هو إنت مشكلتك إيه؟؟؟؟

تاريخ التسجيل : 02/08/2011

د/ محمد يسري إبراهيم
هو إنت كانت مشكلتك في رئيس حكومه بيروقراطي زي هشام قنديل ؟! .. طيب مبروك عليك حازم الببلاوي صاحب المقاله الشهيره "أريد أن أنتخب جمال مبارك"!
.
هو إنت كانت مشكلتك اصدار مرسي لــ اعلان دستوري بدون استشاره حد ؟! .. مبروك عليك اعلان بعد مُنتصف الليل مش عارفين مين الي عملو ! .

هو إنت كانت مشكلتك مع مرسي ان في شك ان مكتب الارشاد بيديله تعليمات ؟! .. طيب مبروك عليك عدلي منصور الي السيسي بيديله تعليمات عيني عينك وبيعمل كل حاجه بداله! .
هو إنت كانت مشكلتك ان الجمعيه التأسيسه ادت صلاحيات للعسكر ؟! .. طيب مبروك عليك العسكر هو الي هيحط الدستور كله بنفسه .

هو إنت كانت مشكلتك مع غلاء الاسعار ؟! .. طيب حازم الببلاوي في اول تصريح ليه قال "يجب إلغاء الدعم للخروج من الأزمة المالية" ! .

هو إنت كانت مُشكلتك مع قرض صندوق الدولي ؟! .. طيب الحكومه الجديده اعلنت الغاء الدعم وخطه التقشف مخصوص علشان القرض ده ! .

هو إنت كانت مشكلتك مع القروض والمنح الي كان بياخدها مرسي من دول تانيه ؟! .. طيب الحكومه الجديده خدت قروض ومنح من الكويت والسعوديه والامارات بـ 6 مليار دولار ! .

هو إنت كانت مشكلتك في كادر الاطباء وبعض اجراءات العداله الاجتماعيه ؟! .. تم الغاء الكادر وتخفيض نسبه المعاشات الي مكنتش عجباك ! .

هو إنت كانت مشكلتك في التحقيق مع المعارضه من خلال القضاء الي ممكن يلفق ليهم تُهم ؟! .. طيب ايه رايك في الاعتقالات العشوائيه بدون اي تحقيق او سند قانوني مع مقارنه العدد ؟! .

هو إنت كانت مُشكلتك فض اعتصام الاتحاديه بالاشتباك بالايدي من الاخوان الي مات فيه 8 منهم و 3 من عندك ؟! .. طيب ايه رأيك في فض الاعتصام بالرصاص الحي وقتل اكتر من 70 واحد ومنهم اطفال غير المُصابين ؟!

هو إنت كانت مُشكلتك إن مرسي بعت انذار لــ 4 قنوات منهم قناه مؤيده ليه ؟! .. طيب ايه رايك في غلق اكتر من 7 قنوات كلهم من طرف واحد بدون اي انذار وبدون اي سند قانوني ! ... ايه رايك في غلق الصحف المعارضه كلها ؟! .

هو إنت مشكلتك انك خايف مرسي يتوغل في مؤسسات الدوله وفي القضاء وكده ؟! ..طيب ايه رايك في الي متوغل اساساً في مؤسسات الدوله ؟! .

هو إنت كان مشكلتك في فتره ان فصيل واحد كان ماسك السلطه التنفيذيه ومعاه التشريعيه ؟! .. طيب ايه رايك ف شخص واحد معاه الـ 3 سلطات ؟! .

إنت كانت مُشكلتك ان مرسي لم يدعم الثوريه السوريه و زار الدول الي بتدعم بشار ؟! .. طيب ايه رايك في الي رحل السوريين لبشار تاني ومنع دخولهم مصر بعد ما مرسي وصى عليهم الشعب المصري ! .

إنت كان مُشكلتك في رئيس بيخاطب اهله وعشيرته ؟! .. طيب ايه رايك في واحد مش بيخاطب حد اصلاً ! .

هو إنت مشكلتك في ان مرسي لم يطهر الداخليه وإنه قال انها كانت في القلب ؟! .. طيب ما هو إنت بنفسك كُنت في القلب معاها يوم 30-6 .. مستنى عدلي منصور يطهرها ازاي وانت في القلب منها مع الداخليه ؟! .

وانت بتجاوب ع الأسئله الي فوق حط في اعتبارك ان كل العيوب الي بتقولها ع مرسي عملها خلال سنه.. في حين ان كل الي بقولك عليه حصل ف اقل من اسبوع في عهد الرئيس الجديد ! .

قولتلي بقى انت نزلت 30-6 ليه ؟! .. ااااااااااه إنتخابات رئاسيه مُبكره ! .. قولتي هتتعمل امتى دي ؟!

هيبقى عندك رئيس امتى حسبى الله ونعم الوكيل اصحاب العقول فى راحه