منتج مش عاجبنى... نرجو التثبيت

تاريخ التسجيل : 06/11/2010

تذكير بمساهمة فاتح الموضوع :

السلام عليكم ورحمة الله وبركاته
دلوقتى أنا شايف مواضيع بتشكر فى منتجات كويسة طب دلوقتى عايزن نعرف الحاجات اللى مش حلوة لأن فيه أنا أعرفهم بيجربوا المنتج وبيقولولى حلو وناس تانية بيقولو مش حلو خالص
السؤال إيه المنتج اللى جربته وماعجبكش وليه ما عجبكش؟

وبما أن الهدف الأساسى للموضوع هو اكتساب معلومات عن المنتجات
سيتم إضافة المنتجات التى عليها جدل
فسوف أضع المنتج والتعليق عليه والرد المقابل حتى نزيد معرفتنا بالمنتجات
ومن الواضح أن هناك بعض المنتجات اللى عليها شبه إجماع انها مش حلوة مثل

1:ماى فاى
2:مجموعة ريد
3:خلطة البانيه
4:خلطه البشاميل
5:كريم سيلكى تاتش للإزالة (عديم التأثير)

وسوف يظلو هكذا إلى أن يثبت العكس

وهناك منتجات عليها نقاش يعنى بتعجب ناس والبعض الآخر وهم قليلون لم يعجبهم تلك المنتجات لتلك الأسباب

1:مجموعة جدايل
2: معجون الأسنان العناية اليومية
3:شوب المانجه
4:سبراى فك تشابك شعر الأطفال
5:الصبغة
6:البسبوسة (مسوسة)
7:ماسك الزبادى والعرقسوس (بيعمل التهابات)
8: مزيل عرق لاتيه (مالوش ريحة)

وسيتم تعديل الموضوع على حسب التعليقات التى سيكتبها الأعضاء رداً على انتقادات الأعضاء الآخرين
ملحوظة هامة: الموضوع فقط للشكوى من المنتجات الغير جيدة وليس لإبداء الإعجاب وهناك مواضيع أخرى لهذا الغرض

تاريخ التسجيل : 09/08/2010

مع احترامى لآرائكم ياجماعه

والله مجموعة الجدايل فى منتهى الجمال وبتمشى مع ناس كتير جدا

حتى فى السعودية عليها اقبال غير عادى

وكان مشترك معى عضوة بتسجل دكتوراه فى قسم الفيزياء والطبيعه فى بريطانيا واتصلت عليا مخصوص تطلب منى 10 مجموعات جدايل علشان تكفيها مدة سنه اللى بتقعدها على ما تاخد أجازة وترجع المملكه تانى

وبتشكر فيها بشكل غير عادى وبتقول انها وزميلاتها هناك اشتغلوا على تركيبة المجموعه ووجدوها كلها مستخلصات خفيفه ومفيده جدا لنمو الشعر وتغذيته وردها موجود فى موضوع قديم من موضوعات كتالوج السعودية وان شاء الله هشوفه واضيفلكم الرابط تقرؤوه بنفسكم

وكان نازل عليها مجموعة هابى هير الشامبو والزيت فى العرض اللى هى أخذته وبرده عجبوها جدا جدا
ومش دكتورة وفاء فقط لا ناس كتير جدا

وكان معى ناس عندهم محلات عطاة كبيره وكانوا بياخدوها من ماى واى ويعلوا فى أسعارها بشكل غير عادى وكنت بقولهم كده كتير يقولوا الجدايل لو سويناها ب 300 ريال برده هتتباع

وممكن ما تناسبش نوع معين من الشعر فدا عادى جدا لان كل شعر له طبيعته لكن دا ما يمنعش تركيبتها الممتازة وجودها العاليه

** أما الكوفر ستيك والصبغه احب أقول فيهم شىء مهم جدا
الناس فاكره انهم للشعر العادى لكنهم لصبغ الشيب

بمعنى ان الصبغه أفضل نتائجها لما يصبغ بها الشعر الابيض
وكذلك الكوفر ستيك اللى هو يشبة قلم الروج فدا لتغطية مؤقته للشعر الابيض وبرده دا كويس جدا ومعروف انه شىء مؤقت يعنى بيطلع بالشامبو

