شكوى . هما ليه بيعملو كده ؟؟؟

تاريخ التسجيل : 25/10/2013

السلام عليكم ورحمه الله و بركاته

انا طلبت شحن اسكندريه النهارده علشان اطلب طلبيه

واحنا اهو فى اول الشهر يعنى بلحق العروض قبل ما تخلص

كنت هطلب حاجات ب 200 نقطه

و كل ما اطلب منتج تقولى مش موجود

و لقيت نفسى فى الاخر الطلبيه مش موجود منها الا يجى 20 نقطه الحاجات اللى عليها 2 نقطه بس الموجوده

انما كل البرفانات مش موجوده ولا حتى حجز

فقولتلها لا شكرا انا بلغى الطلبيه

سألتها هل ممكن الحاجات دى تجى بعدكده فى باقى الشهر قالتلى لا مش هتجى طول الشهر

هما لييه بيعملو كده . اكيد مش عاوزين اننا نكسب الهديه الدفايه

بس مينفعش الكلام ده

انا عاوزه اعرف رقم شكاوى الشركه كام علشان اكلمهم و اعرف اعمل ايه

و هل كل الفروع زى اسكندريه كده ولا ممكن اطلب من فرع تانى

تاريخ التسجيل : 29/10/2013

وعليكم السلام ورحمة الله وبركاااتة
أهدى بس يااختى الغالية مينفعش نقيس الموضوع دة بالطريقة دى اهدى وكل حاجة تبقى زى الفل
ان شاء الله
وانا والله لسة حالا برضو مكلمة الشركة وكنت هطلب طلبية ومالقتش ولا حاجة فقولت خلاص بقى افك
حجز الحاجة الشهر اللى فات وخلاص مش هعمل طلبية دلوقتى مالقتش برضو ولا حاجة من الحجز
فتقريبا المشكلة فكل الفروع
اهدى انتى بس وان شاء الله استاذ محمد يرد علينا دلوقتى ونلاقى حل بإذن المولى ان شاء الله
وتعملى الطلبية وتاخدى كمان الدفاية
روقى بقى :)

تاريخ التسجيل : 25/10/2013

اصل اللى نرفزنى انها قالتلى مش موجوده ولا هتجى طول الشهر

ده كل العروض مش موجوده واحنا تانى يوم فى الشهر
برفان تندر مش موجود
برفان ليله مش موجود
برفان ويسبر مش موجود
برفان جولدن تاتش مش موجود
برفان يو مش موجود
برفان سيلكشن مش موجود
برفان شذى مش موجود
كل البرفانات دى مش موجوده من تانى يوم فى الشهر ولا هتتواجد باقى الشهر!!!
قمت اترفزت و مرضتش اكمل الطلبيه

اللى اعرفه ان لو منتج مش موجود بيبقى حجز او بيجى باقى الشهر
او لو مش بيجى بيبقى نسبه من المنتجات
مش كلها

تاريخ التسجيل : 07/08/2010

لا داعي أبدا للانزعاج

اليوم هو اول يوم عمل في شهر ديسمبر وهو امتداد لآخر يوم من الشهر الماضي

والذي يتميز دايما بالضغط الشديد والزحام وسحب المنتجات بشكل كبير

وربما معظم الفروع لم تصلها منتجات بعد خلال هذا اليوم

وبالتالي ربما تتوفر المنتجات خلال الايام القادمه

وليس من مصلحة الشركه أبدا أن تعوق دون اتمام البرامج لأن ذلك يضر بها قبل أي أحد

فصبرا حتي نري الايام القادمه لعلها تشهد توفر أفضل في المنتجات

تاريخ التسجيل : 25/10/2013

محمد رفعت كتب:: لا داعي أبدا للانزعاج
اليوم هو اول يوم عمل في شهر ديسمبر وهو امتداد لآخر يوم من الشهر الماضي
والذي يتميز دايما بالضغط الشديد والزحام وسحب المنتجات بشكل كبير
وربما معظم الفروع لم تصلها منتجات بعد خلال هذا اليوم
وبالتالي ربما تتوفر المنتجات خلال الايام القادمه
وليس من مصلحة الشركه أبدا أن تعوق دون اتمام البرامج لأن ذلك يضر بها قبل أي أحد
فصبرا حتي نري الايام القادمه لعلها تشهد توفر أفضل في المنتجات

شكرا استاذ محمد لرد و اهتمامك ربنا يكرمك
بس هو كلام المندوبه اللى ردت عليا من الشركه ان المنتجات دى مش هتتوفر طول الشهر
كل لما اقولها على منتج تقولى مش موجود ولا حجز
قولتلها ممكن تتواجد المنتجات بعد كام يوم؟
قالتلى لا مش هتتواجد طول الشهر
و لما لقيت الطلبيه هتقل مش هتصفى غير على 20 نقطه قولتلها خلاص شكرا الغى الطلبيه قالتلى ماشى و قفلت

ياريتها قالتلى زى ماحضرتك قولت كده بس دى كأنها بتقولى متطلبيش تانى

هل هما بيعملو كده علشان يضيعو علينا الايام التنشيطيه ؟
ولا ايه سبب الاسلوب ده فى المعامله مش فاهمه
كأنى بطلب منها حاجات و مش هدفعلها فلوسها

تاريخ التسجيل : 07/08/2010

أولا لو الموظفه قالت لحضرتك الكلام دا فهي بالتأكيد غلطانه أو ربما أسأتي فهمها

لكن إن شاء الله المنتجات تتوفر

أما بالنسبه للتنشيطات فيتم عملها من أجل زيادة حجم العمل وتحقيق التارجيت المطلوب من كل فرع

