سلام عليكم

لو سمحتم انا عايزة اعرف حاجة واتأكد منها قبل ما اتصل بفرع الشركة عندنا واسئلهم لأنهم اوقات الخدمة عندهم مبتكونش كويسة وممكن كمان حاجات تكون تنفع ويقولوا متنفعش عشان يريحوا نفسهم ....بصراحة بعانى من سوء خدمة العملا فى الشركة بعض الشئ

المهم السؤال دلوقتى...

انا عايزة اتصل بالشركة تبعتلى طلباتى بالشحن بتاعة الشهر الحالى..........مفيش مشكلة

طيب انا عايزاهم يجبولى معاهم كتالوج الشهر الجاى ..هى دى المشكلة
عشان كتالوج الشهر الجاى لسة منزلش فهيبتعولى الطلبات من غير كتالوج الشهر الجاى ... طيب انا احصل على الكتالوج ازاى ؟؟ ..مع العلم انى عشان ااروح مقر الشركة مش بالساهل دا سفر حوالى اكتر من ساعتين فمش معقول هسافر مخصوص المسافة دى كلها اخر يومين فى الشهر الحالى عشان اجيب كتالوج الشهر الجديد

هتقلولى طيب ما تتصلى بيهم فى اواخر الشهر الحالى وهيكون الكتالوج نزل واطلبى الطلبات والكتالوج يجولك مع بعض .. حل كويس لكن فى مشكلة ...وهو انى لما بطلب الطلبات فى اخر الشهر بلاقى نصها خلص ومش موجود ودا هيخسرنى كتير لما الاقى حاجات كتير من الطلبات مش موجودة وخصوصا انها مش طلبات خاصة بيا دى ببيعها لناس يعنى هتبقى مصدر رزق ان شاء الله فعايزة معاملة تكون كويسة مش الناس تطلب منى الطلبات كل شهر ونصها ميجيش عشان خلصت...واحنا الفرع عندنا دايما فى اخر الشهر بتكون المنتجات معظمها خلصت اطلبها ملقهاش بلاقيها خلصت ...وهى دى المشكلة بجد

طيب اعمل ايه ؟؟؟ ممكن تقلولى على حل بتقدمه الشركة او طرق معينة تحللى المشكلة دى ؟؟؟؟

انا فكرت فى حل لكن عايزة اتأكد منه قبل ما اتصل بيهم زى ما قولتله فى أول الكلام فوق وشرحتلكم السبب

انا عايزة اتصل بيهم مثلا فى اى وقت فى الشهر الحالى مثلا يوم 10 من الشهر الحالى واطلب الطلبية اللى عايزاها لكن اطلب منهم يجهزوها ويحجزوها لآخر الشهر اول ما الكتالوج الجديد ينزل ويبعتوهالى مع الكتالوج ..... فهل دا ينفع فى قوانين الشركة ؟؟؟ولا اتصل بيهم واطلب منهم كدا يقلولى لا مينفعش مادام طلبتى الطلبية دى مينفعش تتحجز وتتأجل

انا شايفة انى بالطريقة دى اضمن باذن الله انى اتصل فى بداية الشهر فهلاقى المنتجات كلها متوفرة وموجدودة واخد كل اللى انا عايزاه وفى نفس الوقت يحجزوهم لحد اخر الشهر لما الكتالوج الجديد ينزل ويبعتولى كله مع بعضه

ايه رأيكم فى الحل دا .... والمهم دلوقتى هل ينفع ؟؟؟؟؟؟؟
قولولى ينفع ولا مينفعش ومن حقى اطلب الطلبية بالشكل دا ولا لأ عشان انا مبثقش فى الموظفين هنا عندنا بحس انهم مقفلين وممكن يوفقفوا المراكب السايرة ...فأنا لو اتأكدت منكم ان طلبى دا ميتعارضش مع قوانين الشركة فهتكلم معاهم بقلب جامد وارد عليهم واقولهم انى متأكدة وكدا اعرف ارد عليهم واتكلم على اساس