وعلى فكره مفيد جدا مع الناس الى الصبعه بتوقع شعرهم أو مش بيحبوا يثبتوا لون واحد فتره كبيره أو الناس اللى بتعدل بيه الفرق بين نمو الشعر المصبوع والشعر البيض اللى بيظهر

ويمكن الكوفر ستيك مالهوش شعبيه فى مصر جامده قوى علشان كده الناس مش عارفه قيمته بجد
لكن فى السعودية انتم عارفين انهم محجبات كلهم ومش بيظهروا شعرهم الا فى الحفلات النسائيه المضمونه وطبعا منهم الستات الكبار علشان كده هو مهم بالنسبة لهم جدا خاصة اللون اللى عليه اقبال غير عادى هو اللون البنى منه وأول منتج بيخلص من أآ شحنه بيوصل فيها

ومزيل سوبرايت برده ممتاز جدا

** أما بالنسبة للماى فاى ومجموعة ريد فأنا معاكم

الماى فاى مش بحبها برده ومع ذلك عندى ناس كتير بتطلبها

ومجموعة ريد مش قوى والشركه وعدت بانها هتنزل مجموعه احلى منها بكتير اسمها بيرلى واحنا فى انتظارها

الا الماسكرا هى اللى هتفرق لانها فعلا حلوة

وخدوا بالكم انها مش مائية يعنى لازم تسيح لما تغسلى وشك ودا شىء عادى مع اى ماسكرا مش مائيه

تاريخ التسجيل : 09/08/2010

اتفضلوا ياجماعه دا رد دكتورة وفاء " أم أحمد رمزى " وبعد الرد هتركلكم رابط الموضوع

ام احمد رمزي كتب:: السلام عليكم ورحمة الله وبركاته

حابة أشاركم اليوم بس بطريقة ثانية

راح أشاركم بصفتي عميلة لشركة ماي واي

ومن واجبي اشهد لمنتجاتها

انا من فترة طويلة وانا أعاني من شعري تساقط

وبهتان وشعري ميت كثير

مابقى شي ما جربته لا طبيا ولا شعبيا من زيوت وأعشاب

لكن ما لقيت نتيجة ابدا.....

كنت لمن استخدم زيت....يزيد التساقط

ويتدهور شعري بدل ما يتحسن

لكن بفضل الله ونعمه علي...انه ارشدني لمنتجات شركة ماي واي

منتجات رائعة جدا بل اكثر من رائعة

منتجات طبيعية مية المية

انا بحكم خبرتي الاكاديمية...ودراستي ولله الحمد الدكتوراة

خلاني اقيم الامور علميا....يعني ما اقول ان المنتجات طبييعية الا لمن شفت مكوناتها
فكمثال انا استخدم مجحموعة الجدايل....وتبع المجموعة فيتامين مركز

عبارة عن زيت جنين القمح مع فطرات زيت اكليل الجبل (او الروزماري) واللي معروف بتاثيراته الخرافية على الشعر

انا سالت وحدة في بريطاينا عن شي يساعد على تخفيف التساقط ودلتني على الطريقة

فاكدت لي ان المنتجات مو عادية منتجات راقية جدا جدا

انا لسة ما جربت كثير من المنتجات لكن ماراح اتسوق مستقبلا الا من هالشركة باذن الله

ودا رابط الموضوع
https://newmyway.alafdal.net/t95-topic

طبعا ردها يخص مجموعة الجدايل بصفه خاصه

تاريخ التسجيل : 24/03/2011

على فرة فعلا مجموعة الجدايل اكثر من رائعة
وكمان بالنسبة لمجموعة كليوباترا الشامبو والزيت
فالزيت ده عبارة عن فيتامين انا عن نفسى مش بستخدمه اساسى زى الزيت بستخدم زيت الجدايل والفيتامين ده بحطه اما شعرى ينشف عشان بيغذى الشعر وبيتقله وهى فعلا حكاية ازواق مش اكتر