وتحقيق التارجيت ينتج عنه مكافآت ماليه للقائمين علي العمل بالفرع

وبالتالي فالتنشيط وسيله لزيادة حجم العمل وتحقيق التارجيت وتحقيق مركز متقدم بين الفروع

وعندما يتم تنظيمه يتمني الفرع لو يأتي التنشيط بثماره محققاً أحلي معدلات المبيعات من خلاله

ما أحب أن أوضحه

أن مشكلة المنتجات هي مشكلة الشركه كلها بجميع الفروع وهي ليست مشكله خاصه بالشركه فقط وانما مشكله عامه علي البلد

والكل يشاهد ويعلم أن شركات أخري علقت الانتاج لفتره بسبب نقص المواد البلاستيكيه المستخدمه في التغليف والعبوات وغيرها

ومصانع ماي واي تعتمد عليها بشكل أساسي في كل المنتجات تقريبا

نتمني أن تنتهي المشكله وأن تتوفر المنتجات بالشكل الذي يتمناه الجميع

تاريخ التسجيل : 25/10/2013

محمد رفعت كتب:: أولا لو الموظفه قالت لحضرتك الكلام دا فهي بالتأكيد غلطانه أو ربما أسأتي فهمها
لكن إن شاء الله المنتجات تتوفر
أما بالنسبه للتنشيطات فيتم عملها من أجل زيادة حجم العمل وتحقيق التارجيت المطلوب من كل فرع
وتحقيق التارجيت ينتج عنه مكافآت ماليه للقائمين علي العمل بالفرع
وبالتالي فالتنشيط وسيله لزيادة حجم العمل وتحقيق التارجيت وتحقيق مركز متقدم بين الفروع
وعندما يتم تنظيمه يتمني الفرع لو يأتي التنشيط بثماره محققاً أحلي معدلات المبيعات من خلاله
ما أحب أن أوضحه
أن مشكلة المنتجات هي مشكلة الشركه كلها بجميع الفروع وهي ليست مشكله خاصه بالشركه فقط وانما مشكله عامه علي البلد
والكل يشاهد ويعلم أن شركات أخري علقت الانتاج لفتره بسبب نقص المواد البلاستيكيه المستخدمه في التغليف والعبوات وغيرها
ومصانع ماي واي تعتمد عليها بشكل أساسي في كل المنتجات تقريبا
نتمني أن تنتهي المشكله وأن تتوفر المنتجات بالشكل الذي يتمناه الجميع

شكرا لحضرتك يا استاذ محمد
ان شاء الله بكره هكلمهم تانى و هقول لحضرتك عملت ايه
وان شاء الله خير

تاريخ التسجيل : 16/03/2012

ربنا يصلح حال الشركة وحال مصر كلها

تاريخ التسجيل : 11/11/2010

شكرا اختي الكريمة لعمل الموضوع ده فعلا كلنا بنلاحظ اختفاء المنتجات في اوقات غير متوقعه انا شخصيا بطلت اعمل اي طلبيات غير قبل التنشيط بيوم بتبقي كل المنتجات متوفرة اسعدادا للتنشيط تاني يوم !
شكرا استاذ محمد على اهتمامك بالرد والتوضيح ولكن مشكلتي تتجاوز مجرد عدم وجود منتج بالشركة لكن الهدايا حضرتك انا عندي هدايا مش ببالغ لوقلت انها من اكتر من 6شهور
يعني مثلا سبراي الخوخ لما كان نازل هدايا وسوبر كلينتول بدون رغوه وغيرها انا بقول الي فاكراه كل ما اكلم الشحن عشان اعمل اوردر واقفله واطلب من الانسه فك الحجز تقولي كل الحجوزات الي عندك هدايا ومش متوفرة اقولها طيب كميتها كبيرة تقولي ايوة عندك حجوزات كتير!
ياريت حضرتك توصل صوتنا للادارة لان الهدايا بيعها مكسب لينا في ظل مهرجان الحرق من التجار
وربنا يصلح الحاال يارب ويفتحها علينا كلنا

تاريخ التسجيل : 07/08/2010

عدم توفر الهدايا مشكله كبيره جدا سبق عرضها

خاصة أنها تتسبب في عدم الثقه لدي العضو الجديد تحديدا وتتسبب في هروبه من الشركه

ولكن أعتقد أن هذا هو تقريبا الشهر الوحيد منذ فتره طويله الذي توفرت فيه هدايا الـ 100 نقطه

وان كانت بشكل متفاوت لكن الهدايا الثلاثه توفرت بالفروع

وأعتقد أنه سيتم فك الحجز المتبقي منها بأسرع وقت

لكن أنصح دائماً بأن يطلب العضو بيان بالحجوزات لمعرفة حجوزاته أولا بأول لعدم ضياع شئ منه بالخطأ

بين فك الحجز وعدم الوصول

تاريخ التسجيل : 27/11/2012

ايه بيان بالمحجوزات ده انا اول مرة اسمع بيه ده عادى ممكن اطلبه من الفرع هيبقى فيه الصنف و الكمية و الكود مثلا

تاريخ التسجيل : 07/08/2010

أيوه بالظبط زي الفاتوره

بيكون مكتوب فيه كود الصنف والعدد ورقم الفاتورة اللي كان محجوز فيها