وانا ماشى فى الشارع

تاريخ التسجيل : 17/07/2011

السلام عليكم ورحمه الله وبركاته

ان شاء الله تكونوا بخير جميعا

كلنا تقريبا بنمشى فى الشارع كل يوم ع الاقل لقضاء طلب معين او لشغل او لدراسة او اى حاجة تانية

واكيد بنشوف سلوكيات كتير بتعجبنا وسلوكيات اكتر مش بتعجبنا

وبنشوف موقف معين مش بيعجبنا وبنتمنى مش نشوفه تانى وللاسف بنشوفه ديما وباستمرار

ايه هو الموقف او السلوك دا بئا اللى بتشوفه ديما ومش بيعجبك ؟؟ وايه السبب ؟؟

وساعات بنشوف موقف او سلوك حلو جدا بنتمنى نشوفه كتير وللاسف مش بنشوفوه

ايه هو الموقف او السلوك دا اللى مش بتشوفه كتير وبيعجبك ونفسك يتكرر ؟؟ وايه السبب ؟؟

يارب تكون الفكرة عجبتكم واتمنى اعرف اجاباتكم ان شاء الله

تاريخ التسجيل : 20/07/2011

اولا باحييك اختى فاطمة على الفكرة الرائعة اللى من خلالها نتعرف على اهم الايجابيات والسلبيات من وجه نظر كل الاعضاء ومن ثم يمكن لكل منا التحلى بالجميل منها والبعد عن السيء فيها ، هى دعوة جادة منك للتاكيد على العادات الطيبة التى تخلق روح الود والتآلف الله عليك اخت فاطمة وادعو كل الاعضاء ان يتفاعلوا مع الموضوع الجميل ويدلوا بدلوهم فيه بما يفيد وينفع

تاريخ التسجيل : 05/02/2011

السلام عليكم ورحمة الله وبركاته
جزاكى الله كل خير يا فاطمة على فكرتك الجميلة واحب احيى فيكى مساهماتك البنائة والمفيدة واحب اكون اول مشاركة بالنسبة للفكرة دى اولا السلوك اللى بيعجبنى لما الاقى كبار السن سواء فى الشارع او المواصلات والاقى تصرفات الناس تجاهم مليئة رحمة وحب وحنان واحترام لسنهم بجد الشعب المصرى فيه كمية ود وحنان يغطى العالم كله اما بالنسبة للتصرف اللى مش بيعجبنى لما الاقى الشباب بيعاكسوا البنات والستات بدون ادنى ادب او خجل من نفسهم نفسى يعتبروا اللى بيعاكسوها دى اختهم او بنتهم ويتقوا ربنا فيهم ولازم يكون ديننا هو اساس تصرفاتنا لاننا واجهة لهذا الدين العظيم الذ كرم المراة على وجه الخصوص
اسفة على التطويل وارجو ان اكون قد اصبت وشكرا

تاريخ التسجيل : 28/07/2011

احياكى على موضوعك الجميل لفت انتباهى
انا معاكى يا الاء فى رايك
السلوك اللى مش بيعجبنى الاول الهمجية اللى دايما بتلاقها فى الناس من خلال حياتك اليومية اكيد طبعا شوفتوة كتيرة النوعية دة دة اللى مش بحبوة

والشى اللى بحبوة فى المواصلات ساعات بتلاقى ناس محترمة تقوم عشان بنت تقعد او رجل او ست عجوزة دة تبقا شهامة

تاريخ التسجيل : 20/07/2011

فى المواصلات تقف البنت بالساعات حتى تصل الى محطة نزولها ونجد بجوارها شبابا اقويا لا يكلف احدهم خاطره ويتنحى لها عن كرسيه كاخت له ، غير مبال ولا مكترث لحالة الاعياء والتعب الشديدة التى المت بها ، ناسيا ان اليوم تقف بجواره فتاه وغدا تقف اخته بجوار آخر - بالساعات - متالمة دون ان يعيرها هذا الاخر اى اعتبار فقط لان الديان لا يموت
سلوكيات اتمنى ان تختفى
ملحوظة اكيد الاخت فاطمة تسمح لنا بتكرار المساهات والمداخلات والمشاركة فى هذا الموضوع مش كده برضه اخت فاطمة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