تاريخ التسجيل : 02/03/2011

كل منتج ولهو محبينه و لولا اختلاف الاراء لبارت السلع

انا مع الاستاذة فاتن في المنتج اللي عليه الطلب كثير كوفر استيك لتغطيه الشعرخاصه ًاللون البني بس مااحصله بيخلص بسرعة مش بس للستات الكبار.. لانه بصراحه عملي جداً فأتمنى استاذة فاتن تكثروا منه واتمنى يكون في الكتلوج الجديد تبع السعوديه لان طالبينه مني من زمااااااااااااااااااااااااااااان .. اذا بتلغوه في مصر بس السعوديه لالالالالالالالالا
اللي مش عجبني عطر ويسبر بس ريحته مش حلووه

تاريخ التسجيل : 16/07/2011

السلام عليكم
بجد والله جزاكم الله الف خير على المنتدى الاكثر من رائع
استفادت منه كتير
بس معلش استاذه فاتن عندى استفسار هو نفس المنتجات فى مصر هى هى فى السعوديه
من حيث الخامه والجوده؟

تاريخ التسجيل : 09/08/2010

أيوة هى هى نفس المنتجات ما عدا المنتجات اللى موجوده هناك وماهى هنا مثل مكياجات كاجال و كارلا

تاريخ التسجيل : 01/07/2011

mira كتب:: مساء الخير
انا لسه مستجدة في شراء منتجات الشركة
ومجربتش منها غير حاجات بسيطة
وبصراحة حلويين
انا جربت برفان تندر وسواريه وكابلز رجالي
وشامبو اطفال وشاور جيل اطفال وجل الشفاه اطفال
بصراحة كله حلووووو
بس اللي عادي البودرة محستش انها حلوه
بس ع وجه العموم الاقبال الشديد ع الشركة كفيل انه يقيمها
واضج الاقبال عليها في الشارع المصري كله عارفها وكتير مجربها
وواضح من النت الاقبال عليها
مع اني مش عارفة اشترك ولا عارفة اوصلها في المنصورة لكن واضح انها حققت اهم ميزة فيها وهي
انها في متناول يد الجميع بالنسبة للناحية المادية
وفعلا موضوع جامد
وطرح مميز

اهلا بيكي يا جميل

تاريخ التسجيل : 27/09/2011

انا جربت المانجو و هو فعلا جميل جدااااااا
اما المكياج مكنش متوفر كتير
بس جربت ماسكرا بيرلى للتكثيف رائعه
و لوس اى شادو تحفه
و فيه برفانات كتير حلوه مثلا حريمى فيه
كابلز - ليتيه - بينك - جولدن تاتش
و خصوصا بينك دى بتطلب كتير جدااااااااااا
و اعتقد لولا اختلاف الازواق لفسدت البضاعه
فدى بتبقى عمليه تقديريه لكل واحد ممكن اللى يعجبنى ميعجبش حد غيرى

