديد
او الغى عضوية زوجتى وادخل بعضوية جديدة باسمى

تاريخ التسجيل : 09/08/2010

أولا لاحقاق الحق هو الليدر مش مسؤول عن ادخال اعضاء جدد تحت اى حد من اعضاءه ولا انه يحطله نقاط من عنده

أقصد انه مش ملزم ولا من مهامه

ثانيا أنا عاوزة اقول على حاجه

انا أول ما بدأت شغلى مع ماى واى كان عن طريق واحده لقيت رقمها وانا ببحث على النت

اتصلت عليها بصراحه كلمتنى كويس جدا وقالتلى اروح الفرع واسجل العضوية لان الشحن ما كانش لسه بدأ عندنا

ورحت الفرع ولقيت كام واحده بيجروا عليا عاوزنى اسجل معاهم لكن طبعا لانى ما اعرفهم ولانى وعدت الست اللى كلمتها سجلت تحتها هيا ولله الحمد
طبعا بعدها برده ما شفتش منها ولا من الليدر اى حاجه الا الوعود فقط

ولا تنشيطات ولا هدايا ولا اى شىء

طبعا انا قلت مع نفسى هعتبر نفسى بدون راعى واشتغل لحالى

والحمد لله اشتغلنا وكونا مجموعة خاصه بينا بنحاول نتقى الله فيهم وفى شغلنا معاهم

وطبعا بقت بتتصل علينا من حين لآخر

فأنا انصح حضرتك بنفس الاتجاه

وعلى فكره من اللى عرفته من تجربتى سواء فى مصر او السعوديه ان اللى بتنقل عضوة تحتها من تحت راعى ثانى بشكل او بآخر ما بتفيدهاش برده الا بمجموعه من الوعود الفارغه وساعه ما بيسجلوهم خلاص كده ولا بيسألوا عنهم برده

يعنى نصيحتى انك لو الراعى بتاعك مش متابعك كما تستحق فأنا انصح حضرتك بانك تعتبر نفسك تحت ماى واى مباشرة وتشتغل على انك بتبنى نفسك وتبنى مجموعة خاصة بيك تنميها وتنجحها بمعرفتك وبفكرك واجتهادك

لكن انك تنقل تحت حد تانى دا شىء زى المغامره وياعالم يكون الليدر الجديد اسوأ من اللى قبله

وبعدين انت تعرف تحدد حجم عملك بنفسك وتسويقك بحيث تنجح مش انك تظلم نفسك بنقاط زياده تركن عندك منتجات وما تربح منها بالشكل الجيد بسبب اجبار من الليدر او غيره

يعنى انا برده مصممه ان نقل العضويه مش حل ولاحظ انك برده بتدور على النت يعنى عن شخصيه مبهمه ما تعرفش هيا كويسه ولا لا

وشايفه انك تشتغل فى مكانك علشان نفسك وتنسى قصة الليدر كأنه مش معاك زى ما عملنا احنا