مساعدة فى مشروع صغير

تاريخ التسجيل : 05/12/2010

السلام عليكم

بصراحة انا جديد فى موضوع البيع المباشر ونظام النقاط و المجموعات دا بس كنت عاوز اسأل هل من الممكن

افتح محل لبيع منتجات الشركة بنفس نظامها وشروطها فى محافظتى؟

ولو ممكن دا يتم ازاى؟

تاريخ التسجيل : 07/08/2010

السلام عليكم ورحمة الله وبركاته
أهلاً بيك mido
بنرحب بيك عضو معانا في المنتدي

لو حضرتك عضو فى الشركه فعلا فأسلوب النجاح الأمثل هو إنك تقدر تبني شجرة متشعبه من فروع عديدة

أصل الشجرة طبعاً هيكون حضرتك
أما الفروع فهي الأعضاء الجديدة اللي حضرتك هدخلهم تحت كودك الشخصي

وطبعاً كل لما يكتر عدد الأعضاء هتكبر الشجرة وبالتالي هتزيد الاستفادة بتاعة حضرتك
وهنا يجي دور حضرتك المهم في إنك تهتم بالأعضاء بتوعك في إنك تشجعهم علشان هم يشتغلوا ويدخلوا أعضاء ويكبروا وحضرتك بالتأكيد هتكبر معاهم

أما بالنسبة لحضرتك لو كنت في محافظة مفيهاش فرع للشركة فالطريقة اللي حضرتك تقصدها لوكانت بعيد عن الشركة وانك هتعمل نفس برامج الشركة
أعتقد انك مش هتلاقي نفس العائد اللي هتلاقيه في إنك تبني الشجرة الكبيرة اللي أنا ذكرتها فوق

أما بالنسبه لفكرة فتح محل تبيع من خلاله منتجات الشركه من خلال عضويتك

فرغم انه ضد قواعد الشركه الا إن فيه ناس كتيره بتعمل كده وبتكسب كويس لكن هنصح حضرتك بعدم بيع المنتجات بأقل من سعر الكتالوج لأن دا اسمه حرق بضاعه وهو لا يجوز طبعا وكمان ضد قوانين الشركه وكمان علشان تشعر بالربح الحقيقى اللى يعادل مجهودك

ومن الناحية التانيه عدم اهمال فكرة تكوين الشجره اللى اتكلمنا عنها دلوقت لأن نتائج الشجرة دى أربح بكتير من مجرد فتح محل ومش لازم أعضاءك يكونوا من محافظتك لكن ممكن يكونوا من أى مكان فى مصر

ولو فيه استفسار تاني في نفس الموضوع أو غيره ممكن حضرتك تطرحة علشان نقدر نوصل للأسلوب الأمثل في العمل والتعامل والتواصل

ولو فيه أى شىء ما تترددش وكلمنى على
0117082083

أتمنى لك التوفيق والنجاح

تاريخ التسجيل : 07/12/2010

انا مشتركه بالفعل جديده في شركه ماي واي ونفسي اعرف استفيد من العروض ازاي وامتي اعرفا ان ده احسن سعر ليها

تاريخ التسجيل : 09/08/2010

أهلا بيكى يالميا على المنتدى

أولا انتى واحده واحده هتعرفى كل الحاجات دى من مقارنة الاسعار من شهر للتانى

بس مبدأيا اعرفى ان العروض 1+1 أفضل العروض

وحاجات كتير من اللى بتنزل ب 5 أو 10 أحيانا

وعرض ال 50 % على شىء معين يعتبر هو هو 1+1 بس من غير ما يجبرك على شراء اتنين من المنتج

يعنى حاجات ى كده ما تستعجليش وان شاء الله من ثانى وثالث شهر هتعرفى كل الحاجات دى لوحدك

لكن اللى أنصحك بيه تكونى أمينه مع عملائك وتنصحيهم بالعروض الكويسه علشان تفوزى بثقتهم واستدامتهم معاكى

