استفسار لو سمحت

تاريخ التسجيل : 26/11/2010

السلام عليكم ورحمة الله وبركاته
انا مشتركة فى ماى واى بقالى شهر كدة وبصراحة لسة مجبتش حاجة ياترى الموضوع دة فيه مشلكة ؟؟
ثانيا عايزة اسأل فى ناس اصحابى عايزينى اشتركلهم
عايزة اعرف ازاى اشتركلهم تحت عضويتى وعايزة اعرف انى بسمع ان فى عضوية مجانا دة بيبقا ازاى ؟؟؟
معلش طولت عليكوا بس كنت عايزة اسأل حد وما صدقت لقيت المنتدى

دة

تاريخ التسجيل : 09/08/2010

أهلا بيكى ياsasoo معانا نورتى المنتدى

مافيش أى مشكله فى انك لسه ما عملتيش حاجه على كودك بس طبعا لما تدخلى الأعضاء اللى انتى عاوزة تدخليهم لازم تعملى على كودك الشخصى مالا يقل عن 75 نقطه علشان تقدرى تستفيدى من نقاطهم وتعملى مستوى علشان تستفيدى من المكافآت

أما بالنسبة لإدخال الأعضاء تحت كودك : فلو هتعمليلهم العضوية من الفرع أو الشحن على حد سواء بتقولى أنا عاوزة أدخل اللأعضاء دى تحت كودى الشخصى هيسألوكى كودك ايه تقوليلهم وهما هيسجلوهم تحتك بمنتهى السهولة

أما العضوية المجانيه دى فمافيش من الشركة عضوية مجانيه إلا ان بعض الناس علشان تغرى حد يدخل تحت كودها بتدفعله هيا تمن العضوية ودا طبعا مش بينفع مع اللى بيتعاملوا شحن لأن غالبا بيكونوا بعيد عن منطقة اللى بيعرض العضوية المجانية فمش بيقدر يعملهاله وعامة عضوية ماى واى مش غالية دا مبلغ صغير قوى

أتمنى أكون جاوبتك ولو محتاجة أى استفسار تانى أحنا تحت أمرك