تاريخ التسجيل : 28/05/2011

السلام عليكم و رحمة الله وبركاته
انا مشتركه في ماي واي من حوالي سنه ومن خلال الفتره دي قدرت اقيم منتجات من اراء اللي بيخدوها
اولا البارفانات.....بتختلف حسب ازواق الناس ودرجه ثباتها مش كلها ثباتها ضعيف وللعلم في ناس كتير بتاخد ولكن المشكله في البارفانات دائما البخاخ بيقع منها بس في المجمل البارفانات بالنسبه لاسعارها تحفه
ثانيا ....المنظفات تشتريها وانت مغمض بدون استثناءومجموعه بريز وكلينتول واللهلوبه تحفه
ثالثا ...الشامبوهات والكريمات والزيوت للشعر تبقي تستعمل حسب نوع الشعر واللي حلو معاكي مش شرط حلو ليا فدول فيهم اختيار حسب نوع الشعر والكوبرا وجدايل وكليوبترا حلوين وعجبوا ناس كتير
رابعا.....الماكولات برضه اوزاق انا شايفه ان خلطه البانيه تحفه وكتير من اللي حواليا عيبها انها بتبقي حادقه فبخففها بشويه دقيق .الكيكات كلها ممتازه بشهاده كل اللي اخدوها وبرضه الحلويات الشرقيهوالعصير دا اذواق اما الخلطات ففي ناس عجبتهم وناس لا يبقي الحكايه اذواق برضوا
خامسا.....المكياج فريد كان حلو فيها الاي لاينر والماسكرا كانوا مطلوبين جدا والروج دايما الدرجه اللي في الكتالوج غامقه عن اللي ؤبتيجي وكوفر ستيك كل اللي اخده قال مش حلو ..واليب جلوس كان تحفه وعجب الكل مش عارفه الشركه وقفته ليه..
سادسا...كريمات البشره مجموعه بن سينا تحفه ومجموعه سوبرايت لازم تختاريها تناسب نوع البشره
سابعا .الشورات بجميع انواعها تحفه واحلي حاجه الشركه عملتها الحجم الصغير منها
ثامنا ...مجموعه الاطفال ممتاز فيها جل الاسنان وبيبي زنك تحفه وشامبوا اللافندر
يعني الشركه بنسبه كبيره جدا منتاجتها ممتازه بالنسبه للاسعار وبرضه بنتمني من الشركه انها تتطور نفسها كمان وكمان ويريد التطوير زي ما بيوصل للمنتجات يوصل للسيستم اللي بشتغل
اسفه ان كنت طولت عليكم اصلي رغايه شويتين تلاته

تاريخ التسجيل : 22/08/2011

بالتجربة والاذاق تختلف ايضا

المكياجات ربنا يخدها من الشركة

مفيش حد خدها منى الا

الا المساكرا واى لينر

رغم عدم توفره بالفرع

والبرفان اغلبه كويس

واللى خفيف فيهم انا روحت لمحل عطور وعرفنا دى عطر ايه

وتم وضع عطر خام عليه لزيادة رائحته

الا الفيحاء فهى نفاذة جدا

وكريستال هاية بس طيب كده جدا

بالنسبة للموكلات انا جرب الجيلى وايس كريم وبسبوسة

ومعظم الكيك وكله تحفة

المنظفاااااااات بدون تعليق ممتااااااااازة جدا جدا

المعجون بالقرنفل اعشقه جدا

شامبو الكوبرا وفتامينه تحفة تحفة

والاروع منه كليوباترا

ماكثر من ممتاااااااااااااااز

والجدايل برده كويسة بس الناس مشكلتها انها رخيصة وعايزة غالية

فبحتار اعمل ايه معهم

ماسك الزبادى تحفة

وتحياتى للجميع

تاريخ التسجيل : 19/09/2011

بصراحه موضوع كويس جدا

بس بصراحه انا قبل ما اشترك فى ماى واى كنت بشترى منها

بس بصراحه مافيش حاجه اشتريتها وجربتها بجد ولاقيتها وحشه

سواء كانت بعض البرفانات او من اى المنتجات اللى موجوده لازم قبل ماحد يشترى يشوف اللى يناسبه علشان ممكن تكون

الحاجه مش بتناسبها وتقول ان العيب فى الحاجه اللى اشتريتها فبجد لازم قبل ما اى واحده تختار حاجه تشوفه هاتناسبها ولا لآ

منتج مش عاجبنى... نرجو التثبيت - صفحة 2 649998

منتج مش عاجبنى... نرجو التثبيت - صفحة 2 649998

تاريخ التسجيل : 22/08/2011

بصراحه توبيك جامد جدااااااااا
وانا استفدت منه كتييير اووووى
لانى جديده ف الشركه ومش استعملت حاجات كتير

تاريخ التسجيل : 09/10/2011

السلام عليكم ورحمة الله ربركاته
أنا بشتري دايما لابني مهلبية أرز باللبن والكريمة بيحبها واخر مرة اشتريتها تاريخ انتاجها 21 8 2011
عملت علبة وكانت كويسة والتانية لقيتها مليانة دود صغير بطريقة فظيعة اما وضعت البن الدود ظهر عالوجه صغير وكتير اوي بصراحة المنتج والله كان عاجبني وطعمه حلو بس للأسف معدش عندي ثقة في اي منتج مع العلم ان اللي بتجيب بالعضوية اشتريته وجابته لي علطول والله ما دخل بيتها ومن يوم ما جبتهم وهم في التلاجة
والله ما كنت عاوزة أضع الموضوع هنا وبعت رسالة خاصة لقيتها ممنوعة وما رضيتش اعمل موضوع عشان ما يبانش لكن ياريت يبقى في اهتمام شوية بالذات في المنتجات الغذائية للأطفال ولو الادارة قرأت الموضوع ياريت تمسحوه عادي لاني والله ما كنت حابة اكتبه