وربنا يوفقك ولو محتاجه أى شىء احنا تحت أمرك

تاريخ التسجيل : 29/12/2010

السلام عليكم ورحمه الله وبركاته
انا لسه مشتركه جديد فى ماى واى بقالى شهرين وبحاول افهم الموضوع ماشى ازاى والحمد لله انى توصلت للمنتدى علشان افهم بعض الاشياء لانى بقابل صعوبات شديده فى منطقه سكنى من حيث اقناع المعارف بالشراء او بالدخول تحت عضويتى لان فى نفس البلد زميل مشترك فى ماى واى من فتره وفاتح محل كبير وبيبيع منتجات ماى واى فيه مع منتجات اخرى لكن لااسف بيبع باقل من الكتالوج كتير جدا لدرجه انه فى بعض الشهور بيبيع باقل من سعر الفاتوره كمان غير ان المنتجات اللى بيكون عليها فى بعض الشهور تخفيض وعرض هو عامل العرض دا وبنفس السعر السنه كلها مما يجعل كل من اعرض عليه المنتجات يقولوا لى ما المحل الفلانى بيبيع باقل منك بكتير ولما اورى لهم الكتالوج يكون التعليق احنا المهم عندنا السعر الاقل طالما المنتج واحد مما سبب لى احباط كبير وتكدس بعض المنتجات عندى مما اضطرى الى انى استخدمها ومنتظر انى استخدم الباقى افضل من بيعها بنص الثمن بس دا احبطنى لانى كان نفسى ازود دخلى
غير انهم مش مستعدين يدخلوا تحت حد لانهم حسب قولهم يشتركوا ليه ما هما بيشتروا اللى هما عاوزينه فى الوقت اللى بيناسبهم من غير تعب ولا اشتراك فلو عند حضرلتكم حل لى ولمشكلتى او اقتراح علشان ازود دخلى بيه بطريقه حلال ياريت تردوا عليا وجزاكم الله عنا خير الجزاء

تاريخ التسجيل : 09/08/2010

وعليكم السلام ورحمة الله وبركاته

مرحبا أختى علا

بصى أنا هقولك ازاى هو بيقدر يعمل كده

أولا بيستفيد من العروض اللى بتنزلها الشركه فى مختلف الشهور وبيطلب منها بكميات كبيره ودا بيساعده فيه انه يملك محل وعملاء مضمونين بإذن الله تعالى طبعا

فبيطلب وقلبه جامد زى ما بنقول

ويستغل العرض فى الوقت اللى هو بيكون أغلى فى الكتالوج

مثلا بيشترى بعرض 1+1 ويبيع فى وقت العرض 2+1

فيكسب أكتر بكتير والناس تفتكر انه بيبيع أقل دا غير ان المنتج بيكون مركون عنده ممكن لعدة أشهر

ثانيا / لما بيشترى بكميات كبيره طبعا بيعمل حجم عمل كبير فبيكون له مكافآت عاليه ممكن تعوضه طبعا لو اضطر انه يخفض ثمن منتج معين علشان يثبت سعره زى ما انتى بتقولى

وكمان بيستفيد من الهدايا اللى بنتزل على ال 100 نقطه لانه بياخد منها عدد كبير جدا

دا غير البرامج وهداياها

ودا طبعا أولا لا يجوز انه يحرق بضاعه على الناس اللى بتشتغل حوله وكمان ضد قوانين الشركه

لكن نصيحتى ليكى علشان تقدرى تستمرى فى ظل الظروف دى كالتالى :

أولا انك تهتمى بتكوين شجرتك الخاصه وتبعدى بالشجره دى عن محيطك اللى انتى فيه لوجود المحل دا لأنى ما اعتقدش انهم هيوافقوا ولا هيدخلوا لأنهم مش فاهمين رغم انهم كده هيكونوا خسرانين

يعنى ممكن تعلنى على المنتديات النسائيه العامه اللى بتسمح بكده

وهيا كتيره وشهيره

أو أى وسيله أخرى تخرجى بيها من نطاق مدينتك

ثانيا / بعد الشجره تحاولى تشتغلى على كودك الشخصى بانك برده تلفتى نظر من حولك بانه يشترى العرض الكويس واللى مش عليه عرض ينتظره للشهر التالى مثلا واقنعيهم انك بتجيبيلهم البطاعه من الشركه مباشره من غير ما تكون مركونه ولا يوم

وكمان ممكن تستغلى الهدايا اللى بتاخديها بانك تقولى اللى هيشترى بكذا أديله عليه هدية كذا مثلا

وتحاولى تعملى لنفسك عروض خاصه بحيث تجذبى من حولك للتعامل معاكى

وطبع العروض الخاصه دى عاوزه منك حساب كويس وحسن تدبير علشان ما يؤثرش على مكسبك
وطبع صاحب المحل اللى عندك دا حاسب لنفسه كويس جدا وبيكسب أكثر ما احنا بنكسب فى العادى

معلش طولت عليكى

لكن استعينى بالله وابدأى وربنا يوفقك وأى حاجه انا تحت أمرك

لكن أتمنى تبقى تحطى استفسارك فى موضوع منفصل علشان تسهل متابعته