منتج مش عاجبنى... نرجو التثبيت

تاريخ التسجيل : 06/11/2010

السلام عليكم ورحمة الله وبركاته
دلوقتى أنا شايف مواضيع بتشكر فى منتجات كويسة طب دلوقتى عايزن نعرف الحاجات اللى مش حلوة لأن فيه أنا أعرفهم بيجربوا المنتج وبيقولولى حلو وناس تانية بيقولو مش حلو خالص
السؤال إيه المنتج اللى جربته وماعجبكش وليه ما عجبكش؟

وبما أن الهدف الأساسى للموضوع هو اكتساب معلومات عن المنتجات
سيتم إضافة المنتجات التى عليها جدل
فسوف أضع المنتج والتعليق عليه والرد المقابل حتى نزيد معرفتنا بالمنتجات
ومن الواضح أن هناك بعض المنتجات اللى عليها شبه إجماع انها مش حلوة مثل

1:ماى فاى
2:مجموعة ريد
3:خلطة البانيه
4:خلطه البشاميل
5:كريم سيلكى تاتش للإزالة (عديم التأثير)

وسوف يظلو هكذا إلى أن يثبت العكس

وهناك منتجات عليها نقاش يعنى بتعجب ناس والبعض الآخر وهم قليلون لم يعجبهم تلك المنتجات لتلك الأسباب

1:مجموعة جدايل
2: معجون الأسنان العناية اليومية
3:شوب المانجه
4:سبراى فك تشابك شعر الأطفال
5:الصبغة
6:البسبوسة (مسوسة)
7:ماسك الزبادى والعرقسوس (بيعمل التهابات)
8: مزيل عرق لاتيه (مالوش ريحة)

وسيتم تعديل الموضوع على حسب التعليقات التى سيكتبها الأعضاء رداً على انتقادات الأعضاء الآخرين
ملحوظة هامة: الموضوع فقط للشكوى من المنتجات الغير جيدة وليس لإبداء الإعجاب وهناك مواضيع أخرى لهذا الغرض

تاريخ التسجيل : 06/11/2010

أنا شخصياً شايف ان معظم البرفانات والمكياجات مش على المستوى وفيه شامبوهات معينة وحاجات اسعارها زيادة عن اللى تستاهله

تاريخ التسجيل : 29/04/2011

[b]فعلا فى منتجات كتيره ناس ما عجبتهاش زى معجون الاسنان العنايه اليوميه و والمكياجات مستواها ردئ جداومشكله البرفانات ان معظمها خفيفه مش بتثبتلكن فى المقابل بتشترى منظفاتها وانت مغمض

تاريخ التسجيل : 03/01/2011

بسم الله الرحمن الرحيم

السلام عليكم ورحمه الله وبركاته
الموضوع فكرته حلوه بجد

علشان برضه منجبش حاجه لحد واحنا عارفين اناها وحشه

انا رايي وعن تجربه
ان اسوء حاجه في ماي واي
المكياج

ويلغوه احسن

وبرضه الماي فاي
وحشه جدااااااااااااااا

وشوب المانجه برضه وحش

غير كده كله مستواه بين الممناز والمتوسط

سلام عليكم

تاريخ التسجيل : 07/08/2010

طبعاً فيه منتجات كتيره مش بتعجب كتير مننا

لكن لما نذكر إن منتج مش عاجبنا

ياريت نحدد عدم إعجابنا بيه بس

ومش نقول عنه وحش علي وجه العموم

ومع إن فيه منتجات مش حلوة فعلاً خالص

لكن الأذواق بتختلف

يعني البرفان اللي انت مش بتحبه التاني بيحبه والعكس

وكمان المأكولات

يعني أ/ إيمان ذكرت شوب المانجو ووصفته بإنه مش حلو
بالرغم من إن فيه ناس كتير جداً بتحبه وبتطلبه مني
لدرجة إن آخر مرة كان عرضه 1+1 جبت منه 20 عرض