تاريخ التسجيل : 02/08/2011

الاخت ام بوسف بعد اذن حضرتك المنتجات فى الشركة مش بتلحق تقعد عشان تدود
او تتلف زى ما بتقولى اكيد ده حضرتك كان موجود بجانب حاجة تالفة اصلا لان تاريخ
الصلاحية لسه بادئ واول مرة بصراحة نسمع عن منتج مدود مع الاعتذار لحضرتك اللى
جابت المنتج يا اما كان عند حد مركون على الرف او جنب منتج مدة صلاحيته منتهيه و
معلش ماتقنعنيش ان ده من الشركة مباشرة عليكى ربنا عرفوه بالعقل اكرر اعتذارى
لكن اى حد اذا سالتيه بصراحة هيقول ده كلام مش معقول!!!!!

منتج مش عاجبنى... نرجو التثبيت - صفحة 2 384355

منتج مش عاجبنى... نرجو التثبيت - صفحة 2 384355

تاريخ التسجيل : 28/07/2011

السلام عليكم ورحمة الله وبركاته
أحب طبعا اشارككم في الموضوع دة بصفتي عضوة لماى واي
مع ان بقالي فترة قليلة لا تتعدى ال 4 شهور
الا ان ليا وجهة نظر بسيطة
الناس اللى بتقول زيت كزا وحش جدا وشامبو كزا وحش
ياجماعة الشعر بيختلف من شخص لشخص
زى مافي بشرة عادية وبشرة دهنية في شعر جاف وشعر نعم مش محتاج حاجة وغيره وغيره
فش شعر يمشي معاه زيوت معينة زي اللوز والجرجير
وفي نوع شعر تانى مايمشيش معاه غير الزيتون والصبار مثلا
عشان كدة لازم نختلف في الرأى حول الزيوت والشامبوهات
فدة شئ مفيش جدال عليه
أبدا أشوف الناس بتسأل على ايه وبتطلب ايه هلاقي دة هايتاخد ودة كمان هايتاخد
مش شرط اللى مش عاجبني مايعجبش غيري زى اللى سبقونى ماتكرموا وقالو
وزى مافي الوحش في الحلو
ماى واى فيها حاجات كتير جدااااااااااا حلوة تغنينا اننا نتكلم عن اى حاجة مش عاجبانا
انتو شايفين ان شاور عنبر وحش وريحته بخور؟
طيب مش بنقول ان الازواق بتختلف؟
مافي حاجات تانية حلوة زى مثلا شاور لوليتا وسهر الليالي والفل والياسمين روعة
المنظفات ماشاء الله ماحدش اخد منى حاجة منها الا وشكرلي فيها لانى بسأل عادةً الناس عن اى حاجة بتاخدها عشان اعرف رايهم في كل حاجة
وكما السوبر باور للوتوماتيك خطير اللى بريحة المسك دة في ناس معندهمش غسالات اوتوماتيك وعندهم الهاف العادية واخدوه مني بس عشان ريحته بيحطوه مع الاريال العادي وقد ايه بيشكرولي فيه
والكلينتول والمعطر وباور الدهون ومهلبية الشيكولاتة والايس كريم والكيكات والخلطات بتاعة الدجاج الحار والبارد والمحشي والكفتة وغيره وغيره وشاور الاطفال والاسبراي وحاجات تحفة جدااااااااااا
والبرفانات اللى مش عاجباكم انا شايفة انها مناسبة لينا جداااااااا في ريحتها وسعرها
وزى ماذكرت مدام فاتن اننا فعلا كنا بنشترى البرفانات بفوق ال 150 وال 200 جنيه وبتبقي ريحتها مفيش بتطير قبل ما الساعة تعدى
في حين ان برفانات ماى واى بتثبت شوية عنها مالها التندر ومالها ليتيه ومالها بينك ومالها ريتشي ومالها ايجو وكروز وكلاسيك وسيلكشن واكسبلوجن واسنشيال كلهم روعة وكل اللى اشتروهم اتهبلو عليهم وبيطلبوا منى دايما منها
طبعا دى المنتجات اللى اذكرها دلوقت بس لكن في كتيييييييييييييييييييييييير منتجات اكثر من رائعة