وكمان الأعضاء اللي كتبت قبل كده
كانت بتذكر رأيها الشخصي أو رأي بعض عملائها في المنتجات
وكمان بتذكر المنتج الكويس اللي عجبها والمنتج اللي معجبهاش

الهدف
مش عايزين نركز علي إظهار المنتجات بصورة سيئة
علشان ممكن عضو جديد يدخل علي هذا الموضوع فيحس وقتها إن المنتجات كلا مش كويسة ةتعمله إحباط من قبل ما يبدأ أصلاً

ياريت كل واحد يكتب رأيه في أحلي المنتجات اللي عجبته وأكتر منتج معجبهوش

بالتوفيق لجميع الأعضاء

تاريخ التسجيل : 30/03/2011

موضوع حلو وان شاء الله نذكر بس اسم المنتج بدون تعليق
وكده كده ده رأي فردي وبيختلف من شخص لشخص

تاريخ التسجيل : 09/08/2010

أولا الموضوع من وجهة نظرى قيم جدا وقد يكون مفيد للكثيرين

لكن عندى بعض التحفظات وبعض التعليقات

اولا أتحفظ على ذكر المنتج بشكل عام مثل البرفانات مثلا نقول عنها مش حلوة

رغم ان دى مسألة أذواق وأتمنى اللى يقول يحدد مثلا العطر اللى ما ناسبش ذوقة لان العطور ماهى متشابهه

وبترضى أذواق عده منها الهادى ومنها التقيل الفواح

والدليل على ان عليها اقبال شديد وبتخلص بسرعه جدا من الفروع وعلى فكره كمان عنددنا عطور كثيره جدا ثباتها ممتاز زى الفيحاء وصبايا وليتيه وغيرهم

وكمان ننظر للسعر ياجماعه العطر ب 20 جنيه وب 30 جنيه احنا زمان كنا بنجيب العطر ب 200 جنيه والله ما كنا نخرج بريحته حتى من باب الغرفه عطور خفيفه جدا جدا رغم غلاءها وأن كان يليق الامر بذكر الاسماء والشركات لذكرتها وقلتلكم جربوا لكن طبعا ما ينفعش التعرض لاى حد ودى برده أذواق

فمثلا ياريت اللى يذكر شىء يقدر باقى وجهات النظر مثلا بيحب العطر الهادى يقول انا افضل شذى ومش بحب الفيحاء لانه تقيل وغيره هيقول انا بفضل الفيحاء على شذى للسبب ........ وهكذا

وبرده الشامبوهات مثلا تختلف من فرد للثانى فمثلا قابلت ناس يحبوا جدا جدا شامبو الثوم ويستعملوه بشكل مستمر ويقولوا مافى أحسن منه

وبرده ناس تانيه تقول شامبو اللبن والعسل افضل منه

يعنى دى ناسبها الثوم والثانية ناسبها اللبن والعسل

** أما تعليقى فهو من حيث الكلام عن المكياجات فى ماى واى

بالنسبة لمجموعة ريد ياجماعه فان شاء الله هتتحجب قريبا ومش هتنزل تانى وهتنزلنا ماى واى بدلا منها مجموعة رااااااااائعه جدا جدا اسمها بيرلى هتعوض كتير قوى قصور المكياج فى ماى واى وهتكون اقيم واشيك وطبعا بجوده عاليه

أما ريد المتوفره حاليا فشكلها صحيح مش قوى لكن فيها حاجات حلوة زى ماسكرا ريد ممتاااااااازة جدا جدا

وما تقلقوش مش بس المكيا ج اللى هيتطور فى ماى واى
لااااااااااا حاجات كتير هتتغير ان شاء الله

*** أم المأكولات والمشروبات فهى برده اذواق يعنى مثلا أنا بحب الارز باللبن والكريم كراميل والايس كريم وخلطة الدجاج وخلطة السمك وخلطة الكبسة وحاجات كتير

ومثلا بحس ان مشروب السحلب غالى شوية ورغم ذلك عندى ناس تحبه جدا وتقول مش زى اللى بره

يعنى يبقى الأمر بين وجهات النظر المختلفه

** أتمنى يثمر هذا الموضوع عن نقاش مفيد للجميع ويكسبنا كلنا خبرات تساعدنا فى نصح العملاء اللى بنتعامل معاهم

وربنا يوفق الجميـــــــــــــــع

تاريخ التسجيل : 04/02/2011

انا معاكم جدا في الكلام دا

يعني انا عن نفسي مش بتعجبني اوي ريحة برفان جولدن تاتش .. في حين جولدن تاتش دا عن ناس تانهية لقيته هو الافضل عندهم

الميل فاي فيه ناس معجبتهومش .. في حين ان انا عجبتني جدا

ماكياج ريد فيه ناس مش مقتنعه بيه في حين ان عجبني الماسكرا والاي لاينر والليب جلوس

شاور عنبر مش بيعجبني .. لكنه المفضل عند ناس تانية اعرفهم

وهكذا فعلا الموضوع يرجع للأذواق الشخصية

تاريخ التسجيل : 28/06/2011

مزيل عرق سوبرايت مش حلو

لكن شامبو كليوباترا والزيت تحفه عن تجربه انا مش بستعمل غيرة

حاجات ماي واي الصراحه اجيبها وانا مطمنه

تاريخ التسجيل : 28/06/2011

مزيل عرق سوبرايت مش حلو

لكن شامبو كليوباترا والزيت تحفه عن تجربه انا مش بستعمل غيرة

حاجات ماي واي الصراحه اجيبها وانا مطمنه

تاريخ التسجيل : 27/06/2011

السلام عليكم
راى هو ان الموضوع دا اذواق فعلا بدليل انى انا ساعات بستخدام اشياء
وبتعجبنى جدااا وابقا طير بيها ولمة انصح بيها حد واجبها يقولى لا مش قد كدة
الى بيعجبنى فى الشركة بصراحة المكولات والمنظفات والشاور هايل بعيد عن عنبر
لان راحتو زى البخور بس عندى عملاء بتعشقة وبتطلبوا كل شهر
وربنا يوافق الجميع واللهم ارزاقنا وارزقككم

تاريخ التسجيل : 06/06/2011

انا باة محبتش كيك الباباز ولا البودرة المعطرة اشراقة لكن طبعا فى حاجات كتير تانى حلوة اوى

تاريخ التسجيل : 02/07/2011

انا بئى مشكلتى مع البرفانات
بتجيلى حساسيه رهيبئه منها وبتحرق ايدى لو حطيت منها
ليه مافيش روائح زى الخوخ التفاح الورد
وتبئى طبيعيه اكتر مافيهاش المواد الى بتسبب حساسيه انا نفسى فى كده اووووووووى

تاريخ التسجيل : 06/11/2010

بسم الله الرحمن الرحيم
أولاً أتمنى ان الناس اللى تتكلم على منتج انه مش عاجبهم يقولوا السبب بالتحديد لأن هدف الموضوع الرئيسى هو إفادة الجميع وبالطبع قد يكون الرأى غير دقيق وغير سليم لأن كل شخص سيعبر فقط عن رأيه الشخصى وقد يكون المنتج جيد لكنه لا يعجب شخص بعينه وهذا رأى
ولكن عندما يكون هناك إجماع على منتج بعينه فهنا ستحدث الفائدة للجميع وهى الطريقة السليمة لتبادل الخبرات
وأخيراً لن يضر هذا الموضوع بسمعة الشركة أى شىء من هذا القبيل لأن الشركة منتجاتها رائعة وهذا بشهادة الأغلبية وهى ناجحة لا شك فى ذلك

تاريخ التسجيل : 06/06/2011

انا جربت خلطة البانيه بالبقدونس والثوم معجبتنيش اولا حادقة جدا وبتقع من على الفراخ وطعمها مش اد كدة