انا عن نفسي جربت دول ليا ولجوزى وفي قرايب كتير اخدوها وجربناها كلها تقريبا وعملت طلبية بيهم وبحاجات تانية مطلوبة
يعني مفيش داعى اننا نقول على منتج وحش فعلا المسألة مسألة ازواق
ولولا الازواق لبارت السلع في الاسواق
بعتذر اذا كنت طولت في ردي
انا يمكن في الاول كنت حابة فكرة الموضوع كنقاش لكن لقيت ناس فهمت الموضوع غلط وبقت توبخ في منتجات ممكن يكون في ناس بتستعملها ومريحاها وبمجرد انها تقرا الكلام دة تخاف وتبطل تشتريها
بس كدة
طبعا مع احترامي للجميع
ام ملك

تاريخ التسجيل : 05/02/2011

السلام عليكم ورحمة الله وبركاته على فكرة يا جماعة احلى حاجة فى ماى واى ان انتاجها شهر بشهر بمعنى ان المنتجات اللى بنشتروها الشهر ده هى انتاج الشهر ده فعلا لانها ما شاء الله ما بتلاحقش على الطلبات علشان يتركن عندها منتج من شهر 8 اكيد زى الاخت سهام ماقالت ان الاخت اللى ادتهولك هى اللى كان مركون عندها العلبة دى دى كلمة حق ولازم تتقال فيه ايه

تاريخ التسجيل : 28/07/2011

دة اكيد طبعا استحالة منتج يدود في شهر انتاجه
اكيد قديم عند حد مش ممكن يكون من الشركة
مع احترامى
هذا شئ لا يصدقه عقل

تاريخ التسجيل : 22/08/2011

حلو موضوع الدود ده

مش يمكن اللبن اللى كان فيه دود

بهزر ماشى

منتج مش عاجبنى... نرجو التثبيت - صفحة 2 286993

تاريخ التسجيل : 09/10/2011

ولنفرض انه اتركن مع اني اقسم بالله من يوم ما جبته وهو في الثلاجة خمس ايام بس على كلامكم شهر ويدود ازاي حتى لو مش في الثلاجة وده دليل على انه زي ما سمعت المنتج بيضعوه في سلات وكل شهر يعبوا شوية ويكتبوا تاريخ الانتاج
أنا متلزمنيش سمعة الشركة بس المنتجات الغذائية يا تتعمل كويس يا تقفلوها احسن
ويا محترم في لبن بيدود ولا اسفة ما اكيد كل حاجة عندكوا بنتدود

تاريخ التسجيل : 02/08/2011

الاخت ام يوسف احنا ماقصدنا انه اتركن عند حضرتك انما القصد انه كان فى محل للبقاله او
سوبر ماركت فكلنا عندنا علم بوجود منتجات ماى واى فى جميع المحلات والاماكن وطبعا
نشكر لحضرتك حرصك على سلامة ابنائك وان غرضك انه كان تنبيه المستلكين لسلامتهم
بس بنبه حضرتك ان الشركة مش شغاله لوحدها كده ومع نفسها انما هى خاضعة لرقابة
المصنفات والاغذية والشركه حاصلة على شهادة الايزوو وعلى جودة المنتجات وطبعا احنا قبل ما
بنتعامل مع اى شركة بنبقى حريصين على البحث عن اصل الشركة ومن اين تستورد خاماتها
احب اقولك ان المنتج مصرى100% وانك كاى مصرى لازم تكونى حريصة على سمعة منتج
بلدك وفخورة ان شركة زى ماى واى قدرت تثبت وجودها بين كل الشركات الموجودة فى السوق
حتى انها نافست الشركات الاجنبية وخاصة الصينية
للاسف اللى قال لحضرتك المعلومة دى غرضه تشويه منتج بلده وممكن يكون من شركات منافسه
فارجو تحرى الدقة من مصدر معلوماتك ولكى جزيل الشكر
غيورة على منتج بلدى