تاريخ التسجيل : 06/11/2010

فيه نوع شامبو اسمه كوبرا والزيت أو الفيتامين بتاعه برضو الناس اللى عندى مش بتشكر فيه خالص وبيقولو ان الزيت بينشف الشعر ؟؟!
حد عنده معلومات عن المنتج ده؟

تاريخ التسجيل : 06/07/2011

أنا رأيي أن فعلا في حاجات ترجع للزوق و لولا اختلاف الأزواق لبارت السلعة .
بس برضوا الوحش لا يختلف علية أثنين مثلا مجموعة جدايل كلها وحشة جدا خصوصا مع الشعر المصبوغ لما أستخدمتها كان بعد الحمام شعرب الناعم أصبح ليفة .
و مش أنا بس 3 من صديقاتي قالوا نفس النتيجة .
أما البرفانات صراحة كلها حلوة خصوصا ميسم و كلاسيك بس بشكل عام مشكلة البرفانات في البخاخ بتعهابيعطل كل شويى .
أما المنظفات و الكيك تحفة ممتاز و طبعا الشور ممتاز

تاريخ التسجيل : 29/04/2011

السلام عليكم
بصراحة ياجماعة انا شايفة ان الشركة بتدينا الهدايا
اللى مش بتتباع او مش شغاله اوى
فبنطر اننا نستعملها لانها بتكون غالية ومش بتتباع
علشان كدة انا جربت شامبو كوبرا
مع ان الزجاجة شكلها صغير وماتشجعش ان حد يشتريها
بس بصراحة هو شامبو حلو اوى وشوية صغيرة منه بتعمل رغوة كتيرة ومش بستعمل كريم بعد غسل شعرى وبيكون طرى وناعم
اما عن البرفانات الخفيفة
ادوها فرصة تتعتق مش اول ما ناخدها من الشركة نستعملها
منتج مش عاجبنى... نرجو التثبيت 870665

تاريخ التسجيل : 23/05/2011

على فكرة هي حكاية اذواق يعني في ناس قالت الميل فاي وبودرة اشراقة وحشين لكن معايا الناس بتشكر فيهم خالص وناس كتير بتطلبهم وبيطلبوا من اصحابي كمان

تاريخ التسجيل : 17/07/2011

السلام عليكم ورحمة الله وبركاته

اولا بحيكم على اثارة مووضع زى ده

وملم بجوانب كثيره
وزى ما كثير ذكر ان فى فعلن حجات ويسه وحجات مش قد كده

بصراحه فى حجات كتير محتاجه تعديل

يعنى بالنسبه للبرفنات

انا بيعجبنى انواع كتير منها وبجد فى مجموعه حلوه اوى بس عيب كل برفنات ماى وى حاجه وحده

انها مش بتثبت شويه خفيفه جدا ممكن ديتها ربع ساعه ولونه رحتها جميله

بس لما حد بيكلمنى برد انها السعر بسيط وفى متناول ادينا جميعا

وزى ما الادمن فاتن قالت

على مجموعه ريدى بجد مش حلوه
انا شخصيا استعملت منتجات كتير من الشركه استعمال خاص بيا
المسكره عيبها ان اى به ميه تنيل الدنيا

فا بجد نامل ان يكون فى مجموعه جديده جيده عنها

بالنسبه با للبقسماط و خلطة الدجاج انا مش بقطعها ولا هيا ولا العصير بجد حلوين
التفاح بالاخص
بس فى مشكله بالنسبه للبرتقال والمانجو طعمهم حلو بس عبهم بعد ما بيتصب بيعمل ريم ابيض على وش الكوب
مش عارفه ايه السبب

انا اسفه لو طولت الكلام بس النقض ده بيفدنا فى اننا ممكن نعدل حجات وناخد بلنا من حجات تفدنا فى شغلنا

منتج مش عاجبنى... نرجو التثبيت 347704

تاريخ التسجيل : 01/07/2011

السلام عليكم ورحمة الله وبركاته :يا جماعة لولا اختلاف الاذواق لبارت السلع/ مش كده و الا ايه؟؟؟؟؟؟؟؟؟؟؟يعنى مش لازم اللىيعجبك يعجب كل الناس و مش لازم اللى ما يعجبكش ما يعجبش كل الناس برضهو ربنا يوفقنا جميعاو السلام عليكم ورحمة الله وبركاته

تاريخ التسجيل : 28/06/2011

السلام عليكم ورحمة الله وبركاتة
انا بحب اخد راىء كل الناس اللى بتشترى منى فى الحاجات اللى بياخدوها
بالنسبة للمنظفات كلها رائعة بلا استثناء
باور التواليت
باورمذيب الدهون اكثر من رائع
باور الاتوماتيك ممتاز
شلمبو السجاد
منتجات كلينتول
اللهلوبة
معطر الاثاث وخصوصا فى الشركات والمكاتب عشان رائحة السجاير تحفة
منظف الاثاث
الصابون السائل
مجموعة كلين كلها
حقيقى كلها جميلةسعرها برضة حلو والعروض بتاعتها مميزة
اما البرفانات رائحتها جميلة جدا ولكن بتطير بسرعة بس انا دايما بقول للعميل على قد ثمنها
اما الكيك هو حلو جدا بس المشكلة فى سعره زى كيك الشيكولاتة غالى شوية وكيك البرتقال عليه اقبال كبير
العصير حلو اوى وخصوصا التفاح مطلوب جدا
الخلطات حلوة بس خلطة السمك ما عجبتنيش حسيت انها غيرت طعم السمك
منتجات حسناء عجبت ناس وناس تانية لا
يوجد اسبراى لفك تشابك الشعر للاطفال فى ناس اخدته و قالت انه بينشف الشعر
الكريمات حلوة جدا جدا وخصوصا اوتو بحس ان الناس بتاكله من كتر مابيطلب منى
والشاورات لا خلاف عليها باستثناء شاور جت فريش الازرق بيقوله انه ريحة الصابون العادى
بس فى النهاية الشركة منتجاتها حلوة وفى متناول الجميع والعروض جذابة جدا
ادعوا الله لى بالتوفيق وسعة الرزق

تاريخ التسجيل : 20/07/2011

مساء الخير
انا لسه مستجدة في شراء منتجات الشركة
ومجربتش منها غير حاجات بسيطة
وبصراحة حلويين
انا جربت برفان تندر وسواريه وكابلز رجالي
وشامبو اطفال وشاور جيل اطفال وجل الشفاه اطفال
بصراحة كله حلووووو
بس اللي عادي البودرة محستش انها حلوه
بس ع وجه العموم الاقبال الشديد ع الشركة كفيل انه يقيمها
واضج الاقبال عليها في الشارع المصري كله عارفها وكتير مجربها
وواضح من النت الاقبال عليها
مع اني مش عارفة اشترك ولا عارفة اوصلها في المنصورة لكن واضح انها حققت اهم ميزة فيها وهي
انها في متناول يد الجميع بالنسبة للناحية المادية
وفعلا موضوع جامد
وطرح مميز

تاريخ التسجيل : 07/08/2010

بنرحب بحضرتك معانا
وتسجيل العضوية لحضرتك أمر سهل وبسيط جداً إن شاء الله

نتمني منكي ملأ استمارة العضوية علي الرابط التالي

http://www.emailmeform.com/builder/form/kNp07i4E85744rv2c7afW

وإن شاء الله سوف يتم الإتصال بكي لتسجيل العضوية لكي
في ماي واي

وبالتوفيق بإذن الله

تاريخ التسجيل : 19/02/2011

الصبغه مش حلوه خاااااااااااالص وكمان الصبغه المؤقت اللى زى صباع الروج مش حلوه خاااااااااااااالص واجماع على كده وبنطلب من الشركه انها تشلها