تاريخ التسجيل : 09/08/2010

ياأم يوسف واضح انك زعلتى من تعليقات الاعضاء لكن احنا كلنا اخوات وبنتعامل بصدر رحب وعشم كبير وأنا أؤكدلك ان هما ما يقصدوش اى شىء

وانا بقالى سنين فى الشركة وعلى اتصال بهيئات كتير وعارفه كويس ان خطوط الانتاج فعلا مش مكفية السحب الكبير والمنتجات فعلا ما بتقعدش خالص وصلاحيتها فعلا بتكون حديثه دايما

فهما يقصدوا انك ممكن تكونى أخدتيها من حد ركنها عنده او نتيجة سوء تخزين

والدليل على كلامى هو اتجاه الشركة لتصفية فرع ماى واى السودان علشان يحاولوا يوفروا المنتجات للسحب العالى فى مصر والمملكة السعودية

وقالوا لما تتوفر خطوط انتاج كافية سيعيدوا افتتاحه مره أخرى

أما قصة اللبن فبصراحه تعليقك حاد شويه !!! لكن على أى حال اللبن المجفف اللى هو اللبن البودره بيدود فعلا

وأنا أتمنى ما تكونيش زعلانه احنا عاوزين يكون بيننا تسامح

وبرده بوجه كل الاعضاء والعضوات لأنهم ما يفقدوش أى حد مصداقيته كده ويكون أساس التعامل بيننا الثقة وحسن الظن

وأنا أعتذرلك ياأم يوسف عن أى شىء زعلك طبعا بدون قصد من أخواتك

تقبلى خالص تحياتى

تاريخ التسجيل : 09/10/2011

انا لو مكنتش واثقة في الشركة مكنتش اشتريت لابني اللي عمره سنة ونصف منتجات غذائية منها والله ما باكله الا الحاجة اللي واثقة منها واما شفت المهلبية كدة والله فتحت النت علطول ادور على اي حاجة تقدر توصل للشركة لقيت المنتدى ده والله ما بحب اسوء سمعة حد وحاولت ابعت عالخاص عشان دي ارزاق بس معرفتش ولولا ثقتي في الشركة ما كنت هسأل ومعدتش اجيب واقول للي اعرفهم وخلاص واللي ضايقني اكتر انه غذاء وان اللي جابته جابتلي 4 علب وقالتلي لسة جاية الوقتي وجبتهملك علطول وعندي مكملوش اسبوع ويارب تكون المشكلة فعلا بره الشركة ويكون سوء تخزين فعلا

تاريخ التسجيل : 09/08/2010

هى طالما من حد يبقى أكيد زى ما أخواتنا قالوا انها اللى تكون راكناهم عندها وانتى المفروض تنتبهى لها بعد كده

وربنا يحمى أولادنا وأولادك من كل سوء يارب

تاريخ التسجيل : 06/10/2011

بصراحه جزاكم الله كل خير

وحاجات ماى واى من زماااااااان راااائعه

وبالمناسبه كنت عايزه استفسر عن بسكويت الينسون حلو ولا

تاريخ التسجيل : 27/09/2011

متزعليش يا ام يوسف

اكيد اى حد بيضع رد بيبقى عاوز يشارك فى المشكله

بس اكيد لا يستطيع احد ان يقلل من كلامك او يكذبك

و بعدين احنا هنا بنعتبر عائله واحده

يعنى ممكن نهزر و اكيد الكلام كان مجرد دعابه

خلى صدرك رحب يا قمر و احنا منحبش حد يزعل هنا خالص

لاننا نحب بعض فى الله و انتى اخت فى الاسلام

و احنا نحبك فى الله

صلى على النبى يا